عبد الحكيم عامر

عبد الحكيم عامر
عبد الحكيم عامر
معلومات شخصيه
اسم الولاده	محمد عبد الحكيم علي عامر
الميلاد	اسطال [1]
الوفاة	القاهره
مكان الدفن	القاهره
مواطنه	السلطنه المصريه (1919–1922) المملكه المصريه (1922–1953) جمهورية مصر (1953–1958) الجمهوريه العربيه المتحده (1958–1967)
الزوج/الزوجه	برلنتى عبد الحميد (1964–14 سبتمبر 1967)[2]
اخوه و اخوات	حسن عامر
مناصب
نائب رئيس الجمهوريه فى مصر
في المنصب 7 مارس 1958  – 1 اكتوبر 1965
الحياه العمليه
المدرسه الام	الكلية الحربيه المصريه
المهنه	سياسى
اللغه الام	اللغه المصريه الحديثه
اللغات المحكيه او المكتوبه	عربى ، اللغه المصريه الحديثه
بداية فترة العمل	1937
الخدمة العسكرية
الفرع	القوات البريه المصريه
المعارك والحروب	حرب 48 ، والعدوان الثلاثى ، وحرب اليمن ، حرب 67
تعديل مصدري - تعديل

المشير عبد الحكيم عامر (11 ديسمبر 1918 - 14 سبتمبر 1967) كان وزير الحربيه فى مصر , واحد من الظباط الاحرار من مواليد سمالوط (المنيا). عبد الحكيم عامر شارك مع الجيش المصرى فى حرب 48 و فى انقلاب 23 يوليه و قاد الجيش المصرى فى حرب السويس (1956) و فى حرب اليمن (1962 - 1967) و فى حرب 1967.

كان عبد الحكيم عامر واحد من الظباط اللى عاملين تنظيم جوا الجيش و مسميين نفسهم الظباط الاحرار و اللى شاركو بعدين فى انقلاب 52 و كان معروف عن عبد الحكيم عامر علاقته كانت قويه مع جمال عبد الناصر واللى بدات لما كانو الاتنين فى كلية الحقوق فكان جمال عبد الناصر و عبد الحكيم عامر زمايل فى كلية الحقوق الا انه بسبب صعوبة دراسة القانون وكلية الحقوق فمااتوفقوش فى مجال دراسة القانون - ممكن ده يفسر عداء جمال عبد الناصر لما استولى على السلطه للقانونيين - فده خلى عبد الحكيم عامر يقدم فى الكليه الحربيه و لانه كان ابن اخت حيدر باشا فاتوسط لدخول جمال عبد الناصر للكليه الحربيه و بالفعل دخلو الاتنين الكليه الحربيه سنتها و كان عبد الناصر اتقدم للكليه الحربيه فى السنه اللى قبليها الاانه ما اتقبلش , الاانه مع كون عبد الحكيم عامر ابن اخت محمد حيدر باشا ( اللى ينطبق عليه المثل بتاع جزاء سنمار ) فده ساعدهم هما الاتنين فى دخول الكليه الحربيه وقتها.

ارتبط اسم عبد الحكيم عامر جدا بالجيش, و ده لانه مسك وزارة الحربيه لفتره دخلت فيها مصر فى حروب كتير زى حرب 56 , حرب اليمن , حرب 67 , و غيرها من الحروب اللى دخلها الجيش المصرى فى دول فى افريقيا و غيرها.

من اكتر الاحدث اللى ارتبطت جدا باسم عبد الحكيم عامر حرب 67 و الذى مات (سواء انتحار او قتل) بعدها و بسببها و اللى حملته الاداره وقتها نتيجة الهزيمه اللى اتعرض ليها الجيش المصرى

• برلنتى عبد الحميد تفتح النار على الجميع فى اخر حوار ليها ...^{[permanent dead link‍]}
• برلنتى عبد الحميد المتزوجه من القائد العام للجيش المصرى تكشف عن أسرار انتحاره ...