عبد الله الاول بن حسين
| |||||||
---|---|---|---|---|---|---|---|
الشريف عبدالله الاول ابن الحسين | |||||||
![]() | |||||||
معلومات شخصيه | |||||||
الميلاد | 2 فبراير 1882
مكه |
||||||
الوفاة |
المسجد الاقصى |
||||||
مواطنه | ![]() ![]() ![]() |
||||||
ابناء | طلال بن عبد الله ، نايف بن عبد الله الاول | ||||||
الاب | الحسين بن على شريف مكه | ||||||
اخوه و اخوات | فيصل الاول ، وعلى بن حسين ، زيد بن الحسين | ||||||
مناصب | |||||||
![]() |
|||||||
في المنصب 25 مايو 1946 – 20 يوليه 1951 | |||||||
|
|||||||
معلومات تانيه | |||||||
المهنه | ملك | ||||||
اللغات المحكيه او المكتوبه | عربى | ||||||
الخدمة العسكرية | |||||||
الرتبة | مشير (رتبه عسكريه) | ||||||
الجوايز | |||||||
![]() ![]() | |||||||
تعديل مصدري - تعديل ![]() |
الملك عبد الله الاول بن حسين (2 فبراير 1882 - 20 يوليه 1951) مؤسس المملكة الاردنية الهاشمية و أول ملك ليها ، و هو ابن الحسين بن على شريف مكه مؤسس مملكة الحجاز وكمان هو ابو الملك طلال بن عبد الله تانى ملوك الاردن
نشأته
![](http://upload.wikimedia.org/wikipedia/commons/thumb/8/8e/Cecil_Beaton_Photographs-_Political_and_Military_Personalities%3B_Abdullah%2C_King_of_Jordan%3B_Abdullah%2C_King_of_Jordan_CBM1666.jpg/250px-Cecil_Beaton_Photographs-_Political_and_Military_Personalities%3B_Abdullah%2C_King_of_Jordan%3B_Abdullah%2C_King_of_Jordan_CBM1666.jpg)
اتولد عبد الله الاول بن حسين بوم 2 فبراير 1882 فى مكه
الطريق لتأسيس المملكة الاردنية الهاشمية
فى سنة 1920 سافر عبد الله الاول بن حسين لسوريا على راس جيش كبير علشان يحارب القوات الفرنسية اللى طردت أخوه فيصل الاول بن حسين من هناك ، لكن القوات البريطانية قدرت توقفه عند فلسطين . وهناك عرض عليه وزير المستعمرات البريطانى فى الوقت ده وينستون تشرشيل أنه يأسس إمارة ليه فى منطقة شرق نهر الاردن ، وفعلا وصل فى نفس السنة لمدينة معان و نشر جنوده مع أعوانه البريطانيين هناك ، وفى سنة 1921 وصل لمدينة عمان وهناك وفى الفترة بين 28 و 30 مارس 1921 اسس إمارة شرق الأردن واتشكلت اول حكومة مركزية ليها يوم 11 ابريل 1921 برياسة رشيد طليع
حاول عبد الله الاول بن الحسين أنه يعمل إصلاحات فى إمارة شرق الأردن فأصدر القانون الأساسى ليها وبعدين عمل الانتخابات التشريعية سنة 1927 وعمل إصلاحات فى الصحة والتعليم والتجارة والزراعة
فى سنة 1946 حصلت إمارة شرق الأردن على استقلالها من المملكه المتحده ونتيجة كده اتغير اسمها للمملكة الاردنية الهاشمية ، و بقا عبد الله الاول بن الحسين هو اول ملك ليها
فى سنة 1948 و بعد صدور قرار الامم المتحده بتقسيم فلسطين بين العرب و اليهود حاول الملك عبد الله الاول بن الحسين أنه يحل النزاع بشكل سلمى وأنه يقنع العرب بقبول قرار التقسيم ، و الأكتر من كده أنه صرح لجولدا مائير ممثلة الوكالة اليهودية وقتها أنه عايز يضم الضفه الغربيه لالاردن رغم أنها من حق عرب فلسطين طبقا لقرار التقسيم وكمان قال ليها أنه ناوى يعمل علاقات سلام وصداقة مع دولة اسرائيل
لكن بعد اعلان قيام دولة اسرائيل فى يوم 15 مايو 1948 قررت جامعة الدول العربيه دخول جيوش دول مصر و الاردن و العراق و سوريا و لبنان للأراضى الفلسطينية وتحريرها من اسرائيل ، وتم اختيار الملك عبد الله الاول بن الحسين قائد لكل الجيوش العربية اللى دخلت حرب 48 . و كان اول قرار أخده الملك عبد الله الاول بن الحسين بالصفة دى هو حل (جيش الانقاذ) اللى كانت جامعة الدول العربيه قررت قبل كده أنه يدخل فلسطين تحت قيادة الظابط السورى فوزى القاوقجى و كمان حل جيش الجهاد المقدس اللى كان اسسه الحاج محمد امين الحسينى من الشباب الفلسطينيين للمقاومة الشعبية ، بحجة أنه مش هايحصل تنسيق إذا كان فيه أطراف غير الجيوش النظامية العربية . وفى حرب 48 أصدر الملك عبد الله الاول بن الحسين أوامره للجيش الاردنى بقيادة الجنرال البريطانى جلوب باشا بأن دخوله ارض فلسطين يكون بس علشان ضم الضفه الغربيه لالاردن وشدد عليه بعدم محاربة اليهود ومنع دخوله أى أراضى مخصصة ليهم حسب قرار التقسيم
اغتياله
![](http://upload.wikimedia.org/wikipedia/commons/thumb/6/65/Abdullah_I_of_Jordan_and_Kemal_Atat%C3%BCrk_in_1937.jpg/250px-Abdullah_I_of_Jordan_and_Kemal_Atat%C3%BCrk_in_1937.jpg)
فى يوم الجمعة 20 يوليه 1951 كان الملك عبد الله الاول بن الحسين رايح يأدى صلاة الجمعه فى المسجد الاقصى فى مدينة القدس فى فلسطين و كان معاه حفيده الحسين بن طلال ، وقبل مايوصل هناك كان فى انتظاره ترزى فلسطينى من القدس كان واحد من افراد جيش الجهاد المقدس اسمه مصطفى شكري عشو وضرب عليه تلات رصاصات استقروا فى راسه وصدره ومات فى الحال ، اما حفيده الحسين بن طلال نجا من الموت بأعجوبة علشان هو كمان اتضربت عليه رصاصة لكن اتخبطت فى ميدالية كان جده امره أنه يلبسها قبل خروجهم مع بعض
مصادر
لينكات برانيه
- عبد الله الاول بن حسين – صور وتسجيلات صوتيه و مرئيه على ويكيميديا كومونز
- عبد الله الاول بن حسين معرف مخطط فريبيس للمعارف الحره
- عبد الله الاول بن حسين معرف شخص فى معرض الصور الوطنى (لندن)
- عبد الله الاول بن حسين معرف ملف المرجع للتحكم بالسلطه فى WorldCat
- عبد الله الاول بن حسين معرف النظام الجامعى للتوثيق
- عبد الله الاول بن حسين معرف جران منشورات الموسوعه الكتالانيه
- عبد الله الاول بن حسين ارشيف مونزينجر
- عبد الله الاول بن حسين المعرف المعيارى الدولى للاسماء
- عبد الله الاول بن حسين خدمه المكتبه الوطنيه
- عبد الله الاول بن حسين رقم فهرس سيره اكسفورد
لم يتم العثور على روابط لمواقع التواصل الاجتماعي.