Sauvignon blanc

A sauvignon blanc (prenunciau en francés /soviɲɔ̃ blɑ̃/) ye una variedat d'uga blanca. O fruito d'a vit sauvignon blanc ye menudo, cilindrico y de maduración tempranera. O grano ye meyano, redondo y de color amariella verdosa. O babón ye grueso. A polpa ye consistent, dolza y aromatica. Ista vit ye cautivada tradicionalment en a rechión francesa d'a val d'a Loira, y ye resistent a o fredo.^[1]

O vin varietal de sauvignon blanc ye d'una buena acetor fruital, de complexidat aromatica herbacia y alto conteniu alcolico. S'utiliza tamién, mezclada con atras variedaz, pa producir un vin dolce natural.

Tamién se diz simplament sauvignon, encara que existe una variedat de sauvigon gris, y ye l'orichen d'a cabernet sauvignon. Ye una variedat orichinaria d'as regions francesas d'a val d'a Loira y de Bordeus. O suyo cautivo s'ha estendillau enta California, Nueva Zelanda, Sudamerica y Sudafrica.

En Aragón ye una d'as variedaz blancas autorizadas en os vins d'as denominacions d'orichen protechidas Calatayú, Campo de Borcha, Carinyena y Semontano y en a Indicación Cheografica Protechida Vin d'a Tierra Valle d'a Cinca.