White Fang (cinta de 1991)

Iste articlo ye sobre una cinta estausunidense de cine d'aventuras enguerada l'anyo 1991; ta atros usos, se veiga White Fang y White Fang (cinta).

White Fang
Títol	White Fang
Póster d'a cinta, obra de Drew Struzan.
Ficha tecnica
Dirección	Randal Kleiser
Dirección artistica	Sandy Cochrane
Producción	Markay Powell
Disenyo de producción	Michael S. Bolton
Guión adaptau	Jeanne Rosenberg Nick Thiel David Fallon
Basau en	White Fang, novela de Jack London (1906)
Musica	Basil Poledouris Hans Zimmer
Fotografía	Tony Pierce-Roberts
Montache	Lisa Day
Escenografía	Brian Kasch
Vestuario	Jenny Beavan John Bright
Maquillache	Gigi Coker
Peluquería	Marie-Ange Ripka
Casting	Mike Fenton Valorie Massalas Judy Taylor
Actors	Klaus Maria Brandauer Ethan Hawke Seymour Cassel James Remar Susan Hogan Suzanne Kent Bill Moseley
Color	Technicolor
Datos y cifras
País(es)	Estaus Unius
Anyo	1991
Debantadera	3 de chinero de 1991 Italia[1] 18 de chinero de 1991 Estaus Unius[1]
Chenero(s)	Cine d'aventuras
Durada	107 min.
Idioma(s)	Anglés
Companyías
Productora(s)	Walt Disney Pictures Silver Screen Partners
Distribución	Buena Vista Pictures Distribution
Presupuesto	14 millons de dólars
Recauto	41 millons de dólars
Informacions en bases de datos especializadas:

White Fang (títol orichinal en anglés, en aragonés Catirón blanco, enguerada en Aragón con o suyo títol traduciu enta lo castellano como Colmillo blanco) ye una cinta de cine d'aventuras de cine estausunidense enguerada l'anyo 1991, dirichida por Randal Kleiser seguntes un guión adaptau por Jeanne Rosenberg, Nick Thiel y David Fallon (basau en a novela White Fang, [que heba publicau Jack London l'anyo 1906), con una banda soora orichinal de Basil Poledouris y Hans Zimmer, una dirección de fotografía de Tony Pierce-Roberts y una producción cinematografica de Markay Powell ta las productoras Walt Disney Pictures y Silver Screen Partners. Conta con un elenco formau, en os suyos papels principals, por Klaus Maria Brandauer, Ethan Hawke, Seymour Cassel, James Remar, Susan Hogan, Suzanne Kent y Bill Moseley.

Jack Conroy ye un choven que viviba en San Francisco y plega en Alaska en 1896 ta reclamar a mina d'oro de su pai, que ha falleixiu. En plegar-ie, troba a dos amigos, Clarence "Skunker" Thurston y Alex Larson, que a mala raca acceptan levar-lo con éls. Mientres o viache, una lobada los ataca un d'os lobos mata a "Skinner", y en l'incident una loba ha muerto, dixando a lo suyo cadillón albandonau. Un grupo d'amerindios troba a lo cadillón y l'adopta y, en veyer que ye un hibrido de lobo y can, lo claman White Fang (ye decir, "catirón blanco") por a color blanca d'os suyos catirons. Jack y Alex han pasau l'hibierno en un lugarón y, en plegar a primavera, marchan ta continar o suyo camín enta la mina d'oro, pero de camín dentran en o poblau indio d'a on procediban os que heban trobau a White Fang. Encara que los indios tractan con rudeza a l'animal, iste esfiende a Jack cuan l'ataca un onso. Cuan Jack y Alex marchan d'o poblau, os indios entregan a White Fang a un criador de cans ta barallas de cans, Beauty Smith, qui d'antes mas heba robau os diners de Jack. Ensinistrau ta la baralla, ye en bel meyo d'una cuan casualment Jack plega en o lugar y se leva a l'animal feriu. Alex li diz que ye un can adiestrau ta matar, pero Jack no li para cuenta y decide transformar o caracter d'o can mientres que continan buscando la mina d'oro. Despaciet, Jack desenrolla un estreito vinclo con White Fang y cuan son atacaus por Smith y la suya banda, White Fang los esfiende y los aduya. Como d'atra man han trobau a mina d'oro y ya son bien cabaleros, Alex li proposa de tornar enta San Francisco ta ubrir-ie un hotel chunto con Belinda, la propietaria d'un local en Alaska con qui se casará.

A cinta s'ambienta en Alaska en 1896 y 1897 mientres a fiebre de l'oro de Klondike y las suyas escenas se filmoron en Haines y Skagway (Alaska).^[2]

White Fang recibió bella nominación a bel premio, encara que no a garra premio d'os mas conoixius u destacaus.

• Cine en 1991.
• Cintas de 1991.