Vulcán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre a estructura cheolochica dita Vulcán. Ta o dios romano se veiga Vulcán.
Articlo d'os 1000
Vulcán Ojos del Salado (6.891 m) en Archentina.
Vulcán Arenal de Costa Rica, 2004.

Un vulcán (d'o dios romano Vulcanus) ye una estructura cheolochica por a cual emerche magma y gases de l'interior d'un planeta. A puyata ocurre cheneralment en episodios d'actividat violenta ditos erupcions. En acumular-se o material rastrato de l'interior se forma una estructura conica en a superficie d'o planeta que puet puyar dende unas centenas de metros dica cuantos kilometros d'altaria. A o canyo que comunica o deposito de magma u cambra magmatica en fundaria con a superficie se le diz chaminera. Ista remata en a tuca d'o vulcán, o cual ye rematato por una depresión u caldera.

A vulcanolochía ye a ciencia que estudeya este tipo de fenomenos y treballa en a prevención d'os risgos asociaus a l'actividat volcanica.

Mencions a vulcans en fuents aragonesas

No bi ha vulcans en territorio historicament aragonesoparlant, encara que si en La Mancha, Murcia, Reino de Valencia u Catalunya. As pocas mencions a vulcans en aragonés se troban en textos medievals como o "Historia contra los paganos", o "Libro del Trasoro u o "Libro d'as Marabillas d'o Mundo" en referencia a Sicilia:

Et co(m)mo en Sicilia el mont Ethna o en ot(r)a manera clamado montgibel. lanço de sy muyt grandes et fuertes flamas de fuego
En Sicilia mont gibel muyt grandes fuegos lanço et derramo de si et cre(nt)[m]o todas las cosas et las comarcas quele esta de cerca conla flama et volando las centellas spesament enlos lugares de lexos con vapores muyt graues todos los socarraron et los rustieron la qual flama luzient et generacion de marauilla de Sicilia siempre suele nu(n)ca fazer mal et dapnage[1]
Ap(re)s es la isla de cecilia entre la mar adriana e la muest(r)a do[ ]y(e)s el arçob(is)pado de palermo e aq(ue)l de medici(n)a e de meo Real et .ix. ujsp(e)s e aq(u)i es mongilbe q(u)i todos (^gitas) dias gita fuego por dos bocas e no por q(u)anto alli ha ujen de sus todos t(iem)pos e aq(u)i es la fue(n)t de arcusa . et sab(e)t q(ue) ent(re) cecelia et ytalia ha vn chico braço de mar en medio q(u)i es clamado faro de meti(n)a . por q(ue) los mas dize(n) q(ue) secilia no es pas de ytalia ant(e) es vna tierra por si . e enla mar de secilia son las islas mutanyes o montaynes q(ue) son de nat(ur)a de fuego e toda la isla de secilia no es si no tres stallas son en g(r)iego lo q(ue) nos clamamos mjllero o q(ue)los fra(n)cos clama(n) lenguas . Mas ellas no son pont p(ar)ellas[2]
Jtem en aqueilla isla es la mo(n)tayn(n)a de olpia que siempre arde & se clama montgible & (et) [los] vvulcan(es) y son Assi en do ay .vij. logares ardientes & lançan diu(er)ssas flambas et diuerssas colores Et por el mudamiento daqueillas flambas saben las gentes dela t(ier)ra quoando fara [/] Caro t(iem)po o bueno frio o calentura mol o seco et en todas otras maneras como el t(iem)po se gouernara Et de ytalia no y ha pas [^mas de] .xxv. legoas ata estos vvlcanes Et dizen que estas son chamineas de Jnffierno.[3]

Referencias

  1. ↑ Historia contra los paganos
  2. ↑ Libro del Trasoro
  3. ↑ Libro d'as Marabillas d'o Mundo

Vinclos externos