Quark enriba

Plantía:Ficha de partícula El quark enriba (o quark o del inglés "quark up") ye una partícula elemental que pertenez a la primer xeneración de quarks. Tien una carga llétrica igual a +⅔ de la carga elemental^[1] y un espín de ½, colo cual ye un fermión y cumple el principiu d'esclusión de Pauli. Xunto col quark embaxo y los electrones, forma tola materia que podemos ver y de la que tamos fechos, gracies a qu'estos trés partícules son estables y non se desintegran o aparren más.

Como tolos quarks, el quark enriba tien carga de color, y siente la interacción fuerte por aciu la emisión y absorción de gluones. Los quarks enriba tienen carga colorada, verde o azul; y los antiquarks enriba tienen carga antirroja, antiverde o antiazul. Al sentir esta interacción nun s'atopa a esta partícula aisllada (confinamientu del color), atópase formando hadrones con unu o dos quarks más. La mayoría de masa de los hadrones que se formen vien de la enerxía del campu de color (enerxía y masa son lo mesmo: Y=mc²), y non de los mesmos quarks.

La esistencia de los quarks enriba y embaxo foi postulada por Murray Gell-Mann y George Zweig en 1964, cuando desenvolvieron el modelu de quarks;^[2] y la primer evidencia de los quarks enriba foi nos esperimentos llevaos a cabu nel SLAC en 1967.

Hadrones que contienen quarks enriba

• Mesones:
  • Los piones cargaos (π^±) tienen un quark o un antiquark enriba, y el pion neutru (π⁰) una combinación llinial de dambos.
  • Los kaones cargaos (K^±), con un quark o un antiquark enriba.
  • Les partícules eta (η) y eta prima (η') son combinaciones lliniales qu'inclúin quarks enriba y les sos antiquarks.
  • Los mesones rho (ρ^±) tienen la mesma composición que los piones cargaos pero la partícula compuesta ye de spin 1 en llugar de 0.
  • El mesón D neutru (D⁰) y los mesones B cargaos (B^±) tamién inclúin quarks y antiquarks enriba.

• Bariones:
  • El protón (p) ta formáu por dos quarks enriba y un quark embaxo y el neutrón (n) por unu quark enriba y dos quarks embaxo.
  • Los bariones delta neutros (Δ⁰), positivos (Δ⁺) y doblemente positivos (Δ⁺⁺) contienen unu, dos y trés quarks enriba respeutivamente.
  • La partícula lambda neutra (Λ⁰) tien un quark enriba. La partícula lambda positiva encantada (Λ⁺_c) tamién.
  • Les partícules sigma neutra (Σ⁰) y sigma positiva (Σ⁺) contienen unu y dos quarks enriba respeutivamente.
  • Les partícules xi neutra (Ξ⁰) y xi positiva encantada (Ξ⁺_c) contienen un quark enriba.
  • Les antipartícules de los bariones anteriores contienen los antiquarks enriba.

Ver tamién

• Quark
• Interacción nuclear fuerte
• Carga de color
• Gluón

Referencies