Club de Gimnasia y Esgrima La Plata

Club de Gimnasia y Esgrima La Plata
Situación
Estáu	Arxentina
Datos
Nome oficial	Club de Gimnasia y Esgrima La Plata
Tipu	club deportivu
Fundáu en	3 xunu 1887
Entrenador	Néstor Gorosito
Categoría	Primer División d'Arxentina
Instalaciones
Estadiu	Estadio Juan Carmelo Zerillo (es)
Uniforme
Titular Alternativu
Web oficial

El Club de Gimnasia y Esgrima La Plata ye una entidá deportiva de la ciudá arxentina de La Plata, capital de la provincia de Buenos Aires. Fundóse'l 3 de xunu de 1887, y recibió'l so nome de los deportes que d'aquella-y dieron nacencia: la ximnasia y la esgrima. Dempués amiestaríense-y añaderíen otres seiciones: de tiru, de críquet, d'atletismu... y, por supuestu, de fútbol, que ye, dende'l pasu del so equipu al profesionalismu en 1931, el deporte que-y da más sonadía al club. Anguaño, amás del de fútbol, tien equipu de baloncestu masculín y de voleibol femenín, y cuenta tamién con delles instalaciones pa esfrute de los sos socios: polideportivu, escuela o el complexu deportivu d'Estancia Chica (con 160 hectárees de terrén) ente más otres.

Nel so bayurosu historial (ye, coles sos 71 temporaes en Primera, l'octavu club con mayor mantenencia nella) figuren, como finxos cimeros, el campeonatu de Primer División qu'algamaron en 1929, cuando l'equipu entá yera amateur, y la conquista de la Copa Centenariu, organizada en 1994 pa celebrar los cien años de vida de la AFA. Arriendes d'ello, foi tamién cinco vegaes subcampeón de la Primer División, y ganó'l campeonatu de Segunda División en 1944, 1947 y 1952.

Palmarés y estadístiques del club

Estadístiques

• Temporaes en Primer División: 71. Foi subcampeón 5 vegaes (Clausura 1995, Clausura 1996, Apertura 1998, Clausura 2002, Apertura 2005)
• Temporaes en Segunda División: 8
• Mayor goliada a favor en campeonatos nacionales profesionales: 8:1 a Racing Club (en 1961)
• Mayor goliada en contra en campeonatos nacionales profesionales: 0:8 d'Huracán.
• Mayor goliada a favor en torneos internacionales: 5:1 a Alianza Lima (na Copa Libertadores 2003)
• Mayor goliada en contra en torneos internacionales: 0:4 d'IA Sud América na Copa Conmebol 1995

• Participaciones en torneos internacionales oficiales:
  • Copa Conmebol (3): 1992 (foi semifinalista), 1995 y 1998.
  • Copa Suramericana (2): 2002 y 2006.
  • Copa Libertadores (2): 2003 y 2007.

• Xugadores con mayor númberu de partíos xugaos:
  • Jorge San Esteban (más de 400, y sigue xugando anguaño)
  • Guillermo Sanguinetti (383 nos años 1991-2003)
  • Oscar Montañéz (343 nos años 1932-1945)

• Xugadores con mayor cantidá de goles marcaos:
  • Arturo Naón (95 goles en 97 partíos)
  • Diego Francisco Bayo (71 goles en 138 partíos)
  • Delio Onnis (64 goles en 113 partíos)

Palmarés

Era amateur

Torneos nacionales oficiales

• Primer División (1): 1929^[1]. Foi tamién subcampeón en 1924.

• Segunda división (1): 1915^[2]

Copas nacionales

• Copa Competencia Adolfo J. Bullrich (1): 1915

• Copa Campeonatu Intermedia (1): 1915

• Copa Estímulo (1): 1929^[3]

Era profesional

Torneos nacionales oficiales

• Subcampeón de la Primer División d'Arxentina (5): Clausura 1995, Clausura 1996, Apertura 1998, Clausura 2002 y Apertura 2005.^{[4][5][6][7][8]}

• Copa Centenariu de la AFA (1): 1994

• Segunda división (3): 1944, 1947, y 1952^[9][10][11]

• Subcampeón de la Segunda División Arxentina (1): 1946^[12]

Torneos nacionales amistosos

• Copa Gobernador Alende (1): 1960
• Copa Amistad (2): 1977 y 2006.
• Tornéu Promocional (1) 1967^[13]

Torneos internacionales amistosos

• Copa Colonia del Sacramento (1): 1998

• Cuadrangular d'Asunción (1): 1975

• Subcampeón de la Copa Sanwa Bank (1): 1994

Presidentes

Nos sos más de 120 años d'historia foron 55 los presidentes del club. El primeru foi un funcionariu del Ministeriu de Facienda de la provincia de Buenos Aires, Saturnino Perdriel; y l'actual ye, dende 2007, Walter Gisande.

La eleición del presidente ye por votación trianual ente los socios/es. Hai que tener más de 18 años y llevar trés de sociu/a pa poder votar, y llevar más de siete pa poder ser elixíu como miembru de la Comisión Direutiva.

Tolos presidentes

(*) Foi elixíu, pero renunció primero de tomar posesión del cargu.

Comisión Directiva 2008

Actualizáu a Torneo Clausura 2008 (Arxentina)

• Presidente: Walter Gisande.
• Vicepresidentes: Fabián Cagliardi, Juan Carlos Escanda y Ernesto Fischer.
• Vocales Titulares: Renato Ottaviano, Ernesto Díaz, Daniel Giraud, Laureano Durán, Víctor Palladino, Miguel Lavarra, Roberto Coscarelli, Pablo Blanco, Ricardo Vera, Flavio González, Daniel Bellini, Emidio Pappalardo y Marcelo Gisande.
• Vocales Suplentes: Gustavo Scoppa, Jorge García, Roberto Capalbo, Santiago Barbieri, Ricardo Díaz, Alberto Castillo y Jorge Quintín.
• Revisores de Cuentes Titulares: Ricardo López Osornio, Facundo Menéndez y Pablo Juanes.
• Revisores de Cuentes Suplentes: Hernán Palladino y Alejandro Cisneros.
• Xuráu d'Honor Titular: Alberto Durán, Omar Nicora, Elvio Sagarra, Julio Novarini y Eugenio Mijailoff.
• Xuráu d'Honor Suplente: Alfredo Ferrarini y Carlos Gerez.

Himnu

L'himnu oficial del club escribióse en 1915 pol poeta, nacíu en Magdalena, Délfor B. Méndez; la música ye del maestru Juan Serpentini. Cantóse per primer vegada'l 9 de xunetu de 1915, nuna receición n'honor del River Plate Football Club d'Uruguái, y grabáu pola Banda de Música de la policía del Estáu de Buenos Aires en 1967. La lletra del himnu ye como vien darréu...

Escudu

L'escudu actual del club (oficial dende 1964) ye una versión más cenciella del diseñáu, nel 1887, por Emilio Coutaret. Tien na so parte central, sobre campos de plata y oru, una corona coronada por un yelmu. Dientro d'ella, sobre esmalte, hai un círculu na que figura'l monograma del club nos colores que lu identifican (blancu y azul marín). No cimero de la corona, a los llaos del yelmu, aparecen los mangos d'un sable y un florete. Arrodiando'l conxuntu apaez una rama de lloréu.^[14]

Uniforme

Anguaño l'uniforme titular de Gimnasia y Esgrima tien los colores que l'estatutu social del club adoptó como propios.

• Uniforme titular: Camiseta blanca con una franxa horizontal azul marín, pantalón blancu y calcetos blancos.
• Uniforme alternativu: Camiseta azul marín con una franxa horizontal blanca, pantalón azul marín y calcetos azul marín.

Sicasí, l'uniforme nun foi siempres el mesmu. Nos primeros años del club usáronse los colores blancu y azul cielu, los de la bandera arxentina, pa facer una camiseta igual que la qu'usa anguaño la Seleición arxentina de fútbol. Dempués, en 1905, decidióse cambiar el color del uniforme pa diferenciase del Rácing Club: cambióse'l azul cielu de les rayes verticales de la camiseta pol azul marín. En 1910 cambióse'l diseñu por última vegada, y adoptóse l'uniforme que visten anguaño los sos xugadores.

Estadiu

L'estadiu Juan Carlos Zerillo, tamién conocíu como Estadiu del Bosque, ye'l propiu d'esti equipu. Alcuéntrase nel Bosque Platense, cerca del barriu de «El Mondongo»; concretamente, nel cruce de l'avenida 60 cola cai 118 de la ciudá de La Plata. Ye, colos sos 33.123 espectadores, el mayor de la ciudá.

Les obres pa la so construcción entamaron el 22 de marzu de 1923, ya inaguróse'l 26 d'abril del añu siguiente. Años más tarde dióse-y el nome del presidente Juan Carlos Zerillo, que gobernó'l club ente 1929 y 1931.

Les sos dimensiones son de 118 X 74 metros, y anguaño nun ye'l campu nel que xuega l'equipu. Dende 2006, cuando'l campu foi inhabilitáu p'agospiar partíos oficiales al nun cumplir coles nueves normes de seguridá del Comité Provincial de Seguridad Deportiva, Gimnasia y Esgrima xuega como llocal nel estadiu Ciudá de la Plata.

Instalaciones

Les instalaciones del club inclúin, amás del so estadiu, una finca de 160 ha, otra pa qu'entrenen les categoríes infantiles, un polideportivu, un xardín d'infancia, una escuela primaria y otra secundaria. Hai, amás, decenes de filiales espardíes dientro de l'Arxentina y nel estranxeru.

• Estancia Chica: Ye la finca (160 ha) na qu'entrena l'equipu profesional, y na que se concentra primero de los partíos.

• El Bosquecito: Ye una finca (11 ha) na qu'entrenen y xueguen les categoríes infantiles de la institución. Ye un espaciu de 11 hectárees au practiquen y desempéñense les categoríes infantiles.

• Escuela: El club tien un xardín d'infancia (inauguráu en 1999), una escuela primaria (la Escuela Dr. René Favaloro, inaugurada en 2001) y una escuela secundaria (inaugurada en 2008).

• Polideportivu: Nesti pabellón, inauguráu en 1978, xueguen los equipos de la primer división de baloncestu y vóleibol. Tien una capacidá de 2.600 persones (3.500 cuando ta iguáu p'acoyer espectáculos musicales).

• Sé Social: Nella hai, amás de les oficines de la institución, un ximnasiu y instalaciones pa prauticar baloncestu y vóleibol.

Llistáu completu d'entrenadores

• 1932-1934 Emerico Hirschl
• 1935 Manuel Alvarez
• 1936-1937 Máximo Garay
• 1944 Jaime José Rotman
• 1945 Felipe Scarpone
• 1947 Roberto Sbarra
• 1952 Manuel Fidel
• 1953 Saúl Ongaro
• 1954 Antonio De Mare
• 1957-1959 Francisco Varallo
• 1960 Alberto Máximo Zozaya
• 1961 Carlos Aldabe y Enrique Fernández Viola
• 1962 Enrique Fernández Viola, Eliseo Prado (interín), Adolfo Pedernera y Ricardo Infante (interino)
• 1963-1964 Enrique Fernández Viola
• 1964-1966 Juan Carlos Corazzo, Bravo, Galán, Ricardo Infante, Torres, Enrique Fernández Viola y Argentino Gironazzo
• 1967 Enrique Fernández Viola
• 1967 Manuel Miranda
• 1968-1971 José Varacka, Manuel Miranda (interinu) y Juan Carlos Murua
• 1972 Juan Carlos Murua, Oscar Montes y Roberto Gonzalo (interín)
• 1973-1974 José Varacka
• 1975-1977 Juan E. Urriolabeitia, Diego Bayo, Rogelio Antonio Domínguez, A. Rossi, Higinio Restelli, Julio Novarini y Antonio Ubaldo Rattin
• 1978 José Varacka
• 1979 José Varacka y Antonio Ubaldo Rattin
• 1980 Roberto Iturrieta, José Santiago y Federico Pizarro
• 1981 Eduardo Janin
• 1981 Higinio Restelli
• 1981-1983 Carlos Della Savia
• 1983 Subcomisión de Fútbol (un partíu), Victorio Nicolás Cocco y Antonio Rosl
• 1984-1985 Nito Veiga
• 1985 Carmelo Faraone
• 1985-1987 Luis Garisto
• 1987-1988 Eduardo Miguel Solari y Ricardo Rezza
• 1988-1989 Luis Garisto
• 1989-1990 José Ramos Delgado
• 1990-1991 López-Cavallero, Alberto Fanesi
• 1991-1993 Gregorio Pérez
• 1993 Rubén Gelves-Gustavo del Favero (interín) y Carlos Ramacciotti-Edgardo Sbrissa
• 1994 Roberto Perfumo
• 1994-1999 Carlos Timoteo Griguol
• 1999-2000 Gregorio Pérez
• 2000 Rubén Gelves (interín un partíu)
• 2000-2001 Carlos Timoteo Griguol
• 2002-2003 Carlos Ramacciotti
• 2003 Mario Gómez y Luis Agostinelli (interín)
• 2003-2004 Carlos Timoteo Griguol
• 2004-2005 Carlos Ischia
• 2005 Ricardo Kuzemka (interín) y Pedro Antonio Troglio
• 2007 Pedro Troglio, d'abril a agostu Francisco Maturana
• 2007 Julio César Falcioni
• 2008 Guillermo Sanguinetti
• 2008 Leonardo Madelón
• 2010- Diego Cocca

Referencies

Enllaces esternos

• Wikimedia Commons acueye conteníu multimedia sobre Club de Gimnasia y Esgrima La Plata .
• Páxina oficial del club (castellán)
• Tabla histórica del club en RSSSF (n'inglés)
• Campeones de la Primer División del Fútbol Argentino (castellán)
• Campeones de la Segunda División del Fútbol Argentino (castellán)
• Direutorio web de Dmoz.org sobre Gimnasia y Esgrima La Plata (castellán)