Hilo
An hilo o hudong iyo an sarong kemikal na sabstans na igwa nin nakadadanyar na epekto sa buhay. An termino ginagamit sa dakol na langtad asin industriya sa siyensiya, na diyan iyan parateng espesipikong tinatawan nin kahulogan. Iyan puede man na gamiton sa piguratibong paagi o sa kolokyal na paagi, na may mahiwas na kahulogan.
Kun baga an sarong bagay ibinibilang na hilo pwedeng magbago depende sa kadakolan, sa mga kamugtakan, asin sa kun anong nabubuhay na mga bagay an yaon. An pagkahilo pwedeng aksidente sana o tuyo, asin kun an causa pwedeng mamidbid na pwedeng magkaigwa nin mga paagi na mahale an mga epekto o mainaan an mga sintomas.
Sa biyolohiya, an hilo sarong kemikal na sabstans na nagpapangyari nin kagadanan o danyos sa mga organismo o sa saindang mga kabtang. Sa medisina, an mga hilo sarong klase nin toksin na ipinapanao nin pasibo, bakong aktibo. Sa industriya an termino posibleng negatibo, sarong bagay na dapat haleon tanganing gibohon na ligtas, o positibo, an ahente na limitaran an dai ginustong mga peste. Sa ekologikal na mga termino, an mga hilo na iinintrodusir sa palibot sa huri pwedeng magbunga nin dai ginustong mga epekto saen man na lugar, o sa ibang kabtang kan kadena nin kakanon.
Modernong pakahulogan
Sa mahiwas na metaphorical (colloquial) na paggamit kan termino, "hilo" posibleng nanonongod sa arin man na posibleng makadanyar.
Sa biyolohiya, an hilo iyo an mga sabstans na posibleng magkawsa nin kagadanan, injury, o danyos sa mga organo, tisyu, selula, asin DNA parating huli sa mga reaksyon kemikal o iba pang aktibidad o sa molekular na eskwala, kapag an organismo nabiklad sa supisyenteng kantidad.[1]
Sa mga langtad Medisinal (urog na an veterinary medicine) asin soolohiya minsan binibisto an hilo kontra sa toksin asin kamandag. Kapwa an hilo asin kamandag pwedeng apodon na mga toksin, kun saen an mga toxicants nagpoprodusir kan mga organismo sa naturalesa.[2][3] An pagkakalaen sa pag-oltanan kan kamandag asin hilo iyo an paagi kan pagdeliver kan toksin.[2] An kamandag iyo an mga toksin na aktibong naghahatod sa paagi kan pagbansok sa paagi kan kagat o sting sa paagi kan sarong venom apparatus, siring kan tingo o stinger, sa sarong proseso na inapod na embenomasyon,[4] kun saen an mga hilo iyo an mga toksin na mga pasibong hinahatod sa paagi kan paghalon, paghangos, o sinasarumsom sa paagi kan kublit.[2]
Toltolan
- ↑ "Poison" at Merriam-Webster. Retrieved December 26th, 2014.
- ↑ 2.0 2.1 2.2 "Poison vs. Venom". Australian Academy of Science. 3 November 2017. Retrieved 17 April 2022.
- ↑ Chippaux, JP; Goyffon, M (2006). "[Venomous and poisonous animals--I. Overview]." (in fr). Médecine Tropicale 66 (3): 215–20. ISSN 0025-682X. PMID 16924809.
- ↑ Gupta, Ramesh C. (24 March 2017). Reproductive and developmental toxicology. Saint Louis. pp. 963–972. ISBN 978-0-12-804240-3. OCLC 980850276.
