Peseta

Peseta
País	España, Andorra, Capitanía General de Cuba (es) , Capitanía Xeneral de les Filipines, Capitanía General de Puerto Rico (es) , Ifni, Sáḥara Occidental, protectoráu español de Marruecos y Guinea Ecuatorial
Entidá emisora	Bancu d'España
Fabricáu por	Fábrica Nacional de Moneda y Timbre - Real Casa de la Moneda (es)
Primer emisión	19 ochobre 1868
Última emisión	1r marzu 2002
Símbolu	₧
Códigu ISO 4217	ESP

La peseta foi una moneda española de cursu llegal n'España y Andorra (nesta cabera, xunta'l francu francés) dende'l 19 d'ochobre de 1868 fasta'l 31 d'avientu de 2001, dixebrábase en cien céntimos.

La peseta yera la forma popular cola que se denominaben los cuatro reales del bellón o los dos reales de plata, ye mui posible que'l términu peseta viniere de la pallabra catalana peceta (piecina), diminutivu de peça, nome col que se conocíen dende'l sieglu XV a delles monedes de plata.

El 19 d'ochobre de 1868, el ministru de Facienda del Gobiernu provisional del Xeneral Serrano, Laureano Figuerola, robló'l decretu pol que s'implantaba la peseta como unidá monetaria d'España, al mesmu tiempu qu'entraba en vigor oficialmente'l Sistema Métricu. La primera peseta foi alcuñada en 1869.

La peseta abréviase pta, ye incorreuta l'abreviación pts pal plural.

La peseta foi substituyía pol euru nel añu 1999 nos mercaos de divises. El 1 de xineru de 2002 l'euru (€) entró en circulación xunto cola peseta. El 1 de marzu de 2002 la peseta dexó de ser una moneda de cursu llegal n'España y Andorra, aínda qu'esistere'l compromisu oficial del Bancu d'España de camudar el so importe n'euros ensin importar la data, el cambiu oficial únicu establecíu: 1 euru = 166,386pta, col redondéu correspondiente al tercer decimal.

Referencies

Enllaces esternos

Wikimedia Commons tien conteníu multimedia tocante a Peseta.