Benetton Formula-span
Die Benetton Formula-span (amptelik Benetton Formula Ltd, algemeen na verwys as Benetton), was 'n Formule Eenmotorwedrenspan wat van 1986 tot 2001 aan Grand Prixwedrenne deelgeneem het.
Die span was besit deur die Benettonfamilie, eienaars van die wêreldwye klerewinkelgroep Benetton.
In 2000 is die span vir VS$120 miljoen aan Renault verkoop, maar het bly meeding as Benetton vir die 2001-seisoen. In 2002 het die span Renault F1 geword, en in 2012 weer die Lotus F1-span.
Nasionaliteit
Die Benetton-span het 'n Britse lisensie gehad van 1986-1995 en 'n Italiaanse lisensie van 1996-2001, dus slegs die tweede vervaardiger (naas Shadow in 1976) om sy nasionaliteit amptelik te verander. Die Benettonfamilie wou hierdie verandering van burgerskap hê om 'n F1-span in hulle eie land te besit.[1][2][3] Benetton is steeds die enigste vervaardiger om onder twee verskillende nasionaliteite Grand Prixoorwinnings te behaal. Die span was altyd gebaseer in die Verenigde Koninkryk, aanvanklik in die ou Tolemanfabriek, in Witney, Oxford en later in 1992 in 'n nuwe, groter fabriek in Enstone, Engeland.
Voorbeelde van Benetton se renmotors
-
'n Benetton B190B Formule Eenmotor bestuur deur Nelson Piquet in die 1991 seisoen. -
Thierry Boutsen jaag vir Benetton in die 1988 Kanadese Grand Prix. -
Giancarlo Fisichella in 'n Benetton in die 1999 Kanadese Grand Prix. -
Benetton se laaste Formule Eenmotor, die B201, bestuur deur Jenson Button.
Verwysings
- ↑ "New Benetton launched today". GrandPrix.com (in Engels). 5 Februarie 1996. Geargiveer vanaf die oorspronklike op 9 Oktober 2019. Besoek op 19 September 2015.
- ↑ "Will Benetton's nationalism cause problems?". GrandPrix.com (in Engels). 1 Januarie 1996. Geargiveer vanaf die oorspronklike op 9 Oktober 2019. Besoek op 19 September 2015.
- ↑ (29 November 1995). "Benetton to race under Italian colours". New Straits Times. Besoek op 19 September 2015.