The Night of the Generals

Iste articlo ye sobre una cinta belica d'intriga policial anglo-franco-estausunidense de 1967; ta atros usos, se veiga The Night of the Generals (desambigación).

The Night of the Generals
Títol	The Night of the Generals
Póster d'a cinta.
Ficha tecnica
Dirección	Anatole Litvak
Producción	Sam Spiegel Georges Lourau Anatole Litvak
Guión adaptau	Joseph Kessel Paul Dehn Gore Vidal (no acreditau)
Basau en	The Night of the Generals, de Hans Hellmut Kirst, y en The Wary Transgressor, por James Hadley Chase
Musica	Maurice Jarre
Soniu	Jacques Carrère William Robert Sivel
Fotografía	Henri Decaë
Montache	Alan Osbiston
Escenografía	Alexandre Trauner
Vestuario	Rosine Delamare Jean-Claude Philippe
Actors	Peter O'Toole Omar Sharif Tom Courtenay Donald Pleasence Joanna Pettet Philippe Noiret Christopher Plummer Juliette Gréco Charles Gray Nigel Stock
Datos y cifras
País(es)	Estaus Unius Francia Reino Uniu
Anyo	1967
Debantadera	29 de chinero de 1967 Londres (Reino Uniu)
	24 de febrero de 1967 Estaus Unius 1 d'abril de 1967 Francia
Chenero(s)	Cine belico Cine d'intriga Cine policiaco Cine de drama
Durada	145 min.
Clasificación	Anglés
Idioma(s)	Francés Italiano
Companyías
Productora(s)	Horizon Pictures Filmsonor
Distribución	Columbia Pictures
Recauto	2,4 millons de dólars
Informacions en bases de datos especializadas:

The Night of the Generals (títol orichinal en anglés, en aragonés A nueit d'os chenerals, enguerada en Aragón con o suyo títol traduciu enta lo castellano de La noche de los generales) ye una cinta de intriga policiaca belica dramatica de l'anyo 1967 dirichida por Anatole Litvak. Ye una producción anglo-franco-estausunidense con un guión adaptau por Joseph Kessel, Paul Dehn y Gore Vidal (iste zaguero, no acreditau) basau d'una man en The Night of the Generals, una novela de Hans Hellmut Kirst, y d'atra man en The Wary Transgressor, un relato de James Hadley Chase, con una Banda Sonora Orichinal de Maurice Jarre, una dirección de fotografía de Henri Decaë y una producción cinematografica de Sam Spiegel, Georges Lourau y Anatole Litvak ta las productoras Horizon Pictures y Filmsonor. L'elenco d'a cinta ye formau, en os suyos papels principals, por os actors Peter O'Toole, Omar Sharif, Tom Courtenay, Donald Pleasence, Joanna Pettet, Philippe Noiret, Christopher Plummer, Juliette Gréco, Charles Gray y Nigel Stock.

A cinta s'ambienta mientres a Segunda Guerra Mundial en os anyos 1942, 1943 y 1944 en as ciudaz de Varsovia y París, y en epoca actual d'a cinta (anyos 1960) en a ciudat d'Hamburgo en Alemanya, y se rodó en os estudios de Boulogne, en Boulogne-Billancourt (Altos d'o Sena, Francia) y en escenarios naturals en Varsovia (Polonia), Hamburgo (Alemanya) y París, Versailles (Yvelines) y Cormeilles-en-Parisis (Val de l'Oise) en Francia. En a 12ena edición d'os Premios David de Donatello The Night of the Generals recibió lo Premio a lo Millor Actor Forano (Peter O'Toole), ex-aequo con The Taming of the Shrew, ta l'actor Richard Burton.