Provincia d'a Coruña

	Provincia d'a Coruña; Provincia da Coruña; Provincia de La Coruña
	Provincia d'Espanya
	Escudo
	;
Entidat; • Estau; • Comunidat	Provincia; Espanya; Galicia
Capital	A Coruña
Idioma oficial	Gallego y castellano
Superficie; • Total; • d'Espanya	; 7 950 km² ; 1,58%
Población; • Total (2018); • d'Espanya; • Densidat	; 1 121 484 hab. ; 2,55%; 142,49 hab/km²
ISO 3166-2	ES-C
	Pachina web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Coruña ye una provincia d'Espanya, situata en a comunidat autonoma de Galicia. A suya población ye de 1.132.792 habitants (2007) en una superficie de 7.950 km², con una densidat de población de 142,49 hab/km².

Cheografía

Muga a o norte con a Mar Cantabrica y l'Oceano Atlantico (a primera en una chicota parte), a l'este con a provincia de Lugo, a l'ueste con l'Oceano Atlantico y a o sud con a provincia de Pontevedra.

En o territorio d'a provincia, en o termin municipal de Mañón, ye a muga entre a mar Cantabrica y l'Oceano Atlantico, en Estaca de Bares.

Os prencipals ríos d'a provincia son: Acheiro, Anduriña, Anllóns, Arteixo, Barcés, Baxoi, Belelle, Bermaña, Bolaños, Brexa, Eume, Mandeo, Mera, Grande de Xuvia, Sar, Tambre y Xallas.

Comunicacions

Por carretera

Ta la provincia plega l'autopista A-6, dende Lugo, y tamién l'autovía A-9, que une A Coruña, Ferrol y Santiago de Compostela con a provincia de Pontevedra.

Por ferrocarril

Bi ha tres linias de RENFE: a primera vien dende Leyón y dentra en Galicia por Monforte de Lemos, ta seguir dica Lugo y A Coruña; a segunda vien dende Zamora, y dentra en Galicia por Ourense ta seguir dica Santiago de Compostela y A Coruña; a tercera ye un ferrocarril de vía estreita que vien dende o Prencipau d'Asturias y dentra en Galicia por a ría de Ribadeo, ta seguir dica Ferrol.

Por aire

En a provincia bi ha dos aeropuertos: l'aeropuerto de Lavacolla, a man de Santiago de Compostela, y l'aeropuerto d'Alvedro, a man d'A Coruña.

Por mar

En a provincia d'A Coruña bi ha dos grans puertos: o puerto d'A Coruña y o puerto de Ferrol.

Población

A provincia d'a Coruña tien 1.132.792 habitants (2007). Un 36,5% de istos viven en belluna d'as tres mayors ciudaz d'a provincia (A Coruña, Santiago de Compostela y Ferrol).

Municipios con mayor población (2007)^[1]
Posición	Municipio	Población
1ª	A Coruña	244.388
2ª	Santiago de Compostela	93.712
3ª	Ferrol	75.181
4ª	Narón	36.245
5ª	Oleiros	31.694
6ª	Carballo	30.091
7ª	Arteixo	27.713
8ª	Ribeira	27.181
9ª	Culleredo	26.707
10ª	Ames	24.553
11ª	Cambre	22.513

Referencias

↑ Fuent: Censo a 01-01-2007 d'o Instituto Nacional de Estadística de España. Series de población d'os municipios d'Espanya

Provincias d'Espanya

[1] Fuent: Censo a 01-01-2007 d'o Instituto Nacional de Estadística de España. Series de población d'os municipios d'Espanya

[1]