Skouds
 | |
 | |
| Žmuoniū skaitlios | 5 346 (1 sausė 2023, demograpėnis balansos)  |
|---|---|
| Ikūrėma metā | 1253 |
| Geuograpėjė | |
| Prėgol pri | Skouda seniūnėjė |
| Šalės | Lietova |
| Pluotībė | 4.9 kvadratėnis kiluometros |
| Augštoms | 31, 18 |
| Koordėnatės | 56.2667°N 21.5333°E |
| Pašta kods | LT-98001 |
| Telepuona kods | 440 |
 | |
Skouds (lietovėškā: Skuodas) īr miests Klaipiedas apskrėtie. 80 km i šiaurė nu Klaipiedas ė 2 km i pėitus nu Latvėjės robežiaus. Miests tor seniūnėjės statosa, tēpuogė īr apīlėnkiū seniūnėjes cėntros.
Pru Skouda tek Bartova, čė ana īr patvėnkta, diutuo miesta pėitvakariūs telkša Bartuvuos tvėnkėnīs. Vakarėnio pakraštio ēn Kretinguos - Priekolės gelžkėlis. Glabnė miestā bodīnkā sotelktė miesta cėntrė: Skouda Šventiausės Trejībės bažninčė, Skouda muziejos, pašts, koltūras nomā, savėvaldībė, kėik i šiaurė - rajuona cėntrėnė lėguonėnė, īr globuos nomā. I šiaurė nu miesta i Bartova itek Louba, vuo rītėnis miesta šmuots ēn Loubas kairioujo intako - Pošopio.
Skouds īr pėrmasā miests Lietuvuo, katros nusprendė rajuona savėvaldībės puosėdius vestė ne lietoviu, vuo žemaitiu kalba.
|
Paloknė
Skouds
Prīkolė
|
Istuorėjė
Pėrma sīki Skouds pamėnavuots 1253 metās (kāp Scoden, Sckoden) - tumet uns priklausė Ceklė žemē. 1259 m. čė ivīka Lietuvuos ė Livonėjės mūšis - Skouda mūšis. 1572 m. gava miesta teisės, vieliau miesta valdė Sapiegas. 1914 m. nutėists gelžkėlė roužos - Rīga-Klaipieda. 1992 m. gegožės 6 d. Lietovuos Respoblėkas Atkoremuosės Tarības nutarėmo patvėrtėns miesta herbs.
Pavadėnėma kėlmie
Miesta pavadėnėms kėla nu asmenvardė, da i daba tebesontės pavardies Skouds.
Švėitėma ėr ūgdėma īstaigas
- P. Žadeikė gimnazėjė
- Bartuvuos vėdorėnė muokīkla
- Pradėnė muokīkla
- Lopšielis-daržielis
Žīmė žmuonis
- Lietoviu kėlėma JAV radėjuoluogs Eugenėjos Gedgaugs (Eugenijus Gedgaugas; 1924-2006)
- Lietoviu kėlėma, gėmės ir augis Skoude, irkloutuojs Mindaugs Tobens (Mindaugas Tubinas 1994)
Nūruodas
Puortėgrapėjės
-
-
Skouda kariū kapā
Akmenė • Ariuogala • Gargždā • Jorbarks • Kelmė • Kretinga • Koršienā • Mažeikē • Naujuojė Akmenė • Palonga • Plongė • Raseinē • Rėitavs • Salontā • Seda • Skaudvėlė • Skouds • Šėlalė • Šiaulē • Tauragie • Telšē • Tītovienā • Ožvėntis • Varnē • Vėnta • Vėikšnē
