Surat Al-Isra′ (bahsa Arab: الإسراء, Al-Isrā, "Jak jeu'ôh bak watèe malam") nakeuh surat nyang keu-17 lam Al-Qur'an. Surat nyang jeumeulah ayatjih 111 boh ayat nyoe nakeuh surat Makkiyah. Neubôh nan Al-Isra′ saweub lam surat nyoe na neuriwayat bhah Isra' Mi'raj nyang neupubuet lé Nabi Muhammadﷺ nyang neupeuphôn nibak Masjidil Haram di Meukah u Masjidil Aqsha di Baitul Maqdis. Ban dum bhah nyan na neuseubôt lam ayat nyang keuphôn lam surat Al-Isra'. Surat nyoe neupeunan cit ngön Surat Bani Israil saweub lam ayat 2 'oh ayat 8 ngön ayat 101 'oh ayat 104, Allah na neuseubôt Bani Israil nyang nakeuh saboh bansa nyang neupeuhina lé Allah saweub hana seumatéh keu Allah. Riwayat nyan jeut cit keu saboh haba peuingat keu ureueng Islam mangat bèk peuji'ôh nibak pue-pue nyang neuyue lé Allah.
Asoe surat
Meuiman: Allah hana aneuk; Allah sabé-sabé neubri raseuki keu ban ban dum peuneujeutgeuh; bak Allah na nan-nan nyang göt; Al-Qur'an nakeuh peutunyok nibak Allah; tapatéh bahwa padang Mahsyar ngön uroe akhé geuneuk trôk.
Nyang la'én: ban dum ureueng geukeumeung peutanggông ateuh ban dum buet nyang geupubuet lam dônya; sabab neupeuancô saboh kawôm lé Allah; peutunyok bhah meugöt-göt ngön ureueng syik ngön ureueng binèh rumoh; manusia nakeuh peuneujeut Allah nyang that jroh; bhah roh.
Peunawôt luwa
Wikisource na naseukah nyang meuhubông ngön teunuléh nyoe:
Surat Al-Isra'
