امتثال فوزى
| ||||
---|---|---|---|---|
معلومات شخصيه | ||||
اسم الولاده | امتثال فوزي | |||
مكان الميلاد | القاهرة، مصر | |||
تاريخ الوفاة | 22 مايو 1936 | |||
الجنسيه | مصر | |||
الحياه العمليه | ||||
المهنه | ممثله | |||
المواقع | ||||
السينما.كوم | صفحتها على موقع السينما | |||
تعديل مصدري - تعديل |
امتثال فوزى رقاصه و ممثلة مصريه. راقصة مصرية إشتهرت فى العشرينات و التلاتينات من القرن العشرين، تتلمذت على ايد (بديعه مصابنى)، و كانت مديرة لكازينو البوسفور بالإشتراك مع (مارى منصور)، شاركت فى السينما بعدة اعمال منها ( الهارب، حظ المحب)، ماتت مقتولة على ايد واحد من البلطجية لرفضها دفع الإتاوة يوم 23 مايو 1936.
- كان ليها صاله وكازينو البوسفور فى ميدان باب الحديد (ميدان رمسيس دلوقتى)
- اتجوزت الفنان زكى طليمات رائد المسرح المصرى الحديث بعد طلاقه من الفنانة روز اليوسف
- فى سنة 1936 قتلها بلطجى شارع عماد الدين فؤاد الشامى وعصابته برقبة ازازة لأنها مدفعتش الاتاوة الشهرية.
مقتلها
رفضت امتثال دفع الإتاوة لفتوات شارع عماد الدين وتحديدًا فؤاد الشامى، اللى فرض عليها إتاوة قدرها 50 جنيه شهريًّا و إلا قام بقتلها فى حالة عدم الدفع. بدورها، أبلغت امتثال رجال البوليس، و كان قسم الأزبكية يطل مباشرة على كازينو البسفور، فلما علم الشامى بكده شعر بضياع هيبته بين رجاله،و ده زاد الموقف امتناع بعض راقصات عماد الدين دفع الإتاوات، فدفع الشامى ب واحد من رجاله ويدعى كامل الحريري، مساء يوم الجمعة 22 مايو 1936، اللى انتظرها خلف مسرح البسفور وقام بغرز رقبة ازازة مكسورة فى عنقها لتلقى حتفها على الفور.[1]
انتدب مصطفى النحاس باشا اثنين من موظفى الداخلية لحضور التحقيق و إعداد تقرير، وانشغلت الصحف بالحدث فتصدرت الحادثة الصفحات الأولى فى صحف السياسة، العروسة، دار الهلال، اللطائف المصورة و غيرها، وحوكم الفتوة والقاتل وحكم عليهما بالسجن عشرين سنه . أصدر رئيس الوزراء النحاس باشا قرار بإلغاء نظام الفتوات فى مصر.
قدمت السينما قصة الراقصة امتثال فى السينما و أخرج الفيلم حسن الإمام باسم امتثال، وقامت ببطولته ماجده الخطيب.[2]
فيلموجرافيا
تمثيل (1 عمل)
1. الهارب فيلم 1936
2. حظ المحب .
مصادر
- ↑ قصة مقتل «راقصة» امتلكت كازينو «البسفور»: انتهى عصر الفتوّات بوفاتها Archived 2017-03-09 at the Wayback Machine
- ↑ مقتل الراقصة امتثال فوزى ينهى عصر الفتوات Archived 2014-06-19 at the Wayback Machine