Ігар Чумачэнка
| Ігар Чумачэнка | ||
| Пэрсанальная інфармацыя | ||
|---|---|---|
| Нарадзіўся | 26 кастрычніка 1976[1] (48 гадоў) | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 1992—1993 | Александрыя | 15 (0) |
| 1993 | Прамэтэй[d] | 1 (0) |
| 1994 | Рэчыца-2014 | 25 (1) |
| 1995—1996 | Дняпро Магілёў | 29 (2) |
| 1996—1997 | Чарнаморац Адэса | 22 (1) |
| 1998—2001 | Дняпро Магілёў | 92 (28) |
| 2001 | Дынама Менск | 19 (8) |
| 2002—2003 | БАТЭ | 34 (17) |
| 2003—2004 | Іртыш Паўладар | 18 (5) |
| 2004—2007 | Нафтан | 83 (26) |
| 2008—2009 | Нёман Горадня | 50 (5) |
| 2010 | ДБК-Гомель[d] | 29 (4) |
| 2011 | Гарадзея | 15 (3) |
| Трэнэрскія клюбы | ||
| 2020—2021 | Дняпро Магілёў | |
| 2021—2023 | Ворша | |
Ігар Чумачэнка (нар. 26 кастрычніка 1976 году) — беларускі футбаліст украінскага паходжаньня, паўабаронца. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[2]. Майстар спорту.
Кар’ера
Выхаванец адэскага футболу з вайсковага гарадку Арцыз. Пачынаў сваю кар’еру ў ва ўкраінскіх клюбах «Паліграфтэхніка» і «Прамэтэй». Пазьней трапіў у Беларусь, дзе пачаў бараніць колеры рэчыцкага «Ведрыча-97».
Затым далучыўся да магілёўскага «Дняпра», зь якім у 1998 годзе заваяваў першыя чэмпіёнскія мэдалі. Хоць перад гэтым спрабаваў замацавацца ў сябе на радзіме, то бок у складзе адэскага «Чарнаморца», але ня знайшоў паразуменьня з тагачасным трэнэрам адэсітаў Леанідам Бураком. Вярнуўшыся ў Беларусь на доўгія гады стаў адным з галоўных паўабаронцаў чэмпіянату. Выступаў у складзе менскага «Дынама» і барысаўскага БАТЭ, пасьля чаго зьехаў у казаскі «Іртыш». У Казахстане быў чэмпіёнам краіны ў 2003 годзе, пасьля чаго вярнуўся ў беларускі чэмпіянат. Апошнія гады сваёй кар’еры гуляў у Першай лізе, выступаючы за гомельскі ДБК і «Гарадзею».
Пасля завяршэньня кар’еры гульца перайшоў на трэнэрскую працу. У студзені 2016 году быў назначаны галоўным трэнэрам дублюючага складу барысаўскага БАТЭ. У студзені 2019 году ачоліў дубль менскага «Тарпэда»[3]. У кастрычніку 2021 году заняў пасаду галоўнага трэнэра «Ворша»[4]. У сьнежні 2022 году працягнуў супрацу з аршанцамі[5].
Дасягненьні
- Чэмпіён Беларусі: 1998, 2002
- Чэмпіён Казахстану: 2003
Крыніцы
- ^ а б в Igor Chumachenko // Transfermarkt (мн.) — 2000.
- ^ Клуб бомбардиров. За четыре шага до цели (рас.)
- ^ Игорь Чумаченко возглавил дубль столичного «Торпедо» (рас.)
- ^ Чумаченко возглавил «Оршу» (рас.)
- ^ Игорь Чумаченко продолжит тренировать «Оршу» (рас.)
Вонкавыя спасылкі
- Профіль на сайце БАТЭ (рас.)