Llingua rexonal
Una llingua rexonal ye una llingua falada nun área pequeña d'un estáu nacional, como una provincia, conceyo o comarca.
Puedese entender como llingües rexonales aquelles que foron usaes tradicionalmente nun territoriu d'un estáu pero que constitúin un grupu numéricamente inferior al restu de la población del estáu o tamién aquelles llingües que son distintes a les llingües oficiales del estáu en cuestión, al menos, asina defínelo Carta Europea de les Llingües Minoritaries o Rexonales.
Influencia nel númberu de falantes
Esisten munchos casos en que dalgunes llingües rexonales tienen más falantes que llingües nacionales o oficiales n’estaos soberanos. Por exemplu, el catalán (rexonal en Francia, España ya Italia y oficial n’Andorra]) tien más falantes que'l finés y el danés, llingües oficiales y nacionales en Finlandia y Dinamarca, respeutivamente. En China, la llingua wu, falada al sur de Jiangsu, tien más de 90 millones de falantes, superando en númberu de nativos al mesmu francés, y el cantonés, una llingua rexonal de Guangdong, Ḥong Kong y en dalgunes zones de China, tien 60 millones de falantes, superando al italianu.
Llingües oficiales como llingües rexonales
Una llingua oficial nun determináu país pue ser tamién una llingua rexonal falada nun país vecín. Por casu:
- Afrikaans, una llingua oficial de Sudáfrica, ye una llingua rexonal en Namibia.
- Cantonés, una de les llingües oficiales n'Ḥong Kong y Macáu, ye una llingua rexonal na provincia de Guangdong, China.
- Catalán, la llingua oficial d'Andorra, ye una llingua rexonal n'España (Cataluña, Baleares y Comunidá Valenciana), Francia (Pyrénées Orientales) ya Italia (Alghero).
- Alemán, una llingua oficial n’Austria, Bélxica, Alemaña, Liechtenstein, Luxemburgu y Suiza, ye una llingua rexonal n'Italia (Provincia autónoma de Bolzano), Polonia (Silesia), Francia (Alsacia y Lorena) y Dinamarca.
- Húngaru, una llingua urálica y oficial n'Hungría, ye una llingua rexonal en Rumanía, onde la so llingua oficial, el rumanu, ye una llingua románica.
- Irlandés, la primer llingua oficial de la República d'Irlanda, ye una llingua rexonal n'Irlanda del Norte que ye un país constituyente del RX.
- Coreanu, la llingua oficial de Corea, ye una llingua rexonal en China (Prefeutura autónoma coreana de Yanbian).
- Rusu, oficial en Rusia y Bielorrusia, ye una llingua rexonal n'Abḥasia, Osetia del Sur y n'otres entidaes.
- Turcu, la llingua oficial de Turquía y Xipre, ye una llingua rexonal en Kosovu.
Referencies
Enllaces esternos
- Wikimedia Commons tien conteníu multimedia tocante a Llingua rexonal.