Ma-i

Ma-i
EstadoSoberenyang estado[1]
KapitolyoSa irarom nin debate.[2]
Mga posibilidad kabali an Bulalacao, sa isla nin Mindoro o Bay, Laguna
GobyernoBarangay na estado[3]
CurrencyBarter (mga kaldron, pidaso nin bakal, pulang bado o taffetas nin manlainlain na kulay na stripes, ivory, asin "tinta o kaparehas")
An kinaban kaidtong 1200 AD na nagpapahiling sa Ma-i asin sa iba pang mga kataraid-estado kaini.

An Ma-i o Maidh (pigbabaybay man na Ma'I, Mai, Ma-yi or Mayi; Chinese: 麻逸; Pe̍h-ōe-jī: má it) iyo sarong suanoy na soberanyang estado na mahihiling sa ngunyan sa Filipinas.

An eksistensya kaini iyo enot nadokumentar kaidtong 971 AD, sa mga dokumento kan Dinastiyang Song na bistado bilang History of Song,[2][4] asin nasambit man kaidtong ika-10 na siglo sa mga rekord kan Sultanato nin Brunei.[5] Base sa mga panurat na ini sagkod sa iba pang pagsambit hasta sa amay na ika-14 na siglo, an mga kontemporaryong iskolar iyo minatubod na an Ma-i iyo mahihiling sa Bay, Laguna[2] o sa isla nin Mindoro.[6]

Sa pag-aadal ni Fay Cooper Cole para sa Field Museum sa Chicago kaidtong 1912, nagpahiling ini na an suanoy na ngaran nin Mindoro iyo Mait.[7] An mga katutubong grupo nin Mindoro na mga Mangyan sagkod sa ngunyan, inaapod an ibabang kadagaan nin Bulalacao sa Oriental Mindoro bilang Mait. Sa kadaklan nin ika-20 na siglo, an mga historyador iyo harus pig-aako na an ideya na an Mindoro an sentrong politikal nin suanoy na Filipinong politidad.[2] Pero an sarong pag-aadal kaidtong 2005 nin Filipino-Tsinong historyador na si Go Bon Juan nagtao nin suhestyon na an mga historikal na deskripsyon iyo mas nag-aangay sa Bay, Laguna (pigbabaybay bilang Ba-i), na iyo pigsusurat na kaparehas sa Ma-i sa Tsinong ortograpiya.[2]

Saro pang teorya, na pigtulod kaidtong 1914 ni Craig 1914 asin pig-asertohan nin mga lokal na historyador,[8] nagtaong suhestyon na an Malolos, Bulacan bilang sarong potensyal na sityo nin Ma-i.

Hilingon man

Toltolan

  1. ↑ Scott 1989, pp. 63, 68.
  2. ↑ 2.0 2.1 2.2 2.3 2.4 Go 2005.
  3. ↑ Jocano 1998.
  4. ↑ Scott 1989.
  5. ↑ Scott 1989, p. 79.
  6. ↑ Scott 1989, p. 70.
  7. ↑ Cole 1912, p. 19.
  8. ↑ Malolos Historical Digest, March 2000, Marcial C. Aniag, editor