Ducau de Brabant

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ducau de Brabant Hertogdom Brabant Duché de Brabant
Estato d'o Sacro Imperio Romano Chermanico
← 1183 — 1795 → →
Ducau de Brabant enta 1350
Capital	Bruselas
Idioma oficial	Flamenco
Relichión	Cristianismo
Gubierno	Monarquía
Duque  • 1183 - 1235  • 1792 - 1795	Henrique I de Brabant Francisco I d'Austria
Periodo historico	Edat Meya
• Creyación d'o condau por Frederico Barbarroya	1183
• Conquiesta francesa	1795

O ducau de Brabant yera un feudo d'o Sacro Imperio Romano Chermanico, situato entre o prencipau de Lidje, o condau de Namur, o condau de Flandres y o condau d'Hainaut. As suyas ciudaz prencipals yeran Bruselas, Anvers, Mechelen, Leuven, 's Hertogenbosch y Breda.

En os textos comercials escritos en Zaragoza en o sieglo XV se veye Barbant.^[1] Tamién veyemos una referencia como Brabán en a traducción aragonesa d'o "Libro d'as Marabillas d'o Mundo":

En l'anyo 1085 o fedo imperial pasó a o conte Henrique III de Leuven. Frederico I d'o Sacro Imperio Romano Chermanico dito Barbarroya creyó o títol hereditario de duque de Brabant en 1183. Barbarroya lo atorgó por primera vegata a Henrique I de Brabant. En primeras yera un territorio mas chicot entre os ríos Zenne y Dender y os duques lo enamploron progresivament. Godofré I de Leuven, duque de Brabant adhibió o Marquesau d'Anvers, en 1106. Dende alavez, o marquesau se convertió en una unión personal d'o duque de Brabant. En 1200, Breda s'integró en o marquesau y por tanto a o ducau.

O Ducau de Brabant adquirió o país de Dalhem en 1244. Dimpués d'a suya victoria en a Batalla de Woeringen en 1288, s'adhibio o ducau de Limburgo y a sinyoría de 's Hertogenrade y en zaguerías o país de Valkenburg en 1347, propiedaz «dillá d'o Mosa» visto dende a capital d'o ducau. En 1354, o duque Chuan III de Brabant atorgó una carta de libertaz a os ciudadans d'o suyo feudo. En 1430, o duque Felipe III de Borgonya heredó os ducaus de Limburgo; os Países dillá d'o Mosa y o Brabant. Dende alavez, o ducau fació parti d'a unión personal d'es Decisiet Provincias.

Dimpués de 1549 será un d'os Países Baixos espanyols y dende 1713 austriacos. A republica d'as Siet Provincias Unitas ocupó a parti septentrional que se convirtió en una tierra d'a Cheneralidat (que dende 1815 será a provincia d'o Brabant septentrional. En 1795, Francia anexionó o ducau que dimpués se convertirá en Departamento d'o Dyle y Departamento d'os dos Nethes.

Dimpués d'o Congreso de Viena y o Tractau de París, o ducau s'integró en o Reino Uniu d'os Países Baixos.

En 1830 a parti meridional pasó a Belchica.

• Lamberto I de Leuven 1003-1015
• Henrique I de Leuven 1015-1038
• Otón de Leuven 1038-1041
• Lamberto II de Leuven 1041-1062
• Henrique II de Leuven 1062-1079
• Henrique III de Leuven 1079-1095
• Godofré o Barbuto 1095-1139 (1106 duque de Baixa Lorena)
• Godofré II de Brabant 1139-1142
• Godofré o Nino 1142-1186
• Henrique I o Piadoso de Brabant 1186-1235
• Henrique II o Magnanimo 1235-1248
• Henrique III de Brabant 1248-1261
• Henrique IV de Brabant 1261-1267
• Chuan I de Brabant 1267-1294
• Chuan II de Brabant 1294-1312
• Chuan III de Brabant 1312-1355
• Chuana de Brabant 1355-1404
• Wenceslau de Luxemburgo, consort
• Margalida III de Flandres 1404-1405 (contesa de Flandres y duquesa de Luxemburgo)
• Felipe II de Borgonya, consort

• Borgonya
  • Antonio de Borgonya, duque de Brabant 1405-1415
  • Chuan IV de Brabant 1415-1427
  • Felipe I de Brabant 1427-1429
  • Felipe II de Brabant 1429-1467 (duque de Borgonya)
  • Carlos I de Brabant 1467-1477 (III de Borgonya)
  • María de Borgonya 1477-1482
  • Maximilián d'Austria, consort
  • Felipe III de Brabant 1482-1506 (duque de Borgonya, Felipe I de Castiella)
  • Carlos II 1506-1555 (duque de Borgonya, Carlos I de Castiella y d'Aragón)
• Países Baixos espanyols
  • Felipe IV de Brabant 1555-1598 (Felipe II de Castella y I d'Aragón)
  • Isabel Clara Euchenia 1598-1621
  • Alberto d'Austria 1598-1621
  • Felipe V de Brabant 1621-1665 (Felipe IV de Castiella y III d'Aragón)
  • Carlos III de Brabant 1665-1700 (Carlos II de Castiella y d'Aragón)
  • Felipe VI de Brabant 1700-1714 (Felipe V de Castiella y IV d'Aragón)
• Países Baixos austriacos 1714-1795
• Francia 1795-1815
• Reino Uniu d'os Países Baixos 1815