Дыка Мэм

Дыка Мэм
Пэрсанальная інфармацыя
Нарадзіўся 31 жніўня 1997(1997-08-31)[1] (27 гадоў)
Рост 194 см
Пазыцыя гульнёвы
Клюбная інфармацыя
Клюб Барсэлёна
Нумар 10
Клюбы
Гады Клюб
2015—2016 Трамбле[d]
2016—4 Барсэлёна
Зборныя
2016—4 Францыя

Дыка́ Мэм (па-француску: Dika Mem; нар. 31 жніўня 1997 году) — францускі гандбаліст гішпанскага клюбу «Барсэлёна» і нацыянальнай зборнай Францыі. Гуляе на пазыцыі правага гульнёвага гульца.

Кар’ера

Пачаў займацца гандболам у веку 13 гадоў у прадмесьці Парыжу. Прайшоў празь некалькі спартовых школаў. У 2015 годзе далучыўся да клюбу «Трамбле», склаўшы трохгадовы кантракт з камандай[2][3]. Праз паўтара месяца ён стаў галоўным правым гульнёвым у клюбе. У сваім першым сэзоне ў якасьці прафэсіянала Мэм правёў 25 гульняў і забіў 93 галы[4]. У 2016 годзе падпісаў шасьцігадовы кантракт з чэмпіёнам Гішпаніі клюбам «Барсэлёна». Сваім пераходам Мэм стаў наймаладзейшым гульцом, якога «Барсэлёна» калі-небудзь падпісвала ў першую каманду. Ужо пасьля свайго другога сэзону ў гішпанскім клюбе, у якім Мэм ужо быў адным з найлепшых выканаўцаў, і яшчэ аднаго вельмі пасьпяховага году ў якасьці гульца нацыянальнай зборнай Францыі, гандбаліст быў прызнаны найлепшым маладым гульцом у сьвеце ў 2018 годзе. Таксама ўвашоў у зорную сымбалічную зборную Лігі чэмпіёнаў[5]. Перад пачаткам сэзону 2018—2019 гадоў падоўжыў кантракт з клюбам да 2024 году[6][7].

З сэзону 2021—2022 гадоў стаў адным з чатырох капітанаў каманды, узяўшы сабе 10-ы нумар. У траўні 2022 году Мэм датэрмінова падоўжыў кантракт з «Барсэлёнай» да 2027 году. Паводле вынікаў сэзону 2021—2022 гадоў француз зноў стаў пераможцам Лігі чэмпіёнаў і зноў быў абраны ў каманду ўсіх зорак Лігі чэмпіёнаў. Маючы 100 галоў, ён заняў другое месца ў сьпісе бамбардзіраў Лігі чэмпіёнаў пасьля свайго таварыша па камандзе Алеша Гомэса. Таксама ён быў названы самым каштоўным гульцом гішпанскай лігі ў сэзоне 2021—2022 гадоў[8]. З сэзону 2023—2024 гадоў Мэм ёсьць капітанам каманды.

Крыніцы

  1. ^ а б Dika Mem // https://www.olympedia.org/athletes/142896
  2. ^ «Dika Mem: „Pas de risque que je prenne la grosse tête!“». Le Parisien.
  3. ^ «L’espoir préfère Tremblay au PSG». Le Parisien.
  4. ^ «Dika Mem, le jeune espoir français file à Barcelone». Sport365.fr.
  5. ^ «Sieben neue Namen bringen frischen Wind in das VELUX EHF Champions League All-star Team 2017/18». EHF Champions League
  6. ^ «Barcelona verlängert mit französischem Nationalspieler Mem». Handball World.
  7. ^ «El Barça ata a Dika Mem hasta el final de la temporada 2023—24». AS.
  8. ^ «Dika Mem és escollit MVP de la temporada 2021—22». ASOBAL.

Вонкавыя спасылкі