The Naked Jungle

The Naked Jungle
Títol	The Naked Jungle

Ficha tecnica
Dirección	Byron Haskin
Aduyant de dirección	Herbert Coleman
Dirección artistica	Franz Bachelin Hal Pereira
Producción	George Pal
Guión adaptau	Ranald MacDougall Ben Maddow Philip Yordan
Basau en	Leiningen Versus the Ants, relato curto publicau en Esquire (1938) por Carl Stephenson traducción d'un relato alemán de 1937, Leiningens Kampf mit den Ameisen
Musica	Daniele Amfitheatrof
Soniu	Gene Garvin Harry Lindgren
Fotografía	Ernest Laszlo
Montache	Everett Douglas
Escenografía	Sam Comer Grace Gregory
Vestuario	Edith Head
Maquillache	Wally Westmore Charles Gemora
Efectos especials	Charles Gemora
Actors	Eleanor Parker Charlton Heston Abraham Sofaer William Conrad Romo Vincent Douglas Fowley John Dierkes Leonard Strong Norma Calderón Pilar Del Rey Bernie Gozier Jerry Groves Leon Lontoc John Mansfield Ronald Alan Numkena Rodd Redwing
Color	Technicolor
Datos y cifras
País(es)	Estaus Unius
Anyo	1954
Debantadera	3 de marzo de 1954 Estaus Unius^[1]
Chenero(s)	Cine d'aventuras Cine de drama
Durada	95 min.
Idioma(s)	Anglés
Companyías
Productora(s)	Paramount Pictures
Distribución	Paramount Pictures
Estudio(s)	Paramount Studios
Recauto	2,3 milllons de dólars
Informacions en bases de datos especializadas:

The Naked Jungle (títol orichinal en anglés, en aragonés A chungla despullada, enguerada en Aragón con o títol en castellano de Cuando ruge la marabunta, en aragonés Cuan esbramega la marabunta) ye una cinta de cine d'aventuras dramaticas de cine estausunidense enguerada l'anyo 1954, dirichida por Byron Haskin seguntes un guión adaptau por Ranald MacDougall, Ben Maddow y Philip Yordan (basau en Leiningen Versus the Ants, un relato curto publicau en Esquire en 1938 por Carl Stephenson y que yera la traducción d'un relato en alemán publicau en 1937, Leiningens Kampf mit den Ameisen), con una banda sonora orichinal de Daniele Amfitheatrof, una dirección de fotografía d'Ernest Laszlo, una producción cinematografica de George Pal ta la productora cinematografica Paramount Pictures y un elenco d'o cual en fan parte, entre d'atros actors, Eleanor Parker, Charlton Heston, Abraham Sofaer, William Conrad, Romo Vincent, Douglas Fowley, John Dierkes, Leonard Strong, Norma Calderón, Pilar Del Rey, Bernie Gozier, Jerry Groves, Leon Lontoc, John Mansfield, Ronald Alan Numkena y Rodd Redwing.

Joanna s'ha casau en 1901 en una voda por poders en Nueva Orleans con Christopher Leiningen, propietario d'una plantación de cacau en Brasil, estando l'organizador d'a voda lo chirmano de Christopher, qui li ha amagau que Joanna ye vidua en saber que ixo no li cuacaría. En cualsiquier caso, Christopher amuestra estar bien distant y frío con ella, dica lo punto que li diz que la ninviará de vuelta enta Nueva Orleans en a primera oportunidat de transport ta fer-lo. Tanimientres, cuan recibe l'aviso de que la marabunta ye de camín enta la plantación, decde ninviar-la de vuelta anticipadament, pero las fornigas plegarán antis y Christopher ye decidiu a fer-lis cara. Joanna, que en o tiempo transcurriu tamién ha variau la suya visión d'él a la vegada que él milloraba la suya opinión d'ella, decide tamién remanir-ie y aduyar-lo.

A cinta s'ambienta en Brasil en 1901 y las suyas escenas se filmoron en Florahome (Florida) en os Estaus Unius, en a isla de Barro Colorado en Panamá y en os Paramount Studios en Los Angeles (California) tamién en os Estaus Unius.^[2]