Estación del añu

Estación del añu
intervalu de tiempu y temporada
Cambiar los datos en Wikidata

Les estaciones son los periodos del añu nos que les condiciones climátiques imperantes se caltienen, nuna determinada rexón, dientro d'un ciertu rangu. Estos periodos duren aproximao trés meses y denómense iviernu, primavera, branu y seronda, anque nes rexones de la tierra averaes al ecuador les estaciones son namái dos, la estación seca y la lluviosa yá que nelles varía drásticamente'l réxime de lluvies, pero non la temperatura.

Ciertes cultures como les indíxenes d'Australia dividen l'añu en seis estaciones.

Les cuatro estaciones tradicionales tienen el so entamu y final marcaos por asocedíos astronómicos (equinoccios y solsticios).

  • Primavera (ente l'equinocciu de primavera y el solsticiu de branu)
  • Branu (ente'l solsticiu de branu y l'equinocciu de la seronda)
  • Seronda (ente l'equinocciu de la seronda y el solsticiu d'iviernu)
  • Iviernu (ente'l solsticiu d'iviernu y l'equinocciu de primavera).

Por mor de la inercia térmica de l'atmósfera terrestre y los sos océanos el clima de cada rexón ta desfasáu llixeramente con respeutu a los periodos de mayor y menor insolación solar.


Referencies

Enllaces esternos