Kudjotya ke Dolní Věstonice

Kudjotya ke Dolní Věstonice ( ceskavon Věstonická Venuše ) tir lekeraporugalafa kudjotya kaataoesa va ayikya evlon gu 25 000 ik 29 000 AR tanda ( Gravette Sare ).

Kosmara

Bata kudjama tolkion empanafa koe guboyafa bada koe Dolní Věstonice rawopaf debak koe Morava ke Ceska ba 13/07/1925 zo kosmayar.

Pimtara

Bat kudjot, do konakar pokeon trasiyin, tir tel losavsaf grupecken trocadayaf kudjot [1]. Tir ontinaf gu 11.1 cm- is cugon mantaf gu 4.3 cm-. Tir kum kuritca burmeyena kan idulam.

Koe tcilaxe ke Brno taneon zo videyer voxe dene Vedeyafa Tcila ke Praha re tigir.

Bak 2004, witafa dimjoasa afigasutera kan vusiko is ewavaf talpey va geltafa koinga ke perdaf ik sanalubdaf rumeik razdayar [2].

    Kudjotya ke Dolní Věstonice    
( lentaf wiks )
    Kudjotya ke Dolní Věstonice    
( gef wiks )
    Kudjotya ke Dolní Věstonice    
( taltaf wiks )
    Kudjotya ke Dolní Věstonice    
( ronaf wiks )

Dere rupel

Vuestexa

  1. ↑ Pamela B. Vandiver, Olga Soffer, Bohuslav Klima & Jiři Svoboda, The Origins of Ceramic Technology at Dolni Věstonice, Science 24/11/1989, vol. 246, n° 4933, bu 1002-1008
  2. ↑ M. Králík, V. Novotný et M. Oliva (2002), « Fingerprint on the Venus of Dolní Věstonice I », Anthropologie 40/2, 2002, bu 107–113 (englavaf vildeks)
Kudjotya ke Dolní Věstonice
KOSMARA
Kosmaxo Dolní Věstonice
Ceska  
Maneka 48°53′ L-, 16°38′ R-
EVLARA
Sare Gravette Sare
Evla 25 000 - 29 000 AR tanda
KIRA
Gije 11.1 × 4.3 cm-


  Tuveli icde Izvopa 
  Tuveli icde Yamba