Pamela Anderson

D’ Pamela Denise Anderson [ˈpæmələ ˈændɚsən](info)^{[N 1]} (* 1. Jüüli 1967 z’ Ladysmith, Britisch-Kolumbià; g’schììda Lee, Anderson-Ritchie, Salomon-Anderson, Anderson Peters un Hayhurst Anderson) ìsch a kànààdisch-àmerikàànischa Schàuischpììlera, Modäll un Àktìwìschta. Ìn ìhrer Rolla àls Rättungsschwìmmera ìn dr Ärfolgsseeria Baywatch ìsch sa a internàzionààler Schtar worra. Sa wìrd àls ain vu da Sex-Sìmboola vu da 1990er-Joohra-n-ààg’lüagt.

D’ Pamela Denise Anderson ìsch àm 1. Jüüli 1967 z’ Ladysmith uff dr Vancouver-Ìnsla ìn dr kànààdischa Prowìnz Britisch-Kolumbià uff d’ Walt kumma. Ìhra Müatter Carol Anderson ìsch Källnera gsìì, un ìhr Vàtter Barry ìsch Oofatäkniker gsìì.^[1] Ìhr Ürgroossvàtter Juho Hyytiäinen hàt üss Saarijärvi ìm Groossharzogtumm Fìnnlànd g’schtàmmt, wo zallamols zem Rüssischa Kaiserraich g’heert hàt. Ar ìsch ànna 1908 ìn Kànàdà gànga ge laawa.^[2] Àls Iiwàndrer hàt’r sii Nàmma ìn „Anderson“ loo wàndla. D’ Pamela hàt àui Wolgadiitscha-Vorfààhra müattersitts: Ìhra Groossmüatter, wo ethnisch diitsch gsìì ìsch, ìsch ìn’ma Mennonitadorf ìn Rüsslànd uff d’ Walt kumma un ìsch ànna 1901 ìn Kànàdà üssg’wàndert.^[3][4][5] Grààd noh ìhrem Geburt hàt m’r ìn dr Prassa vu dr Anderson g’rädd, dänn sa ìsch a „Centennial Baby“ gsìì — sa ìsch naamlig àm 100. Grìndungstààg vum Kànàdà uff d’ Walt kumma.^[6][7] Sa hàt a jìnger Brüader nàmmens Gerry (* 1971), wo Schàuischpììler un Filmproduzänt worra-n-ìsch. Ar hàt àn ainiga Filma un Farnsahsandunga mìtg’màcht, wu d’ Anderson ufftratta-n-ìsch.^[8]

Ànna 2014 hàt d’ Anderson bekànnta gaa, àss sa àls Kìnd säxüäll missbrüücht worra-n-ìsch. Sa hàt gsajt, àss sa zwìschem Àlter 6 un 10 vun’ra Kìnderhiatera g’schlààga un schpeeter mìt 12 Joohra vu’ma junga Mànn verg’wàltigt worra-n-ìsch. Mìt 14 Joohra säjg sa üsserdam vun’ra Grup vu sììwa Büa verg’wàltigt worra — bii ìhna ìsch ìhr Liabschter gsìì.^[9]

D’ Anderson ìsch ìn Highland-Gümnààsium z’ Comox (Britisch-Kolumbià) gànga. Doo hàt sa ìn dr Volleybàllmànnschàft g’schpììlt.^[10] Sa hàt ànna 1985 ìhr Schüalàbschluss b’schtànda.^[11] Ànna 1988 ìsch sa uff Vancouver gànga ge laawa. Doo hàt sa àls Fitnessträänera g’schàfft.^[11]

ìhra aigana Laawesb’schriiwunga

• Pamela A. Lee, Todd Gold: Pamdemonium. Grand Central Publishing, 1998, ISBN 978-0-446-60668-4 (amerikanisches Englisch, Iigschränkti Vorschau uf books.google.de). 
• Pamela Anderson, Emma Dunlavey, Raphael Mazzucco: Raw. BenBella Books, 2015, ISBN 978-1-942952-07-7 (amerikanisches Englisch, Iigschränkti Vorschau uf books.google.de). 
• Pamela Anderson: Love, Pamela. HarperCollins, 2023, ISBN 978-0-06-322658-6 (amerikanisches Englisch, Iigschränkti Vorschau uf books.google.de). ^[13]

Romààna

• Pamela Anderson: Star: A Novel. Atria Books, 2004, ISBN 978-0-7434-9372-7 (amerikanisches Englisch, 294 S., Iigschränkti Vorschau uf books.google.de). 
• Pamela Anderson: Star Struck. Atria Books, 2005, ISBN 978-0-7434-9283-6 (amerikanisches Englisch, 190 S., Iigschränkti Vorschau uf books.google.de). 

sunschtigs

• zamma mìt’m Shmuley Boteach: Lust for Love: Rekindling Intimacy and Passion in Your Relationship. 2018 (amerikanisches Englisch). 
• Tariq Ali, Margaret Kunstler (Hrsg.): In Defense of Julian Assange. OR Books, LLC, 2019, ISBN 978-1-68219-221-4 (englisch, 452 S., Iigschränkti Vorschau uf books.google.de). 

zamma mìt’m Julian Assange, dr Renata Avila, dr Katrin Axelsson, em Franco „Bifo“ Berardi, dr Sally Burch, em Noam Chomsky, em Patrick Cockburn, dr Naomi Colvin, The Courage Foundation, em Mark Curtis, em Daniel Ellsberg, dr Teresa Forcades i Vila, em Charles Glass, em Kevin Gosztola, em Serge Halimi, dr Nozomi Hayase, em Chris Hedges, em Srećko Horvat, dr Caitlin Johnstone, dr Margaret Kimberley, em Geoffroy de Lagasnerie, dr Lisa Longstaff, em Alan MacLeod, dr Stefania Maurizi, em Craig Murray, em Fidel Narváez, em John C. O'Day, em John Pilger, dr Jesselyn Radack, em Michael Ratner, dr Angela Richter, em Geoffrey Robertson, dr Jennifer Robinson, em Matt Taibbi, dr Natalia Viana, em Ai Weiwei, dr Vivienne Westwood un em Slavoj Žižek.

 Commons: Pamela Anderson – Sammlig vo Multimediadateie