Hrotsvitha

Si Hrotsvitha kan Gandersheim nagpresentar nin sarong gurang nang emperador na si Otto the Great kaiba an saiyang Gesta Oddonis, sa irarom kan mga mata ni Abbess Gerberga . 1501 na inukit sa kahoy ni Albrecht Dürer .

Si Hrotsvitha ( c. 935 –973) sarong sekular na canoness na nagsurat nin drama asin Kristiyanong rawitdawit sa irarom kan dinastiyang Ottonian . Namundag siya sa Bad Gandersheim sa mga nobleng Saxon asin naglaog sa Gandersheim Abbey bilang sarong canoness. [1] Siya pigkonsiderar na pinakaenot na babaeng parasurat gikan sa Germanosphere, an pinakaenot na babaeng historyador, an pinakaenot na persona poon kan Pagbagsak kan Imperyo Romano na nagsurat nin mga drama sa Latin Solnopan, [2] asin an pinakaenot na babaeng pararawitdawit na Aleman. [3]

An anom na halipot na drama ni Hrotsvitha pigkokonsiderar na pinaka-importanteng mga obra niya. [4] Saro siya sa nagkapirang babae na nagsurat manungod sa saiyang buhay kan amay na Edad Media, na iyo an saro sa mga tawong nagrekord nin kasaysayan kan mga babae kan panahon na idto gikan sa pananaw nin sarong babae. [5] Inapod siyang "an pinakapambihirang babae kan saiyang panahon", [6] asin sarong importanteng pigura sa historya kan mga babae.

Kakadikit an aram manongod sa personal na buhay ni Hrotsvitha. An gabos niyang sinurat yaon sa Latin kan Edad Media . [7] An saiyang mga obra nadiskobre giraray kan 1501 kan humanistang si Conrad Celtes asin itrinadusir sa Ingles kan mga taon 1600.

An pangaran ni Hrotsvitha ( Latin : Hrotsvitha Gandeshemensis ) minalataw sa manlaen-laen na porma kabali an: Hrotsvit, Hrosvite, Hroswitha, Hroswithe, Rhotswitha, Roswit, Roswindis asin Roswitha . [8] Nangangahulugan ini nin "sarong makusog na kurahaw", asin nagtataram sa paagi na gusto niyang pamurawayon an mga bayani asin alamat na Kristiyano, siring man an mga halaga na saindang pigrerepresentar. [9] May mga nagkomento kun pano ini nagrerepresentar o nagkokontra sa personalidad na iprinesentar sa saiyang pagsurat.

Mantang kadakol an nagkwestyon kan pagkatotoo kan obra ni Hrotsvitha, [10] an mga pagsiyasat asin koleksyon kan saiyang mga obra, kaiba an kadakol na mga obrang makasaysayan asin kontemporaryo na nagtataram manongod saiya, nagpapahiling na an obra ni Hrotsvitha tunay. [11] An mga iskolar na peministang nagrason na an paghapot na ini sa pagkatotoo kan gibo ni Hrotsvitha nagpapahiling nin sarong sexist na naratibo imbes na magbuyagyag nin sarong depekto sa saiyang gibo o na siya dai nag-eksister, ta an mga indibidwal nakikipag-ulay sa saiyang gibo sa laog nin ginatos na taon, asin may mas dakulang intensidad poon pa kan an saiyang pagdiskubre giraray durante kan Renaissance kan Alemania . [12]

Buhay asin pinaghalean

Simbahan kan Gandersheim abbey

An gabos na impormasyon manungod ki Hrotsvitha gikan sa mga preface kan saiyang obra, asin mga huring interpretasyon kan saiyang mga sinurat. Sa pankagabsan inaako na si Hrotsvitha namundag kan mga 935 asin nagadan kan 973. Dikit an aram manungod sa saiyang linyada, o kun tano ta kinua niya an belo.

An Gandersheim Abbey sarong harong nin mga sekular na canonesses. Igwa nin nagkapirang debate kun nuarin siya naglaog. Si Hrotsvitha nagsumpa nin kalinigan asin pagkuyog alagad bakong kadukhaan. Puede siang mamuhay nin medyo komportableng buhay asin maghale sa monasteryo ano man na oras, mantang protektado, nag-aadal sa sarong dakulang libreriya, asin nag-aadal sa dakol na paratokdo. Ini nagtataram kan saiyang posisyon sa ekonomiya bilang gikan sa sarong nobleng pamilya. Si Hrotsvitha nagpoon kan saiyang pag-adal sa irarom kan madre na si Rikkardis, na mas hoben saiya. Nag-adal man siya sa irarom kan Abadesa Gerberga, makoapo ni Hadeng Henry the Fowler . Si Abbess Gerberga nagin katood asin tagapayo ni Hrotsvit. Siya sarong marhay na estudyante na nagbasa nin kadakol na mga obra na popular kan panahon na idto na may partikular na pokus sa mga osipon manungod sa mga santo asin ginamit niya an kadaklan kan saiyang oras sa pag-adal kun pano magsurat nin berso. Si Hrotsvitha mismo nagin sarong paratukdo kan siya 20 anyos.

Mantang an saiyang mga sinurat nagpapahiling nin medyo maygurang na pananaw, tibaad isinurat ini kan siya mas gurang na. Igwa siyang marhay na pakasabot sa sistema legal, an kasaysayan kan dinastiyang Ottonian asin an saindang linya nin pagsusundan. Si Hrotsvitha iyo an pinakaenot na taga-Norteng Europa na nagsurat manungod sa Islam asin sa imperyo kan Islam. Siya parehong edukado asin may marahay na kaaraman. An saiyang paggamit nin mga mito nagpapahiling nin sarong espesipikong pananaw mantang siya nagsusurat manungod sa importansya kan Kristiyanismo—na may pokus sa pagkabirhen, pagkamartir, asin an kusog kan mga pamantayan na Kristiyano—sa atubangan kan banta na dara kan Islam. [13]

Sa primero, si Hrotsvitha nagsurat nin patago sagkod na siya naenkaminar na basahon nin makosog an saiyang mga obra asin i-edit sinda. Inenkaminar siya kan Abadesa na magpadagos sa pagsurat. [14] Si Hrotsvitha nagsurat nin mga alamat, komedya, asin mga dula. An saiyang mga Libro nin mga Alamat o Carmina liber primus isinurat kan mga taon 950 o 960 asin isinurat bilang pag-onra ki Abadesa Gerberga. Igwa ini nin walong alamat na nakasurat sa dactylic hexameter. An saiyang pinakapopular na obra iyo an The Book of Drama, o Liber Secundus, na nagtao nin alternatibong Kristiyano sa obra kan Romanong dramaturgo na si Terence. Kabaliktaran ki Terence, na nag-estorya manongod sa mga babae na maluya asin maraot an moral, an mga estorya ni Hrothsvitha manongod sa birtuosong mga birhen na may makosog na koneksion sa Dios asin nagtagal sa kasakitan. An ikatolong libro ni Hrotsvitha igwa kan Gesta Ottonis, na nagdedetalye kan kasaysayan kan mga Ottonian poon 919 sagkod 965; asin an Primordia coenobii Gandeshemensis, an kasaysayan kan Gandersheim Abbey.

Mga gibo

Roswitha kan Gandersheim

An mga obra ni Hrothsvitha kabali sa mga kategorya nin mga alamat, komedya, asin mga dula. Sinabi ni Cardinal Gasquet na an saiyang mga obra igwa nin "paghahagad nin sarong eminenteng lugar sa literatura kan edad media, asin nagtatao nin onra sa saiyang sekso, sa edad na saiyang nabuhayan, asin sa bokasyon na saiyang sinunod." [15] An mga obra pinag-organisar sa kronolohiya asin nagtataram kun pano pinahalagahan ni Hrotsvitha an Kristiyanong paagi nin buhay.

Sa ibong kan importansya ni Hrothsvitha bilang pinakaenot na midbid na babaeng parasurat nin drama, an saiyang obra dai nahihiling na importante asin dai naitradusir sa Ingles sagkod kan mga taon 1600. Parati siyang dai piglalaog sa mga teksto manungod sa kasaysayan kan mga dula asin literatura. [16]

An pinaka-importanteng manuskrito kan saiyang mga gibo, na igwa kan gabos na teksto apwera sa Primordia, iyo an Codex Bayerische Staatsbibliothek ( Bavarian State Library ) Clm 14485, sarong manuskrito na isinurat nin nagkapirang manlaen-laen na kamot sa Gandersheim sa katapusan kan ika-10 o kapinunan kan ika-11 siglo . [17] Ini nadiskobre kan humanistang si Conrad Celtis kan 1493/94 sa Cloister of St. Emmeram sa Regensburg asin nagbilog kan enot na edisyon (ilustrado ni Albrecht Dürer ).

Pamana

Peminismo

An gibo ni Hrothsvitha dai inintindi sagkod na nadiskubre giraray asin na-edit ni Conrad Celtis an saiyang gibo kan mga taon 1500. Kan mga taon 1970, an mga peminista nagpoon kan saindang sadiring pagdiskubre giraray kan saiyang trabaho sa irarom nin sarong gendered lens tanganing i-re-contextualize ini [18] tanganing ipaheling na an mga babae kan nakaagi igwa nin importanteng mga papel sa saindang mga sosyedad, alagad an saindang trabaho nawara o dai nahiling bilang mahalaga. An mga peminista ginibo an re-kontekstuwalisasyon na ini tanganing makanuod manungod sa kasaysayan kan mga kababaihan, mantang dai nagsasabi na an mga babaeng ini mga peminista, tanganing idoon an importansya kan mga kababaihan sa bilog na kasaysayan dawa ngani sinda nalingawan na. Huli kaini, si Hrotsvitha padagos na nakakua nin dakulang atensyon sa larangan nin mga pag-aadal sa feminismo, na nagtatabang na magtao nin mas marahay na pagmati nin pagmidbid sa kasaysayan, naginibohan, asin kahulugan sa mga kababaihan sa paagi kan trabaho kan Canoness.

Hilingon man

  • Canoness

Toltolan

  1. ↑ Sack, Harald (2019-02-06). "Hrotsvitha of Gandersheim – The Most Remarkable Women of her Time". SciHi Blog (in English). Retrieved 2019-11-23. 
  2. ↑ Ives, Margaret; Suerbaum, Almut (2000). A history of women's writing in Germany, Austria, and Switzerland. Catling, Jo. Cambridge: Cambridge University Press. ISBN 0-521-44482-9. OCLC 42004382. 
  3. ↑ Bayerschmidt, Carl F. (1966-11-01). "Hroswitha of Gandersheim. Her Life, Times and Works, and a Comprehensive Bibliography. Edited by Anne Lyon Haight". The Germanic Review: Literature, Culture, Theory 41 (4): 302–303. doi:10.1080/19306962.1966.11754646. ISSN 0016-8890. 
  4. ↑ Hroswitha of Gandersheim. Her Life, Times and Works, and a Comprehensive Bibliography. Edited by Anne Lyon Haight. 
  5. ↑ Hroswitha of Gandersheim and the Destiny of Women. 
  6. ↑ Emily McFarlan Miller (2019-03-20). "Hrotsvitha vs. Gobnait". Lent Madness (in English). Retrieved 2019-11-23. 
  7. ↑ "Hrotsvitha - Name's Meaning of Hrotsvitha". Name-Doctor.com. Retrieved 2019-12-03. 
  8. ↑ "Hrosvitha | German poet". Encyclopedia Britannica (in English). Retrieved 2019-12-03. 
  9. ↑ Wilson, Katharina (2004). Hrotsvit Of Gandersheim. Toronto: University of Toronto Press. pp. 3–10. 
  10. ↑ Hrotsvitha of Gandersheim. 
  11. ↑ Zeydel, Edwin (Jul 1947). "A Chronological Hrotsvitha Bibliography through 1700 with Annotations". The Journal of English and Germanic Philology 46 (3): 290–294. 
  12. ↑ A Chronological Hrotsvitha Bibliography through 1700 with Annotations. 
  13. ↑ Wilson, Katharina (2004). Hrotsvit Of Gandersheim. Toronto: University of Toronto Press. pp. 3–10. 
  14. ↑ Coulter, Cornelia C. (1929). The "Terentian" Comedies of a Tenth-Century Nun. 
  15. ↑ Haight, Anne Lynn (1965). Hroswitha of Gandersheim. The Hroswitha Club. p. 3. 
  16. ↑ Case, Sue-Ellen (December 1983). "Re-Viewing Hrotsvit". Theatre Journal 35 (4): 533–542. doi:10.2307/3207334. 
  17. ↑ "Hrotsvitha's Poems". www.wdl.org. 1000. Retrieved 2019-12-06. 
  18. ↑ Homans, Margaret (1994). "Feminist Fictions and Feminist Theories of Narrative". Narrative 2 (1): 3–16. ISSN 1063-3685.