Pi Arae
Coordenaes: 17h 38m 5.515s, -54° 30′ 1.562″
Pi Arae (π Ara / HD 159492 / HR 6549)[7] ye una estrella de magnitú aparente +5,25 asitiada na constelación d'Ara, l'altar. Alcuéntrase a 138 años lluz de distancia del Sistema Solar.
Pi Arae ye una estrella de tipu espectral A5IV-V,[7] esto ye, una estrella blanca de la secuencia principal que, rematando la fusión d'hidróxenu nel so nucleu, empieza a tresformase nuna estrella subxigante de mayor tamañu. Con una temperatura superficial de 8200 K, el so radiu ye un 75% más grande que'l radiu solar y ye unes 13 vegaes más lluminosa que'l Sol. La so velocidá de rotación proyeutada ye de 57 km/s,[8] siendo este una llende inferior una y bones la velocidá real depende de la orientación de la so exa de rotación al respective de nós. Presenta un conteníu metálico superior a la solar. Sacante carbonu y cobre, les bayures relatives de tolos elementos evaluaos son más altes que nel Sol, destacando l'eleváu nivel de vanadiu, 4,5 vegaes más abondosa que na nuesa estrella ([V/H] = +0,65).[8] Pi Arae tien una edá averada de 200 millones d'años.[9]
Observaciones llevaes a cabu en banda submilimétrica y infrarroxu cercanu punxeron de manifiestu la esistencia d'un discu circumestelar de polvu en redol a Pi Arae. El discu, de 36 UA de radiu, tien una temperatura averada de 90 K. [9]
Referencies
- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Ulrich Bastian (2000). «Catálogo Tycho-2». Astronomy and Astrophysics: páxs. 27–30.
- ↑ 4,0 4,1 «Chemical analysis of early-type stars with planets». Astronomy and Astrophysics: páxs. 16. marzu 2021. doi: .
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi: .
- ↑ Afirmao en: Catalogue of two dimentional spectral types for the HD stars, Vol. 1. Stated in source according to: SIMBAD. Llingua de la obra o nome: inglés. Data d'espublización: 1975.
- ↑ 7,0 7,1 Pi Arae (SIMBAD)
- ↑ 8,0 8,1 Erspamer, D.; North, P. (2003). «Automated spectroscopic abundances of A and F-type stars using echelle spectrographs. II. Abundances of 140 A-F stars from ELODIE». Astronomy and Astrophysics 398. pp. 1121-1135. http://cdsads.u-strasbg.fr/cgi-bin/nph-bib_query?2003A%26A...398.1121Y&db_key=AST&nosetcookie=1.
- ↑ 9,0 9,1 Zuckerman, B.; Song, Inseok (2004). «Dusty Debris Disks as Signposts of Planets: Implications for Spitzer Space Telescope». The Astrophysical Journal 603 (2). pp. 738-743. http://cdsads.u-strasbg.fr/cgi-bin/nph-bib_query?2004ApJ...603..738Z&db_key=AST&nosetcookie=1.