2018 Bəhreyn Qran-prisi

2018 Bəhreyn Qran Prisi—2018-ci ildə keçirilmiş növbəti Bəhreyn Qran Prisi.

Bəhreyn və Çin Qran Prilərini cəmi bir həftə ayırdığı üçün komandalar çoxlu yenilik gətiriblər. Sessiyanın əvvəli aerodinamik elementlərin səmərəliliyinin yoxlanılmasına sərf edilib, daha sonra isə təkərlər üzərində işləməyə başlayıblar.Maks Ferstappenin maşınında ikinci dövrədə elektrik sistemində problem yaranıb. Holland sürücü RB14-ü pit-leynə çatdırmaq istəyib, lakin sonra maşını tərk edib və onu əlləriylə itələməyə başlayıb. Marşalların və mexaniklərin köməkliyi ilə maşını boksa gətirən Maks Ferstappen üçün sessiya başa çatıb. Sessiyanın sonunda Roman Qrojan və Lekler pit-leynin girişində bir-birini görmədikləri üçün toqquşmadan son anda qurtulublar. Sessiya ərzində başqa insident olmayıb. Protokollara Daniel Rikiardo başçılıq edib – 1:31.060.

1. Daniel Rikiardo 1:31.060
2. Valtteri Bottas 1:31.364
3. Kimi Rəykkönen 1:31.458
4. Sebastyan Fettel 1:31.470
5. Lyuis Həmilton 1:32.272
6. Roman Qrojan 1:32.516
7. Pyer Qasli 1:32.779
8. Karlos Sayns 1:32.885
9. Kevin Maqnussen 1:32.971
10. Niko Hülkenberq 1:33.104
11. Fernando Alonso 1:33.223
12. Şarl Lekler 1:33.278
13. Stoffel Vandorn 1:33.364
14. Ləns Stroll 1:33.379
15. Sergey Sirotkin 1:33.467
16. Brendon Hartli 1:33.497
17. Markus Eriksson 1:33.508
18. Serxio Perez 1:33.662
19. Esteban Okon 1:33.794
20. Maks Ferstappen -:-:-

Birinci sessiya ilə müqayisədə, asfaltın vəziyyəti yaxşılaşıb.Sürücülər bokslarda çox vaxt itirməyiblər, əsas diqqəti uzun məsafələr qət edərək təkərlərin səmərəliliyini yoxlamağa sərf ediblər. Elektrik problemləri üzündən ilk məşqləri buraxan Maks Ferstappen bu dəfə trasa ən tez çıxan sürücülərdən biri olub. Startdan 13 dəqiqə sonra Eriksson idarəetməni itirərək trasdan çıxıb. Lakin çınqıllı zona ona sürəti azaltmasında kömək edib və baryerlərlə toqquşmaqdan qurtulub. Sona 15 dəqiqə qalmış Kimi Rəykkönen mühəndisin göstərişi ilə maşını üçüncü döngədəki təhlükəsizlik zonasında saxlayıb. Buna səbəb pit-stop zamanı sağ ön təkərin yaxşı bağlanmaması olub. Sessiyanın ən sürətlisi də elə Kimi Rəykkönen olub – 1.29:817.Sebastyan Fettel ona cüzi uduzub. Bugünkü məşqlər sıralanma turu simulyasiyasında Ferrari-nin öndə olduğunu, yarış simulyasiyasında isə Red Bull-un tempinin daha yaxşı olduğunu göstərib.

1. Kimi Rəykkönen 1:29.817
2. Sebastyan Fettel 1:29.828
3. Valtteri Bottas 1:30.380
4. Lyuis Həmilton 1:30.472
5. Maks Ferstappen 1:30.745
6. Daniel Rikiardo 1:30.751
7. Niko Hülkenberq 1:31.220
8. Pyer Qasli 1:31.232
9. Fernando Alonso 1:31.282
10. Stoffel Vandorn 1:31.422
11. Roman Qrojan 1:31.591
12. Karlos Sayns 1:31.601
13. Esteban Okon 1:31.809
14. Serxio Perez 1:31.868
15. Kevin Maqnussen 1:31.969
16. Şarl Lekler 1:32.372
17. Lens Stroll 1:32.382
18. Sergey Sirotkin 1:32.474
19. Markus Eriksson 1:32.733
20. Brendon Hartli 1:32.908

Cümə günü sürücülərin çoxu təkərlərin tez yeyilməsindən gileylənmişdilər, Mercedes isə yumşaq təkərlərlə effektiv işləyə bilməmişdi – ona görə də bu sessiyada komandalar problemlərin həll edildiyinə əmin olmağa çalışıblar. Sessiyanın ilk dörddə birində trasda işləyən olmayıb, elə sonra da sürücülər böyük məsafə qət etməyiblər.Sebastyan Fettelin maşınında yan pantonun deflektorunun bir hissəsi qopub, Sebastyan Fettel boksa qayıdıb, amma sonra trasa çıxıb.Əylənmə zonasında bir çox sürücü səhvə yol verib,trasdan çıxıb, amma geniş təhlükəsizlik zonaları maşınları zədələmədən trasa qayıtmağa imkan verib. Protokollara Kimi Rəykkönen başçılıq edib –1:29.868, bu dəfə Ferrari-nin sürücüsü Maks Ferstappeni yarım saniyə üstələyib.

1. Kimi Rəykkönen 1:29.868
2. Maks Ferstappen 1:30.393
3. Daniel Rikiardo 1:30.452
4. Lyuis Həmilton 1:30.691
5. Sebastyan Fettel 1:30.719
6. Valtteri Bottas 1:30.781
7. Niko Hülkenberq 1:31.144
8. Karlos Sayns 1:31.200
9. Pyer Qasli 1:31.438
10. Fernando Alonso 1:31.445
11. Brendon Hartli 1:31.460
12. Roman Qrojan 1:31.513
13. Esteban Okon 1:31.554
14. Serxio Perez 1:31.564
15. Kevin Maqnussen 1:31.737
16. Markus Eriksson 1:31.859
17. Stoffel Vandorn 1:31.860
18. Şarl Lekler 1:32.047
19. Sergey Sirotkin 1:32.463
20. Lens Stroll 1:32.865

Birinci sessiyada Ferrari sürücüləri və Valtteri Bottas Soft-dan istifadə ediblər, digər sürücülər isə trasa SuperSoft-la çıxıblar.Brendon Hartlinin maşını quş vurub və antiqanadını dəyişmək üçün boksa yollanıb.Roman Qrojan təkərləri bloka salıb, trasdan çıxıb və təkər dəstini korlayıb. Sessiyanın sonun 5 dəqiqə qalmış qırmızı bayraqlar dalğalanıb.2-ci döngənin çıxışında Maks Ferstappen trasdan çıxıb və baryerlərə çırpılıb. Sürücü kokpiti özü tərk edib, RB14 təxliyə olunub. Sessiyanın son dəqiqələrində 3 güclü komandanın sürücülərindən başqa hamı trasa tələsib.Fernando Alonso vəRoman Qrojan eyni nəticəni göstərsələr də, ispaniyalı sürücü bunu daha əvvəl etdiyi üçün mübarizəni davam etdirib. Kimi Rəykkönen sarı təkərlərlə protokollara başçılıq edib – 1:28.951.Mübarizəni isə Roman Qrojanla bərabər Williams və Sauber sürücüləri tam heyətlə dayandırıblar.

İkinci sessiyada yalnız Lyuis Həmilton trasa Soft tərkibi ilə çıxıb – sabah britaniyalı sürücü yarışa bu təkərlərlə başlayacaq və fərqli strategiyada olacaq.Sebastyan Fettel ilk cəhdində protokollara başçılıq edib – 1:28.341. Mübarizəni isə bu sessiyada iştirak etməyən Maks Ferstappenlə birlikdə Brendon Hartli,Serxio Perez və McLaren sürücüləri dayandırıblar.Honda motoru quraşdırılmış Toro Rosso sürücüləri hər iki McLaren sürücüsündən üstün olublar.Pyer Qasli isə karyerasında ilk dəfə son sessiyaya keçə bilib.

Son sessiyada hamı SuperSoft-dan istifadə edib. Niko Hülkenberq,Kevin Maqnussen və Esteban Okon yalnız bir cəhd ediblər.Sebastyan Fettel ilk cəhdində – 1:28.196 nəticə göstərsə də,Kimi Rəykkönen onu üstələyib – 1:28.101. İkinci cəhdində isə almaniyalı sürücü trafikdə ləngiyən komanda yoldaşını qabaqlayıb – 1:27.958.

Avstraliyadan sonra ötürmələr qutusunu dəyişən Lyuis Həmilton Bəhreyn yarışının startında 5 yer itirəcək.

1. Sebastyan Fettel 1:27.958
2. Kimi Rəykkönen 1:28.101
3. Valtteri Bottas 1:28.124
4. Daniel Rikiardo 1:28.398
5. Pyer Qasli 1:29.329
6. Kevin Maqnussen 1:29.358
7. Niko Hülkenberq 1:29.570
8. Esteban Okon 1:29.874
9. Lyuis Həmilton 1:28.220
10. Karlos Sayns 1:29.986
11. Brendon Hartli 1:30.105
12. Serxio Perez 1:30.156
13. Fernando Alonso 1:30.212
14. Stoffel Vandorn 1:30.525
15. Maks Ferstappen -:-:-
16. Roman Qrojan 1:30.530
17. Markus Eriksson 1:31.063
18. Sergey Sirotkin 1:31.414
19. Şarl Lekler 1:31.420
20. Lens Stroll 1:31.503

İsinmə dövrəsinə Brendon Hartli və Serxio Perez öz mövqelərindən başlamayıblar. Stüardlar yarışdan sonra bu məsələni nəzərdən keçiriblər və hər iki sürücünün nəticəsinə 30 saniyə əlavə edilib.Sebastyan Fettel startda liderliyini qoruya bilib,Valtteri Bottas Kimi Rəykköneni keçib.Niko Hülkenberqlə Kevin Maqnussen toqquşublar və nəticədə alman sürücünün maşınının ön qanadı xəsarət alıb.Serxio Perez Brendon Hartli ilə təmasdan sonra yerində fırlanıb, stüardlar bu insidentə görə Toro Rosso-nun sürücüsünə 10 saniyəlik cəza veriblər. Maks Ferstappen 9-cu yerə yüksəlmək üçün Lyuis Həmiltona hücum edib, lakin britaniyalı buna imkan verməyib. Maşınlar toqquşub, təkəri deşilən Maks Ferstappen maşını boksa çatdırıb. Elə bu anda Daniel Rikiardo motor güc itirdiyi üçün yarışı dayandırmalı olub. Virtual Təhlükəsizlik Maşını rejimi elan edilib.Restart 5-ci dövrədə verilib.Lyuis Həmilton bir həmlədə Niko Hülkenberqi,Esteban Okonu və Fernando Alonsonu geridə qoyub.Maks Ferstappen maşını hidravlik sistemin təzyiqi sürətlə aşağı düşdüyü üçün təhlükəsizlik zonasında saxlayıb. Yarış Red Bull üçün erkən bitib.Lyuis Həmilton Kevin Maqnussen və Pyer Qaslini də keçərək dördüncüyə yüksəlib.Serxio Perez 10-cu dəvrədə təkərlərini dəyişib. Onu növbəti dövrədə Stoffel Vandorn və Lens Stroll izləyiblər. 17-ci dövrədə Karlos Sayns, 19-cu dövrədə Sebastyan Fettel və Roman Qrojan, 20-ci dövrədə Kimi Rəykkönen, 22-ci dövrədə isə Valtteri Bottas pit-stopa yollanıblar.Sebastyan Fettel 25-ci dövrədə təzə təkərlərlə hələ pit- stop etməmiş Lyuis Həmiltonu qabaqlaya bilib və liderliyi yenidən özünə qaytarıb.Lyuis Hemilton 26-cı dövrədə yeni təkərlərə keçən son sürücü olub.Növbəti dövrələrdə Serxio Perez, Kevin Maqnussen və Stoffel Vandorn ikinci dəfə pit-stop ediblər. Kimi Rəykkönen 36-dı dövrədə yenidən pit yoluna yönəlib. Sol arxa təkər hələ dəyişilməsə də, Kimi Raykkonenə hərəkət etməsi ilə bağlı işarə verilib. Bu da mexaniklərdən birinin ciddi xəsarət alması ilə nəticələnib.Kimi Raykkonen kokpiti tərk edib və yarış onun üçün başa çatıb. Mexanik dərhal tibbi mərkəzə aparılıb.Fernando Alonso və Niko Hülkenberq 40-cı dövrədə növbəti dəfə təkər dəyişiblər.Niko Hulkenberq 2 dövrə sonra Markus Erikssonu geridə qoyaraq altıncı olub. 46-cı dövrədə Roman Qrojan tempini itirib və boksa qayıdıb.Yarışa ilk üçlükdə davam edən sürücülər tək pit-stoplu strategiya seçiblər. SuperSoft təkərlərlə yarışan Sebastyan Fettel üçün son dövrələr çətin keçib.Valtteri Bottas fərqi sürətlə azaldıb və hücum məsafəsinə çatıb. Lakin alman sürücü yerini qoruya bilib.Sebastyan Fettel mövsümdə ikinci, karyerasında isə 49-cu qələbəsinə imza atıb. Çempionatdakı əsas rəqibi Lyuis Həmilton 9-cu yerdən başladığı yarışda zərəri minimuma endirməyə nail olub və komanda yoldaşının arxasında finişə çataraq podiumun üçüncü pilləsinə yüksəlib.Pyer Qasli yarışı dördüncü yerdə başa vuraraq karyerasında ən yaxşı nəticəni əldə edib. Bu, həm də Honda üçün idmana qayıtdıqdan sonra ən uğurlu yarış olub. Doqquzuncu olan Markus Eriksson da Sauber üçün bu mövsüm ilk xalları qazandırıb.

1. Sebastyan Fettel Ferrari
2. Valtteri Bottas Mercedes
3. Lyuis Həmilton Mercedes
4. Pyer Qasli Toro Rosso
5. Kevin Maqnussen Haas
6. Niko Hülkenberq Renault
7. Fernando Alonso McLaren
8. Stoffel Vandorn McLaren
9. Markus Eriksson Sauber
10. Esteban Okon Force India
11. Karlos Sayns Renault
12. Şarl Lekler Sauber
13. Roman Qrojan Haas
14. Lens Stroll Williams
15. Sergey Sirotkin Williams
16. Serxio Perez Force India
17. Brendon Hartli Toro Rosso

1. Kimi Rəykkönen Ferrari
2. Maks Ferstappen Red Bull
3. Daniel Rikiardo Red Bull

Adətən mövsümün ilk yarışlarında pit-stopların sürəti nisbətən aşağı olur – bu tendensiya Bəhreyndə də davam edib. Avstraliyada olduğu kimi, bu dəfə də 3 saniyədən daha uzun müddətdə baş tutan pit-stop əməliyyatları ilk onluğa düşüb.Melburnda hamıdan sürətli olan Red Bull mexaniklərinin hər iki sürücü yarışın əvvəlində mübarizəni dayandırdığından bu dəfə özlərini göstərmək şansları olmayıb. Ferrari mexanikləri bu fürsətdən istifadə ediblər – onların Sebastyan Fettelin maşınına 2.24 saniyəyə xidmət göstərərək birinci olublar. Keçən il yaxşı nəticələrlə yadda qalan Williams mexanikləri bu dəfə ikinci ola biliblər – onlar [[Sergey Sirotkin]]in maşınının dörd təkərini 2.40 saniyəyə dəyişiblər. Mercedes mexanikləri isə ilk üçlüyü bağlayıblar. İki nəticə ilə ilk onluqda təmsil olunan cəmi iki komanda var – Ferrari və Force India.

1. Ferrari 51
2. Red Bull 40
3. Williams 30
4. Force India 20
5. Mercedes 16
6. Renault 12
7. Sauber 12
8. Haas 11
9. Toro Rosso 8
10. McLaren 2

Sıralanma turunda gözlənilmədən üçüncü sessiyaya keçərək altıncı olan, Lyuis Həmilton yer itirdiyi üçün yarışa beşinci yerdən başlayan, yekunda isə dördüncü yeri tutaraq karyerasında ən yaxşı nəticəni göstərən Pyer Qasli “Günün Sürücüsü” seçilib. Frsansalı sürücü bu ada ilk dəfədir ki, layiq görülür.

• Pirelli Bəhreyn Qran Prisi üçün sürücülərin təkər seçimini bəyan edib

• Bəhreyn-2018: Birinci sərbəst yürüşlər

• Bəhreyn-2018: İkinci sərbəst yürüşlər

• Bəhreyn-2018: Üçüncü sərbəst yürüşlər

• Bəhreyn-2018: Sıralanma turu

• Bəhreyn-2018: Start düzümü

• Bəhreyn-2018: Yarış

• Bəhreyn-2018: DHL Fastest Pit Stop Award

• Bəhreyn-2018: Günün sürücüsü – Pyer Qasli