Placa Norteamericana

Placa norteamericana
Situación
Tipu	placa tectónica
Datos

La placa Norteamericana ye la placa tectónica continental na que s'asientan América del Norte (incluyendo Groenlandia), los archipiélagos de Cuba y Les Bahames nel mar Caribe, la parte occidental del océanu Atlánticu Norte (hasta la Dorsal Mesoatlántica), la metá occidental d'Islandia, una parte del océanu Glacial Árticu y el territoriu siberianu al este de la cordal Verjoyansk. Les plaques coles que llinda son:

• Al norte, la placa Euroasiática.
• Al sur, la placa de Cocos, la placa del Caribe y la placa Suramericana, onde se formen la falla Motagua Polochic y la fuesa Mesoamericana.
• Al este, la placa Euroasiática y la placa Africana, coles que tien una llende diverxente qu'anicia la dorsal Mesoatlántica.
• Al oeste, cola placa Euroasiática y la placa del Pacíficu.

En tiempos recién (en términos xeolóxicos), la placa Norteamericana absorbió, por un procesu de subducción, a otros dos plaques. La placa de Kula, allugada orixinalmente al Norte d'onde güei ta la placa Juan de Fuca que sumió por completu y la placa de Farallón. Esta postrera, que se ta fundiendo dende'l periodu Xurásicu, ocupaba gran parte del oeste de la placa Norteamericana y namái cuando empezó a sumir entraron en contautu les plaques del Pacíficu y Norteamericana, dando orixe a diversos accidentes como la falla de San Andrés. La placa Juan de Fuca, la placa de Cocos y la placa de Naza son los restos qu'entá queden de l'antigua placa de Farallón.

Ye la placa tectónica mas grande de tol planeta tierra.

Referencies

Enllaces esternos

• Wikimedia Commons tien conteníu multimedia tocante a Placa norteamericana.