Glubbal

Der Artikl is im Dialekt Obaboarisch gschriem worn.
s Deandl hengt de Wesch af (Sing a Song of Sixpence, Illustration vom Walter Crane)

A Glubbal, aa Glupperl oda Kluppm (Kluppe) is a Klamma zan Weschafhenga.

De ejtaste Form vom Glubbal is a gspoitans Hoizstickal bzw. oans wo an Schlitz hod. Bis in de 1960a Joar worn in Bayern und Östareich oafoche Afsteckglubbal ohne Feda vabroadd.

Seit de 1950 Joa gibts a Mini-Glubbal, wo aa ois Rock-'n'-Roll-Glubbal bekannt worn san. De san eppa 25 mm lang, 6–7 mm broad und 3 mm dick. Rock-'n'-Roll-Glubbal gibts in zig vaschiedanan Foarbm und wean vor oim auf Partys zua Markiarung vo Glasln und am Hemdkrogn vawendd.

Galerie

  • Oide gschnitzte Glubbal
    Oide gschnitzte Glubbal
  • Modeans Glubbal aus Hoiz
    Modeans Glubbal aus Hoiz
  • Modeans Glubbal aus Plastik
    Modeans Glubbal aus Plastik
  • Weschafhenga mit Afsteckglubbal
    Weschafhenga mit Afsteckglubbal
  • Neimodeans Plastik-Glubbal, ohne Metoifeda
    Neimodeans Plastik-Glubbal, ohne Metoifeda

Andane Vawendung

Glubbal wean heit aa fia vui andane Sochan vawendd. Musikantn vawends ois Bladdlhoida. Im BDSM sans a beliabts Mittl fia sadomasochistische Spuiarein. Hoizglubbal wean a gean zan Bastln vawendd.

Andane Bedeitung

Glubberl sogt ma aa za de Finga. "Mi friats in de Glubbal", hoasst das ma koide Finga hod.

Im Netz

 Commons: Glubbal – Sammlung vo Buidl, Videos und Audiodateien