Аўтаномная вобласьць немцаў Паволжа

Аўтаномная вобласьць немцаў Паволжа
рас. Автономная область немцев Поволжья, ням. Arbeitskommune des Gebietes der Wolgadeutschen
Агульныя зьвесткі
Краіна	СССР
Статус	Аўтаномная вобласьць
Уваходзіць у	РСФСР, Саратаўская губэрня
Адміністрацыйны цэнтар	Саратаў
Улучае	13 раёнаў, з 22 чэрвеня 1922 году — 14 раёнаў
Найбольшы горад	Саратаў
Іншыя буйныя гарады	Марксштат, Пакроўск, Бальцар
Дата ўтварэньня	19 кастрычніка 1918 году
Дата скасаваньня	19 сьнежня 1923
Афіцыйныя мовы	нямецкая, расейская
Насельніцтва	452 629 чал. (1920)
Плошча	26,763 км²
Дадатковыя мультымэдыйныя матэрыялы

Аўтаномная вобласьць немцаў Паволжа, Працоўная камуна немцаў Паволжа (па-расейску: Автономная область немцев Поволжья, па-нямецку: der Arbeitskommune des Gebietes der Wolgadeutschen) — адміністрацыйна-тэрытарыяльная адзінка ў складзе Саратаўскай губэрні РСФСР, якая існавала з 19 кастрычніка 1918 году па 19 сьнежня 1923 году.

19 кастрычніка 1918 году згодна з дэкрэтам Савету народных камісараў РСФСР была ўтвораная першая ў РСФСР аўтаномная вобласьць — аўтаномная вобласьць немцаў Паволжа (выкарыстоўвалася таксама назва Працоўная камуна немцаў Паволжа) у складзе Саратаўскай губэрні РСФСР з адміністрацыйным цэнтрам у горадзе Саратаве. Саратаў зьяўляўся адміністрацыйным цэнтрам з 20 кастрычніка 1918 году па травень 1919 году. Затым адміністрацыйным цэнтрам стаў горад Марксштат, які да 4 чэрвеня 1919 году зваўся Екацерыненштат. 24 ліпеня 1922 году адміністрацыйны цэнтар вобласьці быў перанесены ў далучаны да аўтаноміі 22 чэрвеня горад Пакроўск, які ў 1931 годзе будзе пераназваны ў горад Энгельс.

19 сьнежня 1923 году Аўтаномная вобласьць немцаў Паволжа ператвораная ў Аўтаномную ССР немцаў Паволжа.

• Пры ўтварэньні Аўтаномнай вобласьці немцаў Паволжа ў яе склад былі ўключаныя тры новаўтвораныя паветы Саратаўскай губэрні.
  • Галакарамыскі павет з цэнтрам у сяле Голы Карамыш (нямецкая назва — Бальцар, сучасная назва — горад Краснаармейск;
  • Екацерыненштацкі павет з цэнтрам у горадзе Екацерыненштаце, які з 1918 году стаў горадам Марксштатам.
  • Ровенскі павет з цэнтрам у сяле Роўнае (нямецкая назва — Зэльман).

(да 1918 гады тэрыторыі Екацерыненштацкага й Ровенскага паветаў уваходзілі ў склад Наваўзенскага павету Самарскай губэрні).

• 17 лютага 1921 году на тэрыторыі Аўтаномнай вобласьці немцаў Паволжа было ўтворана 13 раёнаў^[1]:
  • Антонаўскі — с. Антонаўка (з 15.02.1922 — с. Тонкашураўка)
  • Верхне-Ілаўлінскі — с. Каменка
  • Верхне-Караманскі — с. Флорскае (Гнадэнфлюр)
  • Ерусланскі — с. Красты (Лангэнфэльд)
  • Карамыскі — г. Голы Карамыш (Бальцар)
  • Марксштацкі — г. Марксштат
  • Мядзьведзіцкі — с. Мядзьведзіцкі Крастовы Буярак
  • Ніжне-Ілаўлінскі — с. Ніжне-Дабрынка
  • Ніжне-Караманскі — с. Чырвоны Яр
  • Панінскі — с. Панінскае (з 15 лютага 1922 году — с. Унтэрвальдэн)
  • Ровенскі — с. Роўнае (Зэльман)
  • Тарлыцкі — с. Вольскае (Кукус)
  • Таргунскі — с. Паласаўка (п. Нэй-Галка)

• 22 чэрвеня 1922 году ў склад вобласьці ўключаны Пакроўскі павет.

Старшыня Паволскага камісарыяту па нямецкіх справах

• 1918 — Эрнст Ройтэр (Ernst Reuter)

Старшыня ВРК Аўтаномнай вобласьці немцаў Паволжа

• 1919—1920 — Гуга Шаўлер (Hugo Schaufler)

Старшыні Выканаўчага камітэту рады Аўтаномнай вобласьці немцаў Паволжа

• 1920 — Аляксандр Доц (Alexander Dotz)
• 1920—1921 — Васіль Пакун
• 1921—1922 — Аляксандр Моор (Alexander Moor)
• 1922—1923 — Вільгельм Курц (Wilhelm Kurz)

• Расейскія немцы
• АССР немцаў Паволжа
• Эрнст Ройтэр
• Дэпартацыя немцаў у СССР