Bruineend
| Bruineend | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Netta
|
| Spesie: | N. erythrophthalma
|
| Binomiale naam | |
| Netta erythrophthalma (Wied-Neuwied, 1833)
| |
Die bruineend (Netta erythrophthalma) is redelike groot eend en algemene standvoël. In Engels staan die voël bekend as die Southern Pochard en in Duits as die Rotaugenente.
Identifikasie
Die voël word 48 tot 51 cm lank en weeg 550 tot 950 gram. Dit is donkerbruin van kleur. Die mannetjie het 'n ligblou snawel en helderrooi oë. Die sye is bleker en kastaiingbruin. Die verskil baie van die bloubekeend. Tydens vlugte het beide geslagte 'n sigbare wit vlerkstreep wat tot op die hoofslagvere strek.
Die wyfie is donkerbruin, maar nie so besonderse donker-sjokoladebruin soos die mannetjies nie. Die wyfie het ligte gesigsvlekke op die basis van die snawel en die ander kenmerk is 'n wit sekelmaan agter die oog. Die jong voël lyk soos die wyfie, maar sonder die sekelmaan.
Habitat
Die voëls leef by mere en damme en verkies dieper water.
Dieet
Hulle soek hoofsaaklik kos deur te duik maar wei en plas ook. Hul voedsel bestaan uit waterdiertjies en waterplante.
Broeigewoontes
Die nes word tussen die riete, naby water gebou.
Verspreiding
Die bruineend is volop in Suid-Afrika en kom voor van die Kaap tot in Etiopië
Sien ook
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bron
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1
- KENNIS, vol 14, 1980, bl. 2898-2899, ISBN 0 7981 0836 3
