Bilbo Bolsona

Bilbo Bolsona
Personaxe d'El Hobbit
Universu	legendarium (es)
Creador/a/es	John Ronald Reuel Tolkien
Información
Sexu	masculín
Ocupación	espadachín (es)
Padres	Bungo Fardel Belladona Tucu
Residencia	Bolsu Caberu
Nacionalidá	Condáu
[editar datos en Wikidata]

Bilbo Fardel^[1] o Bilbo Bolsona^[2] ye un personaxe ficticiu del legendarium creáu pol escritor británicu J. R. R. Tolkien que protagoniza la so novela El hobbit, y tamién apaez n'El Señor de los Aniellos. Amás, Tolkien narró la so historia dende una perspectiva distinta en «La busca d'Erebor», en Cuentos inconclusos de Númenor y la Tierra Media. Bilbo Bolsona vivía nun furacu hobbit, en Bolsu Caberu^[3], na Comarca teníase-y por un hobbit qu'anque delgáu y descendiente de los Tucu tenía bon xacíu como un Bolsona, hasta que nel añu 2941 de la Tercer Edá del Sol, visitáronlu Gandalf y trelce nanos. Naquel momentu empezó la so «Hestoria d'una ida y d'una vuelta».

Nel conceutu narrativu de Tolkien, pal que los sos escritos sobro la Tierra Media son auténtiques traducciones del ficticiu Llibru Coloráu de la Llende del Oeste, Bilbo sería l'autor d'El hobbit, y el traductor d'El Silmarillion dende les llingües élfiques a la común.

Historia

Nel añu 2941 de la Tercer Edá, trelce nanos presentáronse na so casa a tomar té. Llegaron per esti orde: Dwalin, Balin, Kíli y Fíli, Dori, Nori, Ori, Óin y Glóin y más tarde, llegó Gandalf acompañáu de Bifur, Bofur, Bombur y Thorin Escuducarbayu^[2]. Tolos nanos y Gandalf quedáronse a cenar y a dormir ellí y cuntáron-y a Bilbo que precisaben un saquiador pa recuperar lo que yera so de les garres de Smaug, un tarrecible dragón.

A pesar de la falta d'esperiencia previa, Bilbo foi incorporáu al grupu de trelce nanos en calidá de saquiador, y participó nes aventures posteriores que se describen n'El Hobbit y que concluyeron na muerte del dragón y la batalla de los Cinco Exércitos.

Mientres estes aventures, Bilbo atopó l'Aniellu Únicu y fuxó de Gollum en saliendo victoriosu d'un concursu de cosadielles cola entruga "¿Qué teo nel bolsín?". Mientres el concursu, sicasí, reveló'l so apellíu "Bolsona" a Gollum. Ensin da-y nenguna importancia, Bilbo foi'l propietariu del Aniellu mientres décades, lo que retardaba'l so avieyamientu.

Cuando empieza "El Señor de los Aniellos", Bilbo yá tien 111 años, pero nun-y afeuta'l pasu de los tiempos porque entá caltién l'Aniellu Únicu. Sicasí, yá ta cansáu de la so sele vida na Contorna y quier volver viaxar. Mientres la llacuada del so cumpleaños utiliza l'Aniellu, vuélvese invisible y escápase delantre de tolos sos convidaos, dexando toles sos posesiones al so heriede, Frodo Bolsona y por presión de Gandalf, tamién del Aniellu, que yá l'empezaba a poseyelu. Entós vuelve a dedicase a viaxar y escribir les sos memories. Va ver los elfos y visitar los nanos del Monte Solitariu y afítase en Rivendel.

Cuando Frodo y la Comunidá del Aniellu van escontra Mordor, da-y la so espada, Aguiyón^[4] y la so cota indestruyible de Mithril. Cuando l'Aniellu ye destruyíu y l'aventura termina, Bilbo yá tien 131 años, superando al "Vieyu Tucu" (Gerontius Tucu) y convirtiéndose nel Hobbit más vieyu de la hestoria. Entós él y Frodo colen xunto con Gandalf y Galadriel a les tierres del otru llau del Mar.

Prímula Brandiboc yera fía de Mirabella Tucu, hermana de Belladona Tucu. Por ello, Bilbo y Frodo yeren primos per parte de padre y per parte de madre.

Xenealoxía de Bilbo

Bilbo yera tíu segundu de Frodo per parte de madre y tíu terceru per parte de padre.

Per parte de madre

Por parte de padre

Predecesor: Gollum

Portador del Aniellu xunetu de 2941 T. E. – 22 de setiembre de 3001 T. E.

Socesor: Frodo Bolsona

Bibliografía

• El Hobbit (n'asturianu), ISBN 978-84-617-1545-9

Referencies