Napas tectonicas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Esquema de "napa tectonica", que dimpués d'un proceso d'erosión deixa veyer l'"autoctono" por una finestra tectonica, y pierde superficie en a part frontal quedando de l'antiga part frontal de l'aloctono islas tectonicas u klippes.

Una napa tectonica ye una estructura cheolochica de mida gran que consiste en un conchunto de materials superficials dito aloctono por haber estau moviu dende o suyo puesto pa superposar-se dencima d'un conchunto de materials autoctono, que a primerías yera prou luent.[1] A napa tectonica ye una estructura compresiva que implica acurzamiento litosferico en profundidat, y en o modelo d'a Tectonica de Placas s'interpreta por movimientos converchents entre placas.

Bi ha diferents tipos de napas tectonicas. As napas de cobertera afectan a una cobertera sedimentaria desapegada d'o basamento a traviés d'un nivel plastico que permite que se desapegue esta cobertera.

Napas tectonicas de l'orocheno pirenenco

En lo Prepireneu bi ha napas tectonicas y se dividen en superiors y inferiors.

Superiors

Son laminas cabalgants superiors:

  • Cotiella.
  • Turbón-Boixols.
  • Montsec.
  • Sierras marguinals catalanas.
  • Pedraforca.
  • Figueres-Montgrí.

La napa de Montsec ye prou extensa y se superposa a la napa de Gavarnía. Lo cabalgamiento d'el Montsec presenta lo Keuper como livel de desapegamiento.[2]

Inferiors

Son laminas cabalgants inferiors:

  • Nogueras.
  • Cadí.
  • Gavarnía.
  • Fresser.
  • Bono.
  • Grist.

Ye especialment extensa la napa de Gavarnia, que plega por lo sud dica lo cabalgamiento frontal sudpirenenco.

Referencias

  1. ↑ (es) Alain Foucault y Jean-François Raoult: Diccionario de Geología. Masson, 1985.
  2. ↑ (es) Alfonso Meléndez Hevia, Fernando Meléndez Hevia: Geología. Editorial Paraninfo, 1985, pp. 461-462.

Bibliografía

  • (es) Alain Foucault y Jean-François Raoult: Diccionario de Geología. Masson, 1985.
  • (es) Ánchel Belmonte Ribas: Guía Geológica del Pirineo, Editorial Pirineo.
  • (es) Alfonso Meléndez Hevia, Fernando Meléndez Hevia: Geología. Editorial Paraninfo, 1985.
  • (es) Joaquín Mulas Sánchez, María José Morillo-Velarde Geologia: COU. Editorial Santillana, 1983.