لموحيط لأطلاسي

لمحيط التيلاسي، ؤلا لمحيط لاطلاسي ؤلا بحر رّباط ؤلا لبحر لمحيط^[1] هو تاني أكبر محيط فلعالم من مورا لمحيط لمهدًن (الهادي). لمساحة د لمحيط لأطلسي هي 106.460.000 كم²، وهو اللي تيخليه ياخد تقريبا 20% من لمساحة ديال لكرة لأرضية، و 29% من لمساحة ديال لبحورا ولمحيطات فلعالم. لمحيط لأطلسي تيحدًوه من الشرق إفريقيا وأوروپا، ومن لغرب أمريكا الشمالية ولوسطانية ولجنوبية. فالشمال هو مرتابط مع لمحيط لمجمَّد الشمالي، وفلجنوب مع لمحيط لمجمَّد لجنوبي (اللي تيوصل تال لقطب لجنوبي).

خط ليستيواء تيقسم لمحيط التيلّاسي على جوج: لمحيط التيلاسي الشمالي, ولمحيط التيلاسي لجنوبي. تيتقال باللي لمحيط التيلاسي هو الحدان مابين لعالام لقديم (إفريقيا، أوروپا، آسيا) ولعالام الجديد (أميريكا).

إتيمولوجيا

لكلمة ديال محيط تجابت من لعربية : مُحِيطٌ، بينما لكلمة ديال التيلاسي تجابت من لامازيغية تيلاّس ⵜⵉⵍⵍⴰⵙ واللي كاتعني الضلام أولا الضل ، ونيت هاد لمحيط كان كايتسما فلقرون لوسطانية عند لعرب ب"بحر الضلمات" لاحقاش ديك الساع مكانش لعالم الجديد معروف وكانو الناس كايصحاب ليهوم واش هوا النهاية دلعالام.

أما بحر لمحيط دكروها شلا كتاتبيا مغاربا قدام بحال بن بطوطة و حسن لوزّان.

عيون لكلام

تقدر تزيد شوف بزاف د تّصاور و لمعلومات ديال Atlantic Ocean ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.