Mario Casas

Mario Casas
Vida
Nacimientu	A Coruña[1], 12 de xunu de 1986 (38 años)
Nacionalidá	España
Residencia	A Coruña Esparreguera Madrid
Familia
Pareyes	Eiza González
Hermanos/es	Óscar Casas
Estudios
Llingües falaes	castellanu catalán
Oficiu	actor, modelu, actor de cine, actor de televisión, direutor de cine
Altor	1,8 m
Premios	ver Premio Gaudí al mejor actor  (2021) : No matarás (es)
IMDb	nm1832584

Mario Casas Sierra (12 de xunu de 1986, A Coruña) ye un actor español.

Antes de dedicase a la interpretación, Mario Casas realizó apaiciones esporádiques n'anuncios de marques como Telepizza o Renfe^[2]. Tres dellos años trabayando en papeles menores en 2006 llogró un personaxe fixu na serie xuvenil SMS.^[3] Esi mesmu añu, debutó nel cine de la mano d'Antonio Banderas, que-y dio la oportunidá de participar en El camino de los ingleses.^[3] Aun así los sos primeros papeles notables na gran pantalla nun-y llegaron hasta 2009 con Fuga de celebros y Mentiras y gordas.^[3] Dambes consiguieron bonos datos en taquilla.^[3]

En rematando la so participación na serie Los hombres de Paco, onde encarnó mientres seis temporaes (dende 2007 al 2010) al policía Aitor Carrasco, el 3 d'avientu de 2010 estrenó l'adaptación cinematográfica de Tres metros sobre el cielo. L'estrenu confirmó'l tirón del nuevu actor na gran pantalla^[4] y derivó nuna remortina titulada Tengo ganas de ti que s'estrenó'l 22 de xunu de 2012. Poques selmanes dempués d'estrenar Tres metros sobre el cielo estrenó la película Carne de Neón, dirixida pol direutor Paco Cabezas, Mario interpretaba al protagonista de la cinta, Ricky, un mozu con problemes sociales que se realcontraría cola so madre (Ángela Molina) tres qu'ésta saliera de la cárcel. Tamién en 2012 protagonizó Grupu 7 d'Alberto Rodríguez onde realizó un papel bien alloñáu al de les anteriores películes, que taben más enfocaes escontra un públicu adolescente.^[5]

Dende xineru de 2011 hasta febreru de 2013 protagonizó, xunto a Blanca Suárez y Juanjo Artero, la serie El barco. Poco dempués, en mayu llegó a los cines españoles La Mula rodada cuatro años antes. Gracies a esta cinta llogró la Biznaga de Plata al meyor actor protagonista nel Festival de cine de Málaga.^[6] El 27 de setiembre de 2013 estrenó Las brujas de Zugarramurdi na que tuvo acompañáu por Hugo Silva y Pepón Nieto, ente otros.

Pel branu de 2013 rodó ente Malasia y Los Angeles la so primer película n'inglés (estrenada en dellos cines d'Estaos Xuníos, y en Itunes en 2015), titulada Edén, del direutor Shyam Madiraju. Nella, interpretó al porteru d'un equipu de fútbol llamao Félix. Esi mesmu añu y mientres principios de 2014 participó nel so segundu proyeutu internacional llamáu Los 33 (The 33), na qu'interpreta a un mineru chilenu que se queda atrapáu nuna mina, una hestoria basada nel derrumbe de la mina San José asocedíu en 2010, nesta cinta compartió repartu con Juliette Binoche, Antonio Banderas, Martin Sheen, Rodrigo Santoro y James Brolin ente otros. Estrenada yá en países como Chile, Méxicu o Estaos Xuníos, anque nun hai pel momento fecha d'estrenu n'España.^[7]. N'avientu d'esi mesmu añu estrenó la película "Ismael", dirixida por Marcelo Piñeyro, onde Mario interpretá a un nuevu padre que conoz al so fíu de 8 años per primer vegada. N'avientu de 2015 llega l'estrenu de Palmeras en la nieve,^[8] rodada ente xunetu de 2014 y xineru de 2015, consiguiendo'l puestu númberu 1 en taquilla mientres munches selmanes, superando a la toupoderosa Star Wars: Episode VII.

Nel primer semestre de 2015 empecipió los rodaxes de Toro película de Kike Maíllo xunto a Luis Tosar,^[9] interpretando al personaxe que da nome a la película, y de Mi gran noche d'Álex de la Iglesia, xunto col cantante Rafael.^[10] N'ochobre de 2015 Mario empecipia'l rodaxe de la película Contratiempu ("The Invisible Guest" nel mercáu internacional), al pie de Bárbara Lennie, Ana Wagener y José Coronado, onde Mario se mete na piel d'Adrián Doria, que s'estrenó'l 6 de xineru de 2017. Un mes dempués d'estrenar Contratiempu estrenóse la so tercer película con Álex de La Iglesia: El bar, onde Mario interpretó'l personaxe de Nacho.

En 2017 rodó la película "Bajo la piel del lobo" dando vida al so protagonista, llamáu Martinon, que se va estrenar el 9 de Marzu de 2018. A finales del 2017 tamién rodó la película "El Fotógrafu de Mauthausen" (biopic del fotógrafu de la segunda guerra mundial Francesc Boix), onde Mario interpreta'l papel de Boix.

• Festival de Cine de Sitges - Festival Internacional de Cine Fantásticu de Cataluña

• Premios Men's Health

• Festival de Cine Iberoamericanu d'Huelva

• Premios Feroz

• Festival de Málaga de Cine Español

• Fotogrames de Plata

• Neox Fan Awards

• Premios ACE (Nueva York)

• Festival Internacional de Cine Lésbicu y Gai de Madrid

• Festival de Cine de Zaragoza

• Selmana del Cine de Melilla

• Premiu Micrófono d'Oru

• Festival de Cine d'Alicante

• Festival Internacional de Curtiumetraxes de Móstoles

• Festival Internacional de Curtiumetraxes de Vila-real "Cineculpable"

• Premios Shangay

• Premios EP3

• Wikimedia Commons acueye conteníu multimedia sobre Mario Casas.
• Mario Casas na Internet Movie Database (n'inglés)
• Mario Casas n'AllMovie (n'inglés)
• Mario Casas en Facebook
• Mario Casas n'Instagram
• Mario Casas en Twitter (cuenta verificada)