من شروط اللى ياخد المنصب ده انه يكون مصرى و اخ عامل فى الجماعة لمدة مش اقل من 15 سنة بالتقويم الهجرى و ميكونش اصغر من 40 سنة هجرية و لازم يكون فاضى و متفرغ للمنصب ده.[1]، و بعد ما يتم انتخابه من اعضاء مكتب الارشاد بيبايعه اعضاء الجماعة [2] و المرشد بيكون فى منصبه لمدة 6 سنين، قابلة للتجديد[3][4] مرة واحدة[5] ، المرشد العام بيختار نائب او اكتر من نائب من اعضاء مكتب الارشاد.[6] من سنة 1995 الاخوان بقوا بيختاروا المرشد العام من خلال انتخابات بين اعضاء مكتب إلارشاد بدل مجلس الشورى العام ، بعد ما قبضت الحكومه المصريه على اعضائه فى اجتماع سنة 1995 و اتحولوا لمحاكمات عسكرية و اتحكم على عدد منهم من 3 ل5 سنين سجن.[7][8]
