Ҡолаҡлы сыпҡай

Ҡолаҡлы сыпҡай
Фәнни классификация
арауыҡтағы ранг Домен:  Эукариоттар Батшалыҡ:  Хайуандар Суб-батшалыҡ:  Эуметазойҙар Тип/Бүлек:  Ике яҡлы - симметриялы Суб-тип:  Икенсел ауыҙлылар Тип:  Хордалылар Клад:  Баш һөйәклеләр Суб-тип:  Умыртҡалылар Инфратип:  Башһөйәклеләр Супер-класс:  Дүрт аяҡлылар Класс:  Ҡоштар Ярым класс:  Яңы аңҡаулылар Отряд:  Сыпҡай һымаҡтар Ғаилә:  Сыпҡай һымаҡтар Ырыу:  Сыпҡайҙар Төр:  Ҡолаҡлы сыпҡай
Халыҡ-ара фәнни исеме
Podiceps auritus (Linnaeus, 1758)
Синонимдар
Pliodytes lanquisti (Brodkorb, 1953)[1]
Һаҡлау статусы
Ҙур хәүеф янамай IUCN 3.1 Least Concern : 106003640
Викитөркөмдә Систематика Викиһаҡлағыста рәсемдәр ITIS   174482 NCBI   37050 EOL   1049447

Ҡолаҡлы сыпҡай, сыпҡай, сумҡа, тирҫаяҡ(рус. Красношейная поганка)(лат. Podiceps auritus) — сыпҡайҙар ғаиләһендәге ҡош.

Өйрәктән бәләкәй. Яҡшы сума һәм йөҙә. Ерҙән атлап йөрөй алмай. Яҙғыһын ата өйрәктең башы сем ҡара, ике яҡлап күҙҙәре өҫтөнән ҡолаҡҡа оҡшаған оҙон ғына ҡауырһындар үҫеп сыға. Сикәләре ҡара, муйыны, ҡабырғалары ҡыҙғылт ерән. һырты ҡара-көрән. Түше, ҡорһағы көмөш кеүек йымылдаҡ аҡ. Ҡара сыпҡайҙан ҡыҙғылт ерән муйыны менән айырыла.

Тауышы яҙғыһын яғымлы ғына: «түрр-лүрр-лүрр», башҡа ваҡытта: «кейк».

Үҫемлектәргә бай ҙур булмаған күлдәрҙә, ятыуҙарҙа йәшәй. Балыҡ, тәлмәрйен, һыу бөжәктәре менән туҡлана. Күсмә ҡош. Киң генә таралған. Ояһы һыу өҫтөндә, һирәкләп һыуға яҡын ярҙа була. 4—5 бөртөк йәшкелт аҡ йомортҡа һала. Тиреһе өсөн аулайҙар.

• 
• 
• 
• 
• 
  Museum specimen

• Э.Ф. Ишбирҙин. Башҡортостан ҡоштары китабы. Өфө,1986 йыл. ИБ №3478 28.693.35 И 90
• Бёме Р. Л., Динец В. Л., Флинт В. Е., Черенков А. Е. Птицы (Энциклопедия природы России). ABF, Москва, 1996, 430 с.

• Позвоночные животные России: Красношейная поганка 2016 йыл 24 июнь архивланған.

1. ↑ The Paleobiology Database: Pliodytes lanquisti

{|de}