Alshat

Ficha d'oxetu celesteAlshat
estrella[1], fonte d'infrarroxos[1], estrella doble (es) Traducir[1], near-IR source (en) Traducir[1] y UV-emission source (en) Traducir[1]
Datos d'observación
Ascensión reuta (α) 305,16589914562 °[2]
Declinación (δ) −12,759080634502 °[2]
Distancia a la Tierra 82,1443 pc
Magnitú aparente (V) 4,76 (banda V)
Magnitú absoluta 0,32
Constelación Capricorniu
Velocidá de rotación 24 km/s[4]
Velocidá radial −1,74 km/s[5]
Parallax 12,1737 mas[2]
Carauterístiques físiques
Masa 2,37 M☉
Gravedá superficial 3,16 cm/s²[6]
Tipu espectral B9IV[7]
Otros nomes
Cambiar los datos en Wikidata

Coordenaes: Sky map 20h 20m 39.816s, -12° 45′ 32.69″

Alshat (ν Capricorni / ν Cap / 8 Capricorni / HD 193432)[8] ye una estrella na constelación de Capricorniu de magnitú aparente +4,75. El so nome provién del árabe Al Shat, la oveya qu'había de ser sacrificada pola vecina Dabih (β Capricorni) nel sacrificiu celebráu polos árabes col orto helíaco de Capricorniu.[9]

Alshat ye una estrella caliente de 10.208 K de temperatura efectivo[10] y tipu espectral B9IV[8] o B9.5V.[11] Ye, pos, una estrella de la secuencia principal o una subxigante empezando a evolucionar, similar a Sualocin (α Delphini) o η Aquarii. Tien una lluminosidá —nel espectru visible— 75 vegaes superior a la lluminosidá solar, siendo'l so radiu más del doble del que tien el Sol.[12] La so velocidá de rotación —27 km/s—,[10] ye baxa pa una estrella de les sos carauterístiques, magar esta cifra ye namái una llende inferior, una y bones el verdaderu valor depende del enclín de la so exa al respective de la Tierra. Tien una composición química «normal», a diferencia d'otres estrelles allegaes —como les estrelles Bp o les estrelles de mercuriu-manganesu— qu'amuesen peculiaridaes na so composición elemental. La so metalicidá ye comparable a la del Sol.[13]

A 54 segundos d'arcu de Alshat puede reparase una estrella de magnitú 11,8, que se piensa que forma un sistema binariu con ella. La separación ente dambes estrelles ye cimera a 5000 UA. El sistema alcuéntrase a 253 años lluz del Sistema Solar.

Referencies

  1. ↑ 1,0 1,1 1,2 1,3 1,4 Afirmao en: SIMBAD.
  2. ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
  3. ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  4. ↑ «Rotational velocities of A-type stars» (n'inglés). Astronomy and Astrophysics (2):  páxs. 671–682. febreru 2007. doi:10.1051/0004-6361:20065224. 
  5. ↑ Afirmao en: Gaia DR3. Stated in source according to: SIMBAD. Llingua de la obra o nome: inglés. Data d'espublización: 13 xunu 2022.
  6. ↑ Joss Bland-Hawthorn (2020). «The Sixth Data Release of the Radial Velocity Experiment (RAVE). II. Stellar Atmospheric Parameters, Chemical Abundances, and Distances». The Astronomical Journal (2). doi:10.3847/1538-3881/AB9AB8. 
  7. ↑ Afirmao en: Catalogue of two-dimensional spectral types for the HD stars, Vol.4. Stated in source according to: SIMBAD. Autor: Nancy Houk. Llingua de la obra o nome: inglés. Data d'espublización: 1988.
  8. ↑ 8,0 8,1 8 Capricorni (SIMBAD)
  9. ↑ Alhat (The Fixed Stars)
  10. ↑ 10,0 10,1 Huang, W.; Gies, D. R. (2008). «Stellar Rotation in Field and Cluster B Stars». The Astrophysical Journal 683 (2). pp. 1045-1051. http://cdsads.u-strasbg.fr/cgi-bin/nph-bib_query?2008ApJ...683.1045H&db_key=AST&nosetcookie=1. 
  11. ↑ Alshat Archiváu 2013-06-21 en Wayback Machine (The Bright Star Catalogue)
  12. ↑ Nu Capricorni (CADARS)
  13. ↑ Cayrel de Strobel, G.; Soubiran, C.; Friel, Y. D.; Ralite, N.; Francois, P. (1997). «A catalogue of (Fe/H) determinations: 1996 edition». Astronomy and Astrophysics Supplement series 124. pp. 299-305. http://cdsads.u-strasbg.fr/cgi-bin/nph-bib_query?1997A%26AS..124..299C&db_key=AST&nosetcookie=1. 

Coordenaes: Sky map 20h 20m 39.816s, -12° 45′ 32.69″