Генадзь Блізьнюк

Генадзь Блізьнюк
Пэрсанальная інфармацыя
Нарадзіўся 30 ліпеня 1980(1980-07-30)[1][2][3] (44 гады)
Рост 174 см
Вага 70 кг
Пазыцыя нападнік
Клюбы
Гады Клюб Гульні (галы)¹
1998 Хімік 15 (6)
1999—2004 Гомель 126 (45)
2004—2005 Сокал Саратаў[d] 43 (10)
2005—2008 БАТЭ 82 (50)
2009 Франкфурт 10 (1)
2009—2010 Сібір Новасібірск 20 (3)
2010 Белшына 9 (1)
2010—2011 Шувалан Баку 6 (2)
2011 Шувалан Баку 6 (2)
2011—2012 Белшына 40 (7)
2013—2015 Гомель 84 (21)
2016 Тарпэда-БелАЗ 13 (0)
2016—2018 Іслач 42 (5)
2018 Энэргетык-БДУ 13 (3)
Зборныя
2000—2001 Беларусь (да 21) 5 (1)
2004—2009 Беларусь 12 (4)

Гена́дзь Блізьню́к (нар. 30 ліпеня 1980 году) — колішні беларускі футбаліст, нападнік. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[4] і ў Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў[5].

Кар’ера

Клюбная

Спачатку выступаў у міні-футбольным клюбе ЦКК. Потым гуляў у складзе «Гомля», зь якім у 2003 годзе стаў чэмпіёнам краіны і найлепшым бамбардзірам чэмпіянату. У 2004—2005 гадах гуляў у Расеі за саратаўскі «Сокал», а пасьля вярнуўся ў Беларусь, стаўшы гульцом барысаўскага БАТЭ. У БАТЭ хутка стаў асноўным нападнікам і найлепшым бамбардзірам клюбу. Асабліва выдатна згуляў сэзон 2008 году, калі зьвязак Блізьнюка зь Віталём Радзівонавым дазволіла БАТЭ здабыць чарговае чэмпіёнства, а таксама дапамагла прабіцца ў групавы этап Лігі чэмпіёнаў.

Пасьля паспяховага сэзону 2008 году пераехаў у Нямеччыну, але там не затрымаўся. Неўзабаве стаў гульцом «Сібіры», якую ачольваў былы трэнэр БАТЭ Ігар Крывушэнка. Дапамог сібірскаму клюбу выйсьці ў расейскую Прэм’ер-лігу. У 2010—2012 гадах гуляў за бабруйскую «Белшыну», але зь перапынкам. У сьнежні 2012 году пасьля дзевяцігадовага перапынку вярнуўся ў «Гомель»[6]. У «Гомлі» стаў выступаць на пазыцыі «пад нападнікам», якім звычайна быў Антон Матвеенка, нярэдка выводзіў каманду на поле ў якасьці капітана. У сэзоне 2014 году, у сувязі з траўмай Матвеенкі, стаў выступаць як цэнтральны нападнік. З васьмю галамі быў найлепшым бамбардзірам клюбу ў сэзоне. У студзені 2015 году падоўжыў кантракт з «Гомлем»[7]. Застаўшыся ў камандзе, склад якой значна амаладзіўся, Генадзь быў адным з самых дасьведчаных гульцоў і лідэраў. 25 красавіка 2015 году, згуляўшы ў матчы супраць БАТЭ, Генадзь стаў рэкардсмэнам клюбу паводле колькасьці згуляных у Найвышэйшай лізе матчаў (190), а 19 кастрычніка, аформіўшы хет-трык у матчы супраць берасьцейскага «Дынама» — таксама і найлепшым бамбардзірам клюбу[8].

Паводле вынікаў сэзону 2015 году «Гомель» выбыў у Першую лігу, і Генадзь пастанавіў сабе пакінуць клюб. У студзені 2016 году ён падпісаў кантракт з жодзінскім «Тарпэда-БелАЗ»[9]. Разам з «Тарпэда-БелАЗ» выйграў Кубак Беларусі. 5 ліпеня кантракт з жодзінскім клюбам паводле пагадненьня бакоў быў скасаваны[10]. 15 жніўня 2016 году стаў гульцом «Іслачы»[11], дзе замацаваўся на пазыцыі левага атакуючага паўабаронцы. Па заканчэньні сэзону ў сьнежні 2016 году пакінуў «Іслач»[12], аднак неўзабаве вярнуўся ў каманду і ў студзені 2017 году падпісаў новы кантракт[13]. 18 жніўня 2017 году, згуляўшы супраць «Гомля», правёў свой 500-ы матч на найвышэйшым узроўні, уступіўшы тым самым у Клюб Сяргея Алейнікава[14]. У ліпені 2018 году пакінуў «Іслач»[15].

У жніўні 2018 году далучыўся да «Энэргетыка-БДУ»[16], якому дапамог прасунуцца ў Найвышэйшую лігу. Па заканчэньні сэзону ў сьнежні 2018 году завяршыў кар’еру і перайшоў на трэнэрскую працу ў «Энэргетыку-БДУ»[17].

Міжнародная

Гуляў за моладзевую зборную Беларусі (U-21) у 2000 годзе — 2 матчы, у 2001 — 3 матчы (1 гол). Таксама прыцягваўся да матчаў зборнай Беларусі, згуляўшы першы матч у складзе каманды 19 лютага 2004 году супраць другой зборнай Румыніі. Першым голам адзначыўся ў таварыскім матчы супраць зборнай Летувы.

Трэнэрская праца

Па завяршэньні кар’еры з пачатку 2019 году дапамагаў галоўнаму трэнэру дубля «Энэргетыка-БДУ» Паўлу Раднёнку, а з траўня 2019 году сам ачоліў рэзэрвовую каманду. З 2020 году засярэдзіўся на працы ў асноўнай камандзе клюбу. Пакінуў трэнэрскі штаб сталічнага клюбу ў сьнежні 2022 году[18].

Узнагароды

  • Чэмпіён Беларусі ў складзе:
    • «Гомель» — 2003
    • БАТЭ — 2006, 2007
  • Кубак Беларусі:
    • «Гомель» — 2002
    • БАТЭ — 2006
  • Бронзавы прызэр чэмпіянату Беларусі ў складзе «Гомелю» — 1999
  • У сьпісе 22 найлепшых футбалістаў чэмпіянату — 2003, 2004, 2006, 2007

Статыстыка

Клюб Сэзон Чэмпіянат
Дывізіён Матчы Галы
Гомель 2015 Найвышэйшая ліга 23 7
Тарпэда-БелАЗ 2016 Найвышэйшая ліга 13 0
Іслач 11 2
2017 Найвышэйшая ліга 22 3
2018 Найвышэйшая ліга 9 0
Энэргетык-БДУ Першая ліга 13 3

Крыніцы

  1. ^ а б в Gennadi Bliznyuk // Transfermarkt (мн.) — 2000.
  2. ^ а б в Gennadi Bliznyuk // FBref (мн.)
  3. ^ а б в GENNADI BLIZNYUK // Argentine Soccer Database (гішп.)
  4. ^ Клуб бомбардиров. Незаконченный Роман (рас.)
  5. ^ Тур 19. Цифры по поводу. Близнюк сыграл 500-й матч в карьере (рас.)
  6. ^ Геннадий Близнюк подписал однолетний контракт с «Гомелем»
  7. ^ "Гомель" продлил соглашение с Близнюком
  8. ^ Геннадий Близнюк стал лучшим бомбардиром в истории "Гомеля"
  9. ^ "Торпедо-БелАЗ" подписал контракты с Близнюком и Фомичевым и продлил соглашения со Скавышем и Панковцом
  10. ^ Близнюк покинул «Торпедо-БелАЗ»
  11. ^ Близнюк стал футболистом "Ислочи"
  12. ^ Геннадий Близнюк покинул "Ислочь"
  13. ^ Близнюк продолжит выступать за "Ислочь"
  14. ^ Клуб Сергея Алейникова. Молодым еще фору дам
  15. ^ Осипенко, Близнюк и Кирильчик покинули "Ислочь"
  16. ^ Геннадий Близнюк перешел в "Энергетик-БГУ"
  17. ^ Геннадий Близнюк завершил карьеру
  18. ^ Тренеры Кудряшов и Близнюк расстались с "Энергетиком-БГУ" (рас.) Праверана 2022-12-30 г.

Вонкавыя спасылкі

Найлепшыя бамбардзіры чэмпіянату Беларусі па футболе