Ishanavarman II
| Ishanavarman II | |
|---|---|
| Koning van die Khmer-ryk | |
| Bewind | c. 923-928 |
| Voorganger | Harshavarman I |
| Opvolger | Jayavarman IV |
| Dinastie | Khmer-ryk |
| Vader | Yasovarman I |
| Moeder | Suster van Jayavarman IV |
| Oorlede | 928 |
Ishanavarman II (Khmer: ឦសានវរ្ម័នទី២; oorl. 928) was ’n koning van die Khmer-ryk, vermoedelik van 923 tot 928. Sy heerskappy was moontlik beperk tot Angkor en die streek om en wes van Battambang.[1]
Lewe
Ishanavarman was die jongste seun van koning Yasovarman I en sy vrou, wat ’n suster van Jayavarman IV was.[2]:70 Hy het ’n ouer broer, Harshavarman I, gehad.
Ishanavarman het sy oorlede broer in 923 opgevolg. Sy bewind was waarskynlik onstuimig en chaoties. Hy en sy broer was albei betrokke in ’n magstryd met hul ma se broer Jayavarman IV. Dié het in 921 reeds sy eie hoofstad 100 km van Angkor gestig.[3]
Die tempel Prasat Kravan is tydens Ishanavarman se bewind gebou. Niks anders is oor hom bekend nie, behalwe dat hy in 928 dood is en die postume naam Paramarudraloka gekry het.[4]:114
Verwysings
- ↑ The Khmers, Ian Mabbet en David P. Chandler, Silkworm Books, 1995, bl. 262.
- ↑ Higham, C., 2014, Early Mainland Southeast Asia, Bangkok: River Books Co., Ltd., ISBN 9786167339443
- ↑ Briggs, Lawrence Palmer. The Ancient Khmer Empire. Transactions of the American Philosophical Society 1951, bl. 115.
- ↑ Coedès, George (1968). Walter F. Vella (red.). The Indianized States of Southeast Asia. vert. Susan Brown Cowing. University of Hawaii Press. ISBN 978-0-8248-0368-1.
Eksterne skakels
Hierdie artikel is vertaal uit die Engelse Wikipedia
