محمود مختار
| ||||
|---|---|---|---|---|
| محمود مختار | ||||
 | ||||
| معلومات شخصيه | ||||
| الميلاد | طنباره [2] | |||
| الوفاة | 28 مارس 1934 (43 سنة)
القاهره |
|||
| مواطنه |  |
|||
| الحياه العمليه | ||||
| المهنه | نحات [3] | |||
| اللغات المحكيه او المكتوبه | ||||
| مجال العمل | نحت | |||
تعديل مصدري - تعديل  | ||||
محمود مختار (طنباره، جنب المحله الكبرى، 10 مايو 1891 - القاهرة، 28 مارس 1934) نحات مصر الكبير فى العصر الحديث. من عظماء الفنانيين المصريين اللى افرزتهم ثورة 1919. نحات تمثال نهضة مصر اللى بيعبر عن روح مصر الجديده بعد ثورة 1919.
اتولد محمود مختار فى قرية طنباره جنب المحله الكبرى، و أبوه ابراهيم العيسوى كان عمدة القريه لكن مختار راح عاش مع جدته لأمه فى بيت خاله فى قرية نشا فى المنصوره. اتعرف عنه انه و هو لسه طفل صغير كان بيقضى معظم وقته جنب الترعه يشكل فى الطين مناظر من اللى بيشوفها حواليه فى القريه.
مختار كان اول طالب يلتحق بمدرسة الفنون الجميله اللى فتحها الامير يوسف كمال من فلوسه سنة 1908، و فى سنة 1911 سافر مختار على باريس، و اعجب "جيوم لا بلانى" بموهبته و تميزه الفنى، فدخل مختار مدرسة الفنون الجميله الفرنساويه (Ecole des Beaux Arts)، و اتفوق على كل زمايله، فعينوه مدير لمتحف جريفين فى حى مونماتر و دى كانت اول مره حد من الشرق الأوسط يتعين فى المنصب الفنى ده فى فرنسا.
تمثال نهضة مصر
تمثال نهضة مصر المعروض فى ميدان قدام جامعة القاهرة فى الجيزه بيعتبر اشهر اعمال محمود مختار. فكرة التمثال ده خطرت على بال مختار و هو فى باريس ، و كان من وحى ثورة 1919 ، و لما سافر الوفد المصرى برياسة سعد زغلول على فرنسا عشان يعرض قضية إستقلال مصر عن انجلترا، قابل الوفد مختار و اتحمس سعد زغلول بفكرة التمثال و طلب جمع تبرعات فى مصر لعمل التمثال و عرضه فى اكبر ميادين مصر. لما رجع مختار مصر نشطت حركة الإكتتاب و فى يوم 25 يونيه 1921 اتوافق على حط التمثال فى ميدان باب الحديد (ميدان رمسيى دلوقتى) و انزاحت عنه الستاره يوم 20 مايو سنة 1928.
اعماله و مكانته
بتعتبر اعمال محمود مختار امتداد للفن المصرى القديم. إتأثر بأساليب النحت الحديثه و البيئه المصريه. جمع فى فنه ما بين البساطه و الرقه و قوة التكوين الفنى. كان اول فنان مصرى يتقام له معرض خاص فى پاريس (1930). و اقتنت فرنسا تمثاله البديع "عروس النيل" المعروض فى متحف جودى پوم فى پاريس. و "تمثال نهضة مصر"، و "تمثال سعد زغلول" اللى بيتوسط ميدان سعد زغلول فى اسكندريه. لمحمود مختار فى منطقة الجزيرة فى القاهرة متحف بإسمه معروضه فيه اعماله القيمه.
اعمال مختار كانت اول اعمال فنيه مصريه حديثه تتعرض فى اوروبا، و شهرته وصلت اوروبا قبل أى فنان او اديب مصرى و اتكلمت عن موهبته الفذه الجرانيل و المجلات، فى فتره كانت مصر بتحاول تثبت فيها هويتها الخاصه و قدرتها على النهوض و التقدم و التحرر.
أهم اعماله
| م | اسم التمثال | تاريخ العمل |
|---|---|---|
| 1 | نهضة مصر | 1920 |
| 2 | ابن البلد | مش معروف |
| 3 | الحزن | مش معروف |
| 4 | بنت الشلال | مش معروف |
| 5 | مرات شيخ البلد | مش معروف |
| 6 | سعد زغلول | 1930 |
| 7 | حارس الحقول | مش معروف |
| 8 | حاملات الجرار | مش معروف |
| 9 | الفلاحة | مش معروف |
| 10 | نحو نهر النيل | مش معروف |
| 11 | رياح الخماسين | مش معروف |
| 12 | كاتمة الاسرار | مش معروف |
وفاته و متحفه
إتوفى محمود مختار بعد ما رجع من اوروبا، و لإنه ماكانش من أنصار الحكومه أياميها اتجاهلت الحكومه رجوعه لمصر و وفاته.
فى سنة 1962 اتفتح متحف فى القاهره خاص باعمال محمود مختار و سط حدايق الجزيره كتكريم لفنه، و بيعتبر النحات الوحيد فى مصر اللى ليه متحف خاص بيه.
قال عنه المفكر المصرى طه حسين:
من إبداعاته التانيه:
- إيزيس
- الخماسين
- كاتمة الأسرار
- حاملة الجرة
فهرست وملحوظات
- ↑ معرف ديلارج: https://www.ledelarge.fr/30618_artiste_MOKHTAR_Mahmoudj — باسم: Mahmoud MOKHTAR — المؤلف: Jean-Pierre Delarge — الناشر: Gründ و Jean-Pierre Delarge — ISBN 978-2-7000-3055-6
- ↑ https://english.ahram.org.eg/NewsContent/5/25/11678/Arts--Culture/Visual-Art/Celebrating-Egyptian-sculptor-Mahmoud-Mokhtar-th-b.aspx
- ↑ مُعرِّف قائمة الاتحاد لأسماء الفنانين (ULAN): https://www.getty.edu/vow/ULANFullDisplay?find=&role=&nation=&subjectid=500124617 — تاريخ الاطلاع: 14 مايو 2019 — المخترع: معهد جيتي للبحوث — تاريخ النشر: 5 نوفمبر 2010
- ↑ طه حسين، 71
مصادر
- حسن الرزاز، عواصم مصر، دار الشعب، القاهرة 1995
- طه حسين: من لغو الصيف الى جد الشتاء، دار العلم للملايين، بيروت 1977
- الموسوعة الثقافية ، مؤسسة فرانكلين للطباعة والنشر، القاهرة - نيو يورك
مواقع خارجيه ليها علاقه بالموضوع
- متحف محمود مختار فى القاهره نسخة محفوظة 2009-03-09 على موقع واي باك مشين.
- جاليرى محمود مختار[permanent dead link]
- محمود مختار – صور وتسجيلات صوتيه و مرئيه على ويكيميديا كومونز
- محمود مختار معرف مخطط فريبيس للمعارف الحره
- محمود مختار معرف ملف المرجع للتحكم بالسلطه فى WorldCat
- محمود مختار معرف النظام الجامعى للتوثيق
- محمود مختار المعرف المعيارى الدولى للاسماء
- محمود مختار معرف المكتبه الوطنيه الفرنسيه (BnF)
- محمود مختار معرف برابوك
- محمود مختار معرف شخص فى آسك آرت
- محمود مختار معرف فنان فى لا يقدر بثمن.كوم
- محمود مختار معرف مكتبه الاسكندريه الجديده
