اتفاقية وقف إطلاق النار فغزة 2025

اتفاقية وقف إطلاق النار فغزة 2025 هو اتفاق ديپلوماسي توصلو ليه إسرائيل و حماس نهار 19 يناير 2025 باش يحبسو العمليات العسكرية فغزة ويتبادلو المحتجزين والمعتقلين.^[1][2]

هاد الاتفاق توقع رسميا نهار 15 يناير 2025، وصادق عليه الكابينت الإسرائيلي نهار 17 يناير، والحكومة الإسرائيلية نهار 18 يناير. بدا التنفيذ نهار الأحد 19 يناير 2025 معا الثمنية والنص ديال الصباح.

الاتفاق مقسم على ثلاث مراحل:

المرحلة اللولة:

• غادي تدوم 42 يوم
• حماس غادي تطلق 33 د الرهائن لإسرائيليين
• إسرائيل غادي تطلق مئات ديال المعتقلين الفلسطينيين
• الجيش الإسرائيلي غادي يخرج من المناطق المسكونة
• السكان ديال شمال غزة يقدرو يرجعو لديورهم

تبادل الأسرى:

• غادي يتم على 6 دفعات
• كل 3 رهائن إسرائيليين مقابل 100-120 معتقل فلسطيني
• الأولوية للنسا والدراري والناس اللي فاتو 50 عام واللي محتاجين علاج طبي

نهار بدا الاتفاق، وزير الأمن إيتمار بن غفير ووزراء آخرين من حزب عظمة يهودية قدمو استقالتهم من الحكومة حيت ما بغاوش هاد الاتفاق.

الرئيس الميريكاني المنتخب دونالد ترامپ رحب بنجاح الاتفاق ف تروث سوشل.

• الحكومة الميريكانية
• الحكومة القطرية
• الحكومة المصرية