Aubrey de Grey

Aubrey de Grey in 2008.

Aubrey de Gray (gebore 20 April 1963 in Londen) is 'n Britse biomediese gerontoloog en bioinformatikus by die departement van genetika aan die Universiteit van Cambridge.

Hy is daartoe verbind om die ontwikkeling van 'n kuur vir veroudering te versnel, 'n mediese doelwit wat hy 'gemanipuleerde weglaatbare veroudering' noem, waar 'veroudering' beteken 'die biologiese agteruitgang as gevolg van ouderdom'. Om ’n kuur vir verouderingsimptome te verkry, fokus hy op sewe areas van die biologiese verouderingsproses wat hy medies wil behandel. In onlangse jare is hy mee onderhoude deur die BBC, The New York Times, die tydskrif Fortune, CNN en PBS gevoer.

Volgens De Gray is die eerste mense reeds gebore wat 'n duisend jaar gaan leef.[1][2]

Biografie

Voordat hy hom tot biologie gewend het, was De Gray 'n rekenaarwetenskaplike. In 1985 het hy 'n B.A. in rekenaarwetenskap. In 1995 het hy sy belangstelling na bio-gerontologie verskuif en die boek The Mitochondrial Free Radical Theory of Aging geskryf. Die boek is gunstig in die mediese gemeenskap ontvang vanweë De Gray se bydraes tot die molekulêre biologie van mitochondrium in die verouderingsproses. In die boek het De Gray onder meer beweer dat die herstel van skade aan die mitochondria die lewe sal verleng, maar hy het ook genoem dat kumulatiewe skade aan die mitochondria nie die enigste dominante oorsaak van die verouderingsproses sal wees nie. Ter erkenning van sy boek oor mitochondria en ander publikasies het Cambridge Universiteit in 2000 aan De Gray 'n PhD in biologie toegeken.

Oor sy agtergrond as rekenaarwetenskaplike (in genetika) sê Aubrey self die volgende: 

"Daar is werklik belangrike verskille tussen die kreatiwiteit van 'n ingenieur en 'n wetenskaplike. Dit beteken dat ek op 'n ander manier dink en daarom is my benadering anders as dié van 'n wetenskaplike."

Hy beweer dat die fundamentele kennis om lewensverlengende medisyne te maak reeds bestaan en dat die wetenskap voor die subsidies is. De Gray vergelyk ons liggaam met 'n motor. As ons baie met ons kar ry, word die enjin verslyt. ’n Motorwerktuigkundige kan verseker dat die motor langer kan aanhou ry deur die skade wat aangegaan is, te herstel. As ingenieur soek De Gray na maniere om die skade wat ouderdom aan ons liggaam veroorsaak, te herstel. Volgens hom is die geheel van opgehoopte newe-effekte van metabolisme wat ons uiteindelik doodmaak. 

“Om ouer te word is werklik barbaars. Dit behoort verbied te word. Ek het geen etiese argument nodig nie. Ek het geen argument nodig nie. Dit is sleg om mense te laat sterf.”

Hy is ook die hoofuitgewer van The Rejuvenation Research journal wat handel oor temas rondom gemanipuleerde weglaatbare veroudering (SENS). SENS poog om ouderdomsverwante agteruitgang van die gees en liggaam te voorkom. Saam met David Gobel het hy die 'Metusalem muisprysfonds' gestig. Die doel van die prys is om navorsing oor lewensverlenging te stimuleer. ’n Deel van die bedrag gaan aan die wetenskaplike wat sy muis die langste kan laat lewe. Die huidige rekordhouer is die wetenskaplike Andrzej Bartke, wat sy muis vir 1819 dae (byna 5 jaar) kon laat lewe, waar die normale ouderdom van hierdie diere 2 tot 3 jaar is. In November 2005 was die totale prysfonds $3 miljoen werd.

Literatuur

  • Aubrey de Grey (hoofdredacteur), Rejuvenation Research (tydskrif)[3]

Verwysings

  1. ↑ Nu.nl, ‘Mensen kunnen duizend jaar oud worden’, 8 Julie 2011. Geargiveerd op 4 Maart 2016.
  2. ↑ NPO Wetenschap, Onsterfelijkheid is maar een bijeffect - Aubrey de Grey wil mensen gezond houden, tot in eeuwigheid, door Elmar Veerman, 11 Oktober 2011
  3. ↑ Libert Pub, Rejuvenation Research. Geargiveer op 5 Maart 2018.

Eksterne skakels