Nyctereutes procyonoides
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Nyctereutes procyonoides | |
|---|---|
 | |
| Denominacions populars | |
Tanuki, Can-mapache chaponés
| |
| Estau de conservación | |
 Seguro (IUCN) | |
| Clasificación cientifica | |
| Eukaryota | |
| Animalia | |
Filo:
|
Chordata |
| Mammalia | |
| Carnivora | |
Suborden:
|
Caniformia |
| Canidae | |
Subfamilia:
|
Caninae |
| Vulpini | |
| Nyctereutes | |
| N. procyonoides | |
| Descripción | |
Nyctereutes procyonoides
GRAY, 1834 | |
| Distribución cheografica | |
 | |
O tanuki (d'o chaponés <tanuki; cientificament Nyctereutes procyonoides (GRAY, 1834)) ye un mamifero placentario carnivoro miembro d'a familia Canidae, orichinario de Chapón, Corea y China oriental pero introduciu en Europa de l'Este y central, aon que s'ha tornau una especie invasora.
Descripción
O tanuki ye un canido d'aspecto primitivo, con caracters que son consideraus basals pa ixe grupo d'animals. Tiene un pelache muit denso, de tonos grisos y negros, mas pardo por alto y fusco por debaixo. As patas son curtas y os didos no son de tot aliniaus como en a resta d'os canidos, sino que amuestran bella cosa de radialidat, como en os mustelidos y os ursidos. A coda la tienen larga y densa como as rabosas.
Tiene unas tacas particulars en a cara, arredol d'os uellos , que recuerdan a o mapache con o cual no tiene garra parentesco.
Habitat
En a suya aria cheografica de procedencia, o tanuki vive en sotos y riberas, y tamién en paúls y atros puestos humedos. S'estima las selvas de fuella caduca, mas humedas. Captura reptils, amfibios, moluscos y peixes, pero tamién mincha radices, bulbos, bayas y simients, por o cual ye un d'os pocos canidos omnivoros. En Chapón se'n ha visto puyando a os árbols pa pillar fruitos,[1] por o cual ye un d'os pocos canidos capables de fer-lo.
En Europa se ye expandindo por as rechions frias y templadas. Como ye un depredador d'anfibios y vertebraus menudos, tiene un impacto negativo en os ecosistemas en os que s'aclimata.
Depredadors
Nomás os lobos, as aguilas y os bubons[2] se sabe que cacen tanukis adultos. A rabosa roya puet cazar os cadiellos de tanuki. S'ha documentau muertes de tanuki a mans de taixons cuan os canidos miraban de colar-se en a matriquera d'o mustelido.
Referencias
- ↑ (en) Kauhala K. & Saeki M. (2004). Raccoon Dog at the Wayback Machine. Canid Species Accounts. IUCN/SSC Canid Specialist Group. Pridobljeno 15.4.2009.
- ↑ (en) Heptner, V. G.; Naumov, N. P. (1998), Mammals of the Soviet Union Vol. II Part 1a, Sirenia and Carnivora (Sea cows; Wolves and Bears), Science Publishers, Inc. USA., pp. 166–176, ISBN 1-886106-81-9.
Se veiga tamién
Vinclos externos
Se veigan as imáchens de Commons sobre Nyctereutes procyonoides.
Wikispecies tiene un articlo sobre Nyctereutes procyonoides.
