Coming to America

Coming to America
Títol	Coming to America
Póster d'a cinta, obra de l'ilustrador Drew Struzan.
Ficha tecnica
Dirección	John Landis
Producción	George Folsey Jr. Robert D. Wachs
Guión orichinal	David Sheffield Barry W. Blaustein
Basau en	una historia d'Eddie Murphy
Musica	Nile Rodgers
Fotografía	Woody Omens
Montache	Malcolm Campbell George Folsey Jr.
Escenografía	Richard MacDonald
Vestuario	Deborah Nadoolman Landis
Maquillache	Rick Baker
Actors	Eddie Murphy Arsenio Hall James Earl Jones John Amos Madge Sinclair Shari Headley
Color	Technicolor
Datos y cifras
País(es)	Estaus Unius
Anyo	1988
Debantadera	26 de chunio de 1988 Beverly Hills (California, Estaus Unius)^[1]
	29 de chunio de 1988 Estaus Unius
Chenero(s)	Cine de comedia Cine de romance
Durada	117 min.
Idioma(s)	Anglés
Companyías
Productora(s)	Eddie Murphy Productions
Distribución	Paramount Pictures
Presupuesto	36 millons de dólars
Recauto	288,8-350 millons de dólars
Succesión de cintas
Succedida por	Coming 2 America (2021)
Informacions en bases de datos especializadas:

Coming to America (títol orichinal en anglés, en aragonés Venir en America, enguerada en Aragón con o títol en castellano de El príncipe de Zamunda, en aragonés O prencipe de Zamunda) ye una cinta de cine estausunidense de cine de comedia romantica de l'anyo 1988 dirichida por John Landis seguntes un guión orichinal de David Sheffield y Barry W. Blaustein (basau en una historia d'Eddie Murphy), con una dirección de fotografía de Woody Omens, una banda sonora orichinal de Nile Rodgers y una producción cinematografica de George Folsey Jr. y Robert D. Wachs ta la productora cinematografica Eddie Murphy Productions. L'elenco d'a cinta ye formau, en os suyos papels principals, por Eddie Murphy, Arsenio Hall, James Earl Jones, John Amos, Madge Sinclair y Shari Headley.

Coming to America conta la historia d'un prencipe hereu de Zamunda (un exotico país en Africa) qui, encara que vive textualment como un rei, no quiere trobar-se casau con una muller con qui no exista amor y decide marchar enta los Estaus Unius, a la ciudat de Nueva York, ta trobar a la muller perfecta y casar-se con ella. En iste viache, que se fa con permiso de su pai o rei porque iste creye que en tornar se fará la suya voda con a candidata que li ha esleyiu ta esposa, tiene un companyero d'aventuras, un choven d'a suya mesma edat a qui lo rei li ha encargau de cosirar-lo. A cinta s'ambienta asinas en epoca actual d'a cinta (1988) en a ciudat de Nueva York y en un país imachinario en Africa y se filmó en Los Angeles y belatro puesto de California, amás d'en a ciudat de Nueva York. Recibió belos premios y nominacions, en destacando dos nominacions a la 61ena edición d'os Premios Oscar (Disenyo de Vestuario y Maquillache).