Tahir Tahirov

Tahir Tahirov
Doğum tarixi	30 may 1948
Doğum yeri	Bakı, Azərbaycan SSR, SSRİ
Vəfat tarixi	12 sentyabr 2019 (71 yaşında)
Vətəndaşlığı	SSRİ→ Azərbaycan
Həyat yoldaşı	Rəhilə Atakişiyeva
Uşağı	Rəşid Tahirzadə
Atası	Rəşid Tahirov
Anası	Xanım Əzizova
Fəaliyyəti	Rəssamlıq
Stillər	Teatr dekor, geyim üzrə rəssam
Tanınmış işləri	Babək filmi, Qorxma mən səninləyəm, Babək baleti, Arşın mal alan operası, Aydın tamaşası.
Mükafatları	2013 2002

Tahir Rəşid oğlu Tahirov (30 may 1948, Bakı – 12 sentyabr 2019) — Azərbaycan teatr rəssamı, rəngkar, Azərbaycan Respublikasının xalq rəssamı (2013).

T.Tahirov 1973-cü ildə Azərbaycan Dövlət İncəsənət İnstitutunun rəssamlıq fakültəsini bitirmişdir. O, müxtəlif vaxtlarda Akademik Milli Dram Teatrında, Dövlət Gənc Tamaşaçılar Teatrında, Dövlət Rus Dram Teatrında bir çox tamaşaların bədii həllini vermişdir. O, bir müddət Dövlət Akademik Opera və Balet Teatrında quruluşçu rəssam vəzifəsində çalışmışdır. T.Tahirov Opera və Balet Teatrının səhnəsində F.Əmirovun "Sevil", "Min bir gecə", "Nizami", C.Verdinin "Travita" operalarına, Donisettinin "Arlekinada", P.İ.Çaykovskinin "Romeo və Cülyetta", T.Bakıxanovun "Xəzər balladası", X.Mirzəzadənin "Ağ və Qara", Q.Qarayevin "Leyli və Məcnun", "Don Kixot" baletlərinin səhnə tərtibatının və geyim eskizlərinin müəllifidir. T.Tahirov bir çox dövlət əhəmiyyətli tədbirlərin quruluşçu rəssamı olmuşdur. Onların sırasında Qanlı Yanvar hadisələrinin ildönümü, M.Dilbazi, S.Vurğun, Ə.Əliyev, Füzuli, Prezidentin and içmə mərasimi və başqaları vardır. 30 may 2002-ci ildə əməkdar rəssam, 25 iyun 2013-cü ildə Zirvə mükafatına və 25 iyun 2013-cü ildə xalq rəssamı adına layiq görülmüşdür. 5 mart 2018-ci ildə Sənətkar medalı almışdır.

• Babək (film, 1979)
• Şeytan göz qabağında (film, 1987)
• Yoxlama (film, 2006)
• Cavad xan (film, 2009)
• Sübhün səfiri (film, 2012)
• Qorxma, mən səninləyəm! 1919 (film, 2013) (film, 2013)

https://www.youtube.com/watch?v=JJba3dBk_ns

https://www.teaspress.az/az/products/incesenet/435^[1]