Diádocos
Diádocos yera'l nome dau a los socesores d'Alexandru Magnu, que yeren los sos xenerales y que, a la muerte d'ésti, repartiéronse l'Imperiu separtándolu en cinco grandes zones. La so rivalidá fizo que l'imperiu alexandrín viviera más de venti años de guerres y de lluches pol poder. Esti nomatu vien del griegu Διάδοχοι y significa socesores o heriedos.
La división tres la muerte d'Alexandre foi la viniente:
- Asia p'Antígonu Monoftalmos.
- Exitu pa Toloméu Sóter.
- Tracia y Asia Menor pa Lisímacu.
- Babilonia y Siria pa Seléucu.
- Grecia y Macedonia pa Casandru.
A estos descendientes direutos d'Alexandru sustituyéron-yos los sos fíos conocíos como epígonos - o fíos en griegu (Ἐπίγονοι) - qu'en munchos casos continuaron coles lluches de poder nos restos del antiguu imperiu alexandrín.