Fred MacMurray

Fred MacMurray
Vida
Nacimientu Kankakee (es) Traducir, 30 d'agostu de 1908[1]
Nacionalidá Bandera de Estaos Xuníos d'América Estaos Xuníos
Muerte Santa Monica[2], 5 de payares de 1991[1] (83 años)
Sepultura Cementeriu de Holy Cross
Causa de la muerte leucemia
neumonía
Familia
Casáu con June Haver (1954 – 1991)
Fíos/es 4
Estudios
Estudios Carroll University (en) Traducir
Llingües falaes inglés[3]
Oficiu actor de teatru, actor de televisión, actor de cine, cantante
Altor 190 cm
Premios
Xéneru artísticu western
Creencies
Partíu políticu Partíu Republicanu de los Estaos Xuníos
IMDb nm0534045
Cambiar los datos en Wikidata
Semeya publicitaria de los años 30.

Fred MacMurray (Frederick Martin MacMurray: Kankakee, d'Illinois, 30 d'agostu de 1908 - Santa Monica, de California, 5 de payares de 1991) foi un actor d'Estaos Xuníos de cine y televisión que participó en más de 100 películes y esitoses series de televisión, nuna carrera profesional que s'estendió dende los años 30 hasta los 70.

Biografía

N'estudiando música, intentó ganase la vida como saxofonista, pero tres una xira llegó a California, onde abandonó la música de mano la so carrera como actor, nun principiu como figurante, hasta qu'en 1935 robló un contratu con Paramount y tuvo el so primer papel principal en The Gilded Lyly, dirixida por Wesley Ruggles y con grandes estrelles del momentu, como Claudette Colbert y Ray Milland.

Na so siguiente película, Fred MacMurray actuó xunto a Katharine Hepburn en Suaños de Mocedá, dirixida por George Stevens. Antes d'acabar l'añu 1935, y a principios de 1936, intervieno en dos películes xunto a otra de les grandes estrelles femenines de la década, Carole Lombard, concretamente en Candidata a millonaria de Mitchell Liesen y The Princess came Across de William K. Howard.

Mientres la década de 1930 siguió participando en comedies, pero a partir de 1940 empezó tamién a intervenir en películes de distintos xéneros como western, drama y cine negru demostrando'l so versatilidad como actor.

Na mesma década destacó n'otres películes empobinaes por Mitchell Liesen como Alcordances d'una nueche con Barbara Stanwyck, Caprichu de muyer, con Marlene Dietrich , Ella y la so secretaria con Rosalind Russel, y en No Time for Love, con Claudette Colbert. Tamién en Too Many Husbands de Wesley Ruggles, con Jean Arthur. Pero la película pola que sería recordáu foi la empobinada por Billy Wilder en 1943, Double Indemnity, acompañáu por Edward G. Robinson y Barbara Stanwyck.

Na década de 1950 la so estrella foise adulces apagando y apaeció en producciones menores o en papeles secundarios en películes mayores. En 1954 actuó en The Caine Mutiny d'Edward Dmytryk, onde tenía como compañeros a Humphrey Bogart, Van Johnson y José Ferrer. Nesti mesmu añu va rodar Casar númberu 322 de Richard Quine na que compartió protagonismu con Kim Novak, y na que realizó un personaxe bien similar al de Double Indemnity, que realizara once años enantes. En 1955 foi unu de los protagonistes de Horizontes Azules de Rudolph Mate xunto con Charlton Heston y Donna Reed, onde se recreaba la famosa Espedición de Lewis y Clark.

En 1960 actuó nel filme clásicu L'apartamentu, de Billy Wilder, na que MacMurray ye'l malváu xefe que s'aprovecha del personaxe interpretáu por Jack Lemmon pa seducir a la bella ascensorista, interpretada por Shirley MacLaine.

Tamién na década de 1960 protagonizó llargumetraxes pa la Disney, Un sabiu nes nubes, la so secuela Un sabiu despistáu y Doce docenes de fíos onde interpretó a un xefe Boy Scout, nuna típica película familar.

Remató la so carrera en 1978, na película The Swarm d'Irwin Allen.

Dempués d'una llarga llucha contra la leucemia, morrió a los 83 años d'edá, de neumonía, en Santa Monica. Foi soterráu nel campusantu Holy Cross Cemetery en Culver City.

Filmografía

  • Why Leave Home? (1929)
  • Tiger Rose (1929)
  • Grand Old Girl (1935)
  • The Gilded Lily (1935)
  • Pistes secretes (Car 99) (1935)
  • Men Without Names (1935)
  • La muyer que supo amar / Alice Adams (Alice Adams) (1935)
  • Candidata a millonaria (Hands Across the Table) (1935)
  • La novia que vuelve (The Bride Comes Home) (1935)
  • The Trail of the Lonesome Pine (The Trail of the Lonesome Pine) (1936)
  • Thirteen Hours by Air (1936)
  • The Princess Comes Across (1936)
  • Milicies de paz (The Texas Rangers) (1936)
  • Champagne Waltz (1937)
  • La rapaza de Salem (Maid of Salem) (1937)
  • Empezó nel trópicu (Swing High, Swing Low) (1937)
  • Exclusive (1937)
  • True Confession (1937)
  • Cocoanut Grove (1938)
  • Men with Wings (1938)
  • Sing You Sinners (1938)
  • Llocures de millonarios (Cafe Society) (1939)
  • Invitación a la felicidá (Invitation to Happiness) (1939)
  • Un noviu pa tres novios (Honeymoon in Bali) (1939)
  • Remember the Night (1940)
  • L'espertar d'una ciudá (Little Old New York) (1940)
  • Too Many Husbands (Too Many Husbands) (1940)
  • Los aventureros de Santa Marta (Rangers of Fortune) (1940)
  • Virginia (Virginia) (1941)
  • One Night in Lisbon (1941)
  • Bombarderos en picáu (Dive Bomber) (1941)
  • New York Town (1941)
  • Caprichu de muyer (The Lady Is Willing) (1942)
  • Take a Letter, Darling (Take a Letter, Darling) (1942)
  • Corazones en llapaes (The Forest Rangers) (1942)
  • Star Spangled Rhythm (Star Spangled Rhythm) (1942)
  • Flight for Freedom (1943)
  • No Time for Love (No Time for Love) (1943)
  • Above Suspicion (1943)
  • Standing Room Only (1944)
  • Diablecos con faldes (And the Angels Sing) (1944)
  • Double Indemnity / Pactu de sangre (Double Indemnity)(1944)
Fotograma del reclamu de Double Indemnity.
  • Bodes blanques (Practically Yours) (1944)
  • Where Do We Go from Here? (1945)
  • El capitán Eddie (Captain Eddie) (1945)
  • Murder, He Says (1945)
  • Pardon My Past (1945)
  • Smoky (1946)
  • Suddenly, It's Spring (1947)
  • El güevu y yo (The Egg and I) (1947)
  • Una vida y un amor / Singapur (Singapore) (1947)
  • El camín de la felicidá (On Our Merry Way) (1948)
  • El milagru de les campanes (The Miracle of the Bells) (1948)
  • Non te fíes del to home (An Innocent Affair) (1948)
  • Lluna ensin miel (Family Honeymoon) (1949)
  • Father was a Fullback (1949)
  • Alarma na frontera (Borderline) (1950)
  • ¡Qué vida ésta! / La mio vida con un vaqueru (Never a Dull Moment) (1950)
  • Un millonariu pa Christy (A Millionaire for Christy) (1951)
  • Callaway Went Thataway (1951)
  • Fair Wind to Java (Fair Wind to Java) (1953)
  • The Moonlighter (1953)
  • The Caine Mutiny (1954)
  • Pushover (1954)
  • El mundu ye de les muyeres (Woman's World) (1954)
  • Horizontes azules (The Far Horizons) (1955)
  • Les agües de Ranchipur (The Rains of Ranchipur) (1955)
  • Asina muerren los valientes (At Gunpoint) (1955)
  • Siempres hai una mañana (There's Always Tomorrow) (1956)
  • Una pistola pa un cobarde (Gun for a Coward) (1957)
  • Quantez (1957)
  • Day of the Bad Man (1958)
  • Un bon día pa la execución (Good Day for a Hanging) (1959)
  • L'estrañu casu de Wilby (The Shaggy Dog) (1959)
  • La cara del fuxitivu (Face of a Fugitive) (1959)
  • The Oregon Trail (1959)
  • The Apartment (1960)
  • Un sabiu nes nubes (The Absent-Minded Professor) (1961)
  • Los conflictos de pá (Bon Voyage!) (1962)
  • El sabiu n'apuros (Son of Flubber) (1963)
  • Besos pal mio presidente (Kisses for My President) (1964)
  • Venti docenes de fíos (Follow Me, Boys!) (1966)
  • El más feliz millonariu (The Happiest Millionaire) (1967)
  • Charley and the Angel (1973)
  • The Swarm (The Swarm) (1978)

Referencies

Referencies

  1. ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: idRef. Identificador de referencia de idRef SUDOC: 061396443. Data de consulta: 23 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
  4. ↑ URL de la referencia: https://d23.com/walt-disney-legend/fred-macmurray/. Data de consulta: 8 abril 2017.

Enllaces esternos