Almanak_Islam

Almanak Islam nakeuh almanak nyang geunguy lam Islam. Phôn that thôn nyoe geupeuteubiët pakat lé Saiyidina Umar bin Khattab ra. Thôn nyoë geukira mulayi bak phôn-phôn watèe hijrah (minah) Nabi Muhammad SAW ngon Sahbatgeuh u Madinah. Thôn nyoë geubileuëng meunurôt dijak aneuk buleuën, seubab nyankeuh buleuën Hijriyah nyoë hana teuntèe beunileuengjih meunyo meunurôt èleumèë hisab. Meujan paih ngon hisab, meujan meubida that deungon hisab nyan.

Uroë buleuën nyoë pih meubida ngon thôn-thôn la'én. Jumeulah uroe buleuën nyoe paléng lë lhèë plôh uroë, paléng kureuëng duwa plôh sikureuëng uroë.

Nan-nan buleuen

Nan Buluen Arab Lam Bahsa Acèh

+	Bahsa Acèh	Bahsa Arab
1.	Asan-Usén	( ﻣﺤﺮﻡ )
2.	Sapha	( ﺻﻔﺮ )
3.	Maulôt	( ﺭﺑﻊ ﺍﻷﻭﻝ )
4.	Adoë Maulôt	( ﺭﺑﻊ ﺍﻷﺧﺮ )
5.	Maulôt Seuneulheuëh	( ﺟﻤﺪ ﺍﻷﻭﻝ )
6.	Khanduri Boh Kayèë	( ﺟﻤﺪ ﺍﻷﺧﺮ )
7.	Khanduri Apam	( ﺭﺟﺐ )
8.	Khanduri Bu	( ﺷﻌﺒﺎﻥ )
9.	Puasa	( ﺭﻣﻀﺎﻥ )
10.	Uroë Raya	( ﺷﻮﺍﻝ )
11.	Meuapét/Beurapét	( ﺫﻭﺍﻟﻘﺎﻋﺪﺓ )
12.	Haji	(ﺫﻭﺍﻟﺤﺠﺔ)

Uroë-uroë peunténg

Uroë-uroë peunténg lam Almanak Hijriyah nakeuh:

Almanak (uroë buleuën)	Uroë	Teuneurang
1 Muharram	Thôn Barô Hijriyah	Uroe phôn lam thôn Hijriyah.
10 Muharram	Uroe 'Asyura	Uroë ji meuingat cit lé kawôm Syi'ah keu keujadian wafeuët Sayyidina Husein bin Ali.
12 Rabi'ul Awwal	Molôd Nabi Muhammad	Uroe lahé Nabi Muhammad SAW.
27 Rajab	Isra' Mi'reuëj	Isra': Nabi geuba lé Allah bak malam uroe nibak Masjidil Haram Meukah sampoe trôh u Baitul Muqaddis di Palestina. Mi'reuej: Nabi Geu peu 'ék uléh Allah U langèt sampoe trôh u bak Sidratil Muntaha. Bak malam nyan keuh geupeuwajéb seumnahyang limong watèe siuroe simalam.
1 Ramadhan	Puasa	Si buleuën peunoh ummat Islam geupeubuët ibadah Puasa bak buleuën Ramadhan.
17 Ramadhan	Nuzulul Qur'an	Sa'ah Neupeutrön Al-Quran bak Rasulullah SAW.
10 uroë ganjé bak akhé Ramadhan	Laylatul Qadar	Malam-malam nyang Neupeutrön beureukat lé Allah keu ureueng-ureueng nyang meuibadah lam malam-malam nyan.
1 Syawwal	Uroë Raya Idul Fitri	Urueng Islam geumeu uroe raya. Allah Neutham ummat Islam Puasa bak uroe nyan.
8 Dzulhijjah	Uroë Tarwiyah
9 Dzulhijjah	Wuquf	Wuquf di Blang 'Arafah bak urueng nyang pubuet ibadah haji.
10 Dzulhijjah	Uroë Raya Idul Adha	Urueng Islam Geumeu uroe raya bak uroe nyan, uroe nyan geupeunan uroe raya haji atwa uroe raya keureubeuen, lheuh seumbahyang sunnat Idul Adha mulai phôn watèe geusie keureubeuen.
11-13 Dzulhijjah	Uroë Tasyréq	Neupeuhareum puasa lé Allah bak uroe-uroe nyan. Bak uroe nyoe pih geusie keureubeuen lé urueng-urueng nyang mampu. Habéh watèe sie keureubeuen sampé 'an jilôp mata uroe bak tanggai 13 buluen nyoe.

Wikimedia Commons na mèdia nyang mupawôt ngön: Islamic calendars