Ostsää
De Ostsää, Boitisches Meea oda Suevisches Meea (dt.: Ostsee, Baltisches Meer oda Suevisches Meer, vo Latein: Mare Balticum) is a 412.000 km² großs und bis za 459 Meta diafs Binnenmeea in Eiropa. Es is's gressde Brackwossameea vo da Wejd. Da Rauminhoit bedrogd 21.000 km³.
Geografie
De Ostsää is zwischn da Skandinavischn Hoibinsl und Noad-, Noadost- und Middleiropa. De westlichsde Stej is ba Flensbuag, de neadlichsde on da schwedisch-finnischn Grenz im Bottnischn Meeabusn, de estlichsde ba Sankt Pedasbuag und de sidlichsde ba Stettin.
Foingde Lenda grenzn on d'Ostsää: Deitschland, Dänemark, Schwedn, Finnland, Russland, Estland, Lettland, Litaun und Poin. De gressdn Fliss, de in d'Ostsää mindn, san d'Oder, de Weichsl, Meml, Düna, Newa und da Torne älv. Za da Ostsää ghean aa vui Buchtn, Meeaenga und Insln.
De Ostsää lossd se in foingde Bereiche eihtein:
- Kattegat: biologisch, vakeahstechnisch und historisch is as Kattegat eingdli koa Binnenmeea, wead owa ofd za da Ostsää dozuazehjd
- Beltsää: haassd aa: Westliche Ostsää, westli vo de Insln Sääland und Falster bis za da Darßa Schwej ba Rostock, des Wossa is do dopped so soizig wia in da eingndlichn Ostsää
- eingndliche Ostsää: quasi vo da deitschn Ostsäägstod bis za da Linie Stockholm-Oland-noadwestlichs Estland
- noadestliche Ostsää: da Finnische Meeabusn zwischn Estland, Finnland und Russland
- neadliche Ostsää: da Bottnische Meeabusn, oiso ob Oland Richtung Noadn
Gschicht
Scho im Oitatum hod's Hondlswege gem, af dena ma z. B. Bernstoa und Pejze in Richtung Remischs Reich transpoatiad hod und umkeahd Keramikwoarn, Wein und Äj ogliafad woan san. Za da Zeid vo da Hanse woa de Ostsää aa a bedeitnda Vakeahs- und Honndlsweg. Im Dreißigjeahring Kriag hod Schwedn Eaobarunga im Ostsääraum gmochd. Und im Zwoatn Wejdkriag hod de deitsche Flotte (Marine)Flotte geng de sowjetische kempfd. Weahnd'm Koidn Kriag hom vui vasuachd, iwa d'Ostsää in an Westn z'flichdn.
Sääfoaht
On da Ostsää san vui wichtige Säähef, z. B.: Kopenhagen, Malmö, Stockholm, Turku, Helsinki und Sankt Pedasbuag. Bsondas wichtig fia'n Vakeah im Ostsääraum san de vuin Feahvabindunga und de großn Bruckn. De meistbefoahne Sääschifffoahtsstroßn vo da Wejd is da Noad-Ostsää-Kanoi (NOK), dea de Ostsää mid da Noadsää vabindd, domid ma ned iwa's Kattegat und Skagerrak foahn muass.
Im Netz
Commons: Ostsee – Sammlung vo Buidl, Videos und Audiodateien- Gschichtliche und aktueje Faktn und Berichte iwa de Ostsää (Seite nicht mehr abrufbar; Suche in Webarchiven) (Aqua-Globe Magazine)
- Entstähungsgschicht vo da Ostsää (IOW)
- Institut fia Ostsääfoaschung Warnemünde
- Ostsääschutz: Oabatsgruppe Ostsää van BUND e. V.
- Helsinki Commission – HELCOM (englisch)
- Tippologie vo da deitschn Ostsäägstod za da Wossarohmarichtlinie vo da EU; Koartn za da Salinitet u. a. (PDF; 490 kB)
Koordinaten: 59° N, 21° O
- Ostsääflug – Kuazfuim (55 Minutn), zoagd ois Luftafnohma de Gstodlinie vo Kiel bis Stralsund und zruck. Seah gad z'eakenna san de Boddngwassa und da Darß.
- Baltic Operational Oceanographic System (BOOS)